السلام عليكم ورحمة الله وبركاته
كيف الحال يا حلوات ان شاء الله طيبات كلكم
اليوم جبت لكم حلا ان شاء الله يكون جديد عليكم
ما راح اقول لكم عن شكله انتو احكموا بانفسكم ….
المقادير:
كيك امريكانا بالشوكولاته المستطيل
1 قشطه
1 دريم ويب
6 كيري
1 كريم كراميل
و للوجه:
1 كريم كراميل + كاس الى كاس ونصف سفن اب
————————————————————
الطريقة:
اول شي تجيبين كيك امريكانا المستطيل بالشوكولاته
و هاذي صورته
و تقطعينه شرائح بهذا الشكل
و بعدين تصفينه بالصينيه بشكل متساوي و مرتب بدون فتحات
خلي كل الشرائح بنفس العرض عشان يكون السطح مستوي
و بكذا خلصت الطبقة الاولى و بيكون شكلها كذا:
——————————————————
الطبقة الثانية:
تخلطين في الخلاط
6 حبات كيري – 1 قشطة – 1 مغلف دريم ويب – 1 كيس كريم كراميل و هاذي صورتهم بعد ههه
و تصبين الخليط بالتساوي على الكيك اللي في الصينيه بهذا الشكل:
الحين نجي للشي المميز في هذا الحلا و هو شكل الشطرنج….
تجيبين بسكوت كتاكيت مولتو انا لقيته في السدحان بالنسبه لبنات الرياض
تجيبين اللي بالشوكولاته و الابيض على فكره حجمه صغير اصغر من حجم بسكوت الشاي
و هذا شكلهم من برا
و تبدين ترصينهم على شكل شطرنج يعني وحده بيضاء وحده بنيه بهذا الشكل:
لحد ما تصير الصينيه بهذا الشكل (انا مسويه صينيتين المقادير اللي اعطيتكم لصينيه وحده)
و اخر شي الطبقة الاخيرة هي
تحطين كاس الى كاس و نصف سفن اب على النار (على حسب رغبتك تبغين الطبقة خفيفه او اسمك)
و تضيفين عليه كيس كريم كراميل و تحركينه شوي بعدين تصبينه بحذر على الصينيه
اللي راح يكون شكلها النهائي كذا:
وهاذي صورة ثانيه لاحظوا اللمعه من الطبقة الاخيرة
و بالعاااااااااااااااااااااااااااااافية
احلى شي ان مو بس شكله حلو لكن طعمه روووعه خطير الصراحه
و اذا برد زياده بالفريزر يطلع كنه ايس كريم اللي بالنص
عاد خلوني اشوف ردودكم و لا تنسوني من دعواتكم
ترا و الله اليوم علي راسي عزيمة رجال و حريم بس قلت لازم
احط لكم الطريقة حتى لو عندي اشغال الدنيا عشان تستفيدون بما ان اليوم الخميس..
على فكره هذا الحلا اهداء سبشل لمرموم و للبنات اللي شادين حيلهم عشان ينحفون
في شله المناضلات في ملتقى الرشاقة اليومي… بس مو الحين تاكلونه هههههههه بعد ما تنحفون
ان شاء الله..
سلااااااااااام
تسلمين وربي يجزاك الف خير ..
عوافي اختي
مشكوره على المرور و الدعوات الحلوة و الرد الحلو
وان شاء الله بسويه اليوووم
ومشكوره ويعطيج العافيه
ان شاء الله يعجبك و بالعافيه
تحياتي
الله يسلمك
مشكوره على مرورك و ردك الحلو
ان شاء الله يعجبك
شكرا على مرورك يا عسل
تحياتي ………. ولاء علي