اذا كنتي تبين تسألين عن مستحضر معين …… اسألي
اذا كنتي متوهقة في الالوان اللي تحطينها حق المناسبة …. اسألي
اذا كنتي شايفه طريقة مكياج ومش عارفه تحطينه ….. اسألي
اذا كان عندج اي استفسار في المكياج …. اسألي
وعلى فكرة انا عندي خبرة حلوة في المكياج وصديقتي خبيرة مكياج ولكنها تذهب للفنادق والصالات تمكيج لانها معروفه جدا في بلادي وحاليا تفكر انها تسافر للدول المجاورة انا ما ابي اسوي دعاية لها لكن اي سؤال باسالها عنه اذا حبيتوا….
وانا حاضرة انتظر ردودكم ……..واسالتكم …
على فكرة اذا باجاوب باعطيج اسم الماركة والرقم بالضبط بس قوليلي اي لون بشرتج ونوعها واذا ممكن تشبهين لون بشرتج بوحده معروفه مطربه مثلا علشان احدد لج الرقم بالضبط …
:smile::smile::smile::smile::smile::smile::smile:: smile::smile:
اذا ما عليج امر ,, انا بشرتي دهنيه ويوم احط ميك اب واسير لمناسبه يغدي ويجي امدهن :eek2: ؟؟ ياريت تعطيني اسم كريم احط قبل الميك اب
مع التحيه
توته
وانا بدا بسؤال
بشرتي حنطية اللون يعني لا اقدر اقول سمره ولا اقدر اقول بيضة 😮
استخدم كريم اساس ماركة استي لودر وبودرة ماركة كلينك لكن احس انه لونه يميل للوردي ويغمقني كثير :confused:
واستعملت كريم اساس من بودي شوب وحسيته فاتح جدا :confused:
ما اقدر اثق بخبيرات التجميل اللي يكونون فلي محلات التجميل لانهم في الدرجة الاولى يبون يبيعون بضاعتهم بغض النظر اذا كان هاالشي مناسبني والا لا :eek2:
من فضلج ساعدني في تحديد احسن كريم اساس يناسبني مع العلم ان بشرتي دهنية جدا وتحت عيني هالات سوده ما يغطيها كريم الاساس او البودره
واسفه على الاطالة
انا لون بشرتي مب موحد هل يوم احط كريم اساس احط في المناطق الاغمق كريم اساس مختلف عن الاماكن الفاتحه او استخدم مستحضر واحد للوجه كامل ؟؟
وشكرا
ولا يهمج حبيبتي باعطيج طريقة كريم الاساس ( مات ) يعني الطافي اللي ما يخلي الوجه مدهن …. اوكي
اول شي تحطين الكونسيلر السائل على العين كاملة ….
ثم تحطين كريم الاساس الطافي مثلا فور ايفر تقولين لهم ابي كريم اساس سائل مات … وتوزعينه على كامل وجهج بس بالاسفنجة المشطوفه اللي عند ماك و فور ايفر ….
بعدين تحطين البودرة الحرة وانصحج بكريسان ديور … تحطينها بالسفنجة المدورة الكبيرة اللي عند فور ايفر …. ثم تزيلين الباقي بالفرشاة او من الجهة الثانية من الاسفنجة …
بعدين تتمكيجين كامل بس بدون روج او ماسكارا ….
بعدين اتحطين البودرة المضغوطة من ماك بس بدون ماي على كامل وجهج …
بعدين تحطين الروج والماسكرا ….. ترى هذي طريقة يحطها خبير التجميل حق نجوى كرم وامل حجازي والله اني لما احطها يطلع وجهي يجنن وبشرتي بيبي وخملية مثلهم بالضبط …..
لا تنسين تقولين لي النتيجة بعد ما تجربينها ….
ترى شرحت لج بالتفصيل الممل علشان تفهمين الطريقة عدل اوكي ….
واي استفسار انا حاضرة
اولا انتي لازم تستخدمين كونسيلر وكريم سائل وبودرة حرة وبودرة مضغوطة واذا تبين تعرفين الطريق شوفي ردي على التوته الحلوة وبتعرفين بس الحين انا باحدد لج كل شي وشو ماركتة ورقمه اوكي علشان يناسب بشرتج …
اولا الكونسيلر …. من ميك اب فور ايفر السائل علة شكل معصارة رقم 2
ثانيا الكريم الاساس …. السائل من ميك اب فور ايفر واسمه
soft modeling film – fond de teint fluide
ثالثا البودرة الحرة من كريستان ديور رقم 2
ثالثا البودرة المضغوطة من ماك ورقمها nw20
….ز اوكي بلغيني بالنتيجة …..
اذا تبين تستخدمين منتج واحد لتوحيد البشرة استخدمي من ماركة BN الامريكية الدرجة الوسط ….
هذي تحطينها بالماي على كامل وجهج ثم تتمكيجين ثم تحطين البودرة المضغوطة على كامل وجهج بدون ماي …. وشوفي النتيجة …
اما اذا حبيتي تحطين كونسيلر فانظري للردود السابقة ….ز ويا هلا فيج ….. وانا انتظر ردج …. اوكي ….
🙂
شو الفرق بين البودره الحره والبودره المضغوطه؟ :o:o