السلام عليكم ورحمة الله وبركاته
مرحبا حبوبات وحشتوووني من زمان ماشاركت اهني 
اليوم جبت لكم تجربتي مع حلو السنامون اللذيذ وايد حلو طعمه وجبيت ارويكم تجربتي
من بعد ما قر يتها من فتره في موضوع الاخت ميمي بيبي الطريقه اللي اضافتها اختي yarroo
الصراحه لذييييذ جدا جدا اتمنى تجربونه
المقادير :
hot dog bred رغيف السجق
3 ملاعق دارسين (قرفه)
3 ملاعق شوكولاته بودره ويفضل الشوكولاته السوداء , واذا لم يتوافر فيمكن استخدام اي نوع من بودره الكاكاو
1 كوب جوز مقطع الى قطع صغيره (مش مطحووون)
6 قطع جبن كيري
1 علبه حليب محلى
سائل شوكولاته للآيس كريم مثل هيرشز او اي نوع آخر
كوبين حليب بارد او حار , ويمكن زيادة المقدار اذا احتجتي له
واضفت من عندي شوكولاته سوداء مبشوره
اخليكم مع الصوره :gum:
الطريقه:
-قطعي الخبز الى اربع قطع او اكثر , انا قطعته ثلاث قطع بس ترى لما يكونون اصغر احلى
<<< وحطيت صورة السكين عشان محد يفكر قصصته في المكتبه مثل ماكينة الورق خخخخخ (استخف دمي)
-ضعي الحليب بوعاء , واخلطي الدارسين مع الشوكولاته البودره بوعاء آخر
-اغمسي كل قطعه من الخبز في الحليب ثم دحرجيها جيدا في في خلطة الشوكولاته و الدارسين
-اخلطي في الخلاط جبن كيري مع الحليب المحلى
طبعا اهني الابداع في همساته بدى لوووووول …حطيت الحليب المكثف المحلى بعد المزج في هذا
الوعاء
عشان اقدر اسكبه بطريقه فنيه ..
مثل ما هو مكتوووب
– اسكبي الخليط على الخبز بشكل دائري >>>
-ثم انثري الجوز بشكل عشوائي
ومثل ما باين لكم الابداع !! ماطلع شكل دائري ولا شي ..لان الكاكاو البودر سوى طبقه عازله والحليب نزل
على جوانب الروتي 😥
صوره عن قرب…:bigsmile:
وهمساته لما تحس انها خبصت تبتدي اتبدع زياده… و تظيف اشياء ثانيه من عندها
-اضفت شوية شوكولاته سوداء مبشوره على الحلو
-ضعي البايركس في الفرن لمدة 10 دقائق …انا كنت كسلانه و حطيته في الميكرويف
وافضل يكون اقل من العشر دقايق داخل الميكرويف…والصراحه الريحه كانت واااااو وهي داخل
-اخرجي البايركس من الفرن و ضعي شراب الشوكولاته على الطبق بشكل دائري وجميل
<<< لو سمحتوا..بدون تعليييق !
-تمتعي بأكله لذيييييذه مررررره وطعمها مثل السنبون
ورااااء الكواليس ………….
وفي النهايه حبيت اقول لكم الحلو كان جدا لذيييذ واخواني عجبهم
بس بالنسبه لي كان جدا حااالي لاني ماحب السكر واايد… وايظا اكيد بيطلع جدا رائع لو حطيتوا فوقه آيس كريم فانيلا وهو ساخن
بالهنا والشفا
سلمت يدك وعليكم بالعافية
الله يعافيج ويسلمج
مشكوره على المشاركه عيوني
فعلا طعمه لذيذ وانشاءالله تتشجعين وتسوينه 
وتروينا صوره
ومشكورين اللي مروا وماشاركوا ……….
السلام عليكم ورحمة الله وبركاته
[align=right]
جميل والله
تسلم ايديكى
وصفه لذيذه جدااااااا
تسلم ايديكى ياقمر ياهمساااته
وفى انتظار اكلاتك الحلوه
[align=left]
[CENTER]حبـــيبـــــــــه ,,,
بصراحه عجبتني طريقة عرضك للحلو
وراح اجربه انشاء الله
مشكوره حبوبه على المرور والمشاركه
وانشاءالله تجربينها وماقلتيلي سويتي البراوني ولا لأ؟؟ 
ههههه انا مانسيت
ليالي
ترى الحلو جدا سهل ويستاهل
التجربه صدقيني راح يعجب الاهل
سعيده ان طريقة العرض عجبج
مشكوره
سحابة حب
الله يعافيج ويسلمج
مشكوره
بنت العز
الله بسلمج حبوبه
مشكوره على المشاركه
929khalida
حبوبه انتي قصدج ماتعرفين اتسوين
السنابون الاصلي؟؟ في مواظيع للحلو السنابون
سوي له بحث ولا انا مستعده اطلعه لج
وعندج هذه الطريقه جدا سهله وسريعه ولذيذه
الله يوفق اللي علمتني
مشكوره
السلام عليكم ورحمة الله وبركاته
غاليتي…
بارك الله فيكِ على الحلى العجيب … ربي يعطيك ألف عافية
بإنتظار جديدكِ
تقبلي شكري وتقديري
ام عدول