ماباقي الا يومين واكمل مع الغالي سنة
عساه هالذكرى تنعاد علي وعليه وعلى حمودنه بكل خير
طبعا اليوم مرت علي صديقتي وقلت فرصه دامنه بنطلع اروح اخلص شغلي لانه مافي وقت
من يومين جهز درع سويته عند محل اسمه الرايضي وكلش فخم ماااقدر احط الصورة لانه فيها اسامي ومااعرف اخفيهم
وكتبت فيه هالكلام
بسم الله الرحمن الرحيم
شهادة تقدير
تشهد ادارة الحياة الزوجيه
ان السيد / فلان بن فلان
قد حصل على تقدير / ممتاز
وذلك لاتمامه سنة من الزواج بالحب والاخلاص والتفاهم
منحت له الشهاده كدليل على الكفاءة العالية والجدارة في الحياة الزوجيه
12/3/2010
زوجتك المحبه / فلانة
ثاني شي رحت صورت ولدي النتفه وخليت الصورة في برواز وايد حلو
ثالث شي رحت اليوم وطبعت صروة من الصور على ميداليه ومن الجهه الثانية صورة زوجي
رابع شي خذيت له تشيرتين وايد حلوين باللونين اللي يحبهم بحري واصفر
مريت محل خذت بوكس ودبدوب
ورحت محل تغليف يسويهم لي وهذي الصور
هذي صورة الهديه كامله
صار من تحت البوكس اللي فيه الدرع
والدبدوب اذا تلاحظون على صوب التور نازله منه الميدليه
وصوب اليمين التشيرتين وجدام البرواز ووره بطاقه
صورة اجرب للبطاقة والبرواز
صورة الميدليه القلبه اللي فيها صورة ولدي
واخيرا رحت وصيت على كيكه من سعد الدين
ووديت صورة فيها يدي ويده يوم يلبسني الدبله
وان شاءالله باجر اخلص باقي التجهيزات من شموع وورد ومايتبع
اتمنى عجبتكم الفكرة
قولو لي رايكم
ومابي منكم الا دعوه حلوة
وان ربي يحفظ لي اسرتي الصغيرة
::
الله يدوووم المحبة بينكم ,,
وكل عام وانتم بخيررر,,
ولاتنسين تورينا تجهيزات الحفلة وكيف كانت
شكرا لك
الله يهنيكم ويسعدكم
ماشاء الله الله يخلكم لبعض ويهنيكم ، وعقبال الـ 100 سنه 
:
و عقبال العمر كله
ولا تنسينا من صووور الحفلة والكيكة
بس في وين سويتي الميدالية ؟؟؟