انا ولدي رضع طبيعي بس 3 شهور وبسبب خطأ طبي جف الحليب من صدري وبدا يعتمد على الحليب الصناعي ..
المشكله انه الحين قريب بيكمل السنة و10 شهور ومو قادرة اقطعها عنه .. حاولت من شهرين تقريبا وقلت ببتدي اخفف عدد الرضعات والحمد لله نجحت وصار ما يشرب الا وقت النوم " يعني رضعتين او 3 في اليوم بالكثير " لانه ينام الظهر بعد ..
والحين ابي اقطعها عنه وقت النوم بس مو قادره .. واذا قدرت عليه انيمه بدون مرضعه يقعد بنص الليل وما يرضى ينام الا لما اعطيه المرضعه فاضطر ان ارضخ له واعطيه المرضعه لاني وقتها اكون دايخه بعد وابيه يسكت وينام ..
من عندها خبرة وتعطيني طريقة اقدراستخدمها مع ولدي واقدر اعوده على النوم بدون المرضعه ؟؟؟
انا ولدي الحين سنتين ونص عمره وعلى الرضاعه والبااامبرز
والله مشكله
لكن اذا كان طفلك يأكل بشكل جيد، وتطمئنين الى انه ينال كفايته من خلال الطعام الذي تقدمينه له ففطامه امر عادي ..
لا تقولي انك تريدين فطامه لمجرد انك مثلا تريدين النوم طوال الليل دون استيقاظ او لتوفير كلفة الحليب… من المهم ان يتغذى طفلك جيداً في مرحلته العمرية الاولى والا فانه سيكون عرضة لكثير من الامراض لاحقاً..
اما لطرق وقف الرضاعة.. فهناك الطرق التي ورثناها عن امهاتنا.. وكلها محتاجة الى الكثير من الصبر..
بما انك من البحرين فاعرف انك باجازة الان ( الربيع ) و يمكن لزوجك طلب اجازة لمدة اسبوع حتى يساعدك في الامر..
البعض يضع مادة الصبرة ، وهي مادة ذات طعم مرّ ( موجودة بالصيدليات ) على حلمة الرضاعة بحيث لا يستسيغه الطفل ويعاف الرضاعة..
البعض يخلط الحليب بشيء من الملح حتى يكره الطفل طعمه..
والبعض الاخر ههههههه يلوث الحلمة بالمطهر الاحمر ( آيدين !! ) ويريها الطفل على انها شيء خطير و ( آح ) وترميها بعد ذلك في القمامة تحت نظره … حتى يفهم ان لا عودة لها ابداً..
يبقى الان موعد الرضاعة الليلية..
اعطي طفلك عشاء متيناً ، بوقت متأخر نسبياً .. اي قبل نومه بساعة او اقل.. وتأكدي انه اكتفى وشبع..
اذا استيقظ بالليل، حاولي معه ما استطعت حتى ينام مرة اخرة دون الرضاعة.. قد تبدو المسألة صعبة جداً في البداية لكن اياك ان ترضخي حتى لا يتعلم الطفل انك ستعطينه الرضاعة في النهاية..
مثلما قلت يفضل ان يكون زوجك باجازة.. حينها .. يمكنكما التناوب في السهر مع الطفل .. تماماً كما كان الحال في شهور الطفل الاولى..ز
هذا ما لدي وارجو ان الامهات ما يقصرون معاج ويعطونج افكار مفيدة بعد .. 
وخليه اهو يختارها عشان يشرب منها ويسانس على شكلها اما رضعة الليل فعطيه وجبه دسمة عشان ما يجوع بالليل واذا قعد بالليل يبكي
طنشيه ودبخيه بس لا تعطينه أي شي غير الماي وعلى فكرة راح تحتاجين حق هالشغلة يومين او ثلاث بالكثير يعني في اجازة الاسبوع وراح
ترتاحين بعدها بس ديري بالج ترضخين وتعطينه الرضاعة خليك أقوى منه وهو راح يقطعها بروحه أصلا وقولي له هذا حق الدادا مو حق الكبار اللي
مثلك تراه يفتهم مو تقولين صغير وما يعرف لا يفتهم احسن مني ومنج والله يوفقج………………………………..