ببدا على طول في الموضوع
انا ياما استفدت اشياء وايد من هالمنتدى وماشاءالله على البنات هالمنتدى الرائعات اللى يحبن الخير للجميع
بقولكن على واقي شمس على ضمانتي ان شاءالله
امس رحت الدوام وحطيت سن البلوك مال اختى وهو عبارة عن واقي شمس + فاونديشن مخلوطين مع بعض المهم حطيت منه على اساس الشمس ماتحرق ويهي
والله في الدوام كلهم يقولولي ويهج منور وحلو متغير وصافي ماشاءالله والله اللى يشوف ويهي كاني مو حاطة كريم عليه كانه طبيعي جذيه حلووووو مع اني حاطة واقي شمس بس فعلا والله يابنااات كلمة رهيييب شويه عليه لانه يصفى ويهج يخليه لون واحد ويخفي اثار الحبوب اذا فيج وغير جذيه موزيتي جاف كانج موحاطة شئ ويفتح بعد لم تحطينه ونسبته 50 %
وانا امس طيراان على الصيدلية اشتري لي واحد منه وسعره تقريبا 82 درهم
وهو من ماركة SVR 50 وهوفرنسي طبعا ولون العلبة عشان ماتتغلطون ابيض مع برتقالي يعني الكتابة برتقالية وهالماركة معروفة
بس نصيحة لاتاخذون نسبة اعلى من هاي النسبة لانه وحدة قاتلي جربت 70% ويها صار زيتي لانه النسبة عالية
كل ماعلت النسبة خلى الويه يزيت اكثر
المهم اذا بغيتوا تشترونه قولوا للصيدلاني ابغي مع الفاونديشن يعني مو سن بلوك لا اللى مخلوط مع الفاونديشن وهو على فكرة الصيدلاني من تقولوله هالماركة على طول بييبلج اياها انا جذيه قلت له ويابها
خواتي اللى مرتاحة على نوع معين مو لازم تشتريه
بس اذا على نصيحتي انصحكم بهذا لانه فعلا رهيييييييييييييييييييييييييييي يييب
وعلى فكرة عادي تسوونه بالليل لسهرة او حفلة لانه مثل ماخبرتكم في كريم اساس ويصفى الويه ويحليه ومافي اي اشكاال يعني مايحتاج تشترون كريم اساس ليلي اكتفووا بهذا وادعووولي
منقوووووووووووول للأمانه
تسلميييييييييييييييييييييين يا الغاليه **أجمعيييييييييييييييييييييين **
قلب_محمد
العفووووووووووو يا الغاليه
فعلا هالواقي وااااااااااااااااااااااااااااااااايد مفيد الحين صارلي شهرين استخدمه
وماشاءالله كل ما احطه احس ويهي منور، مره حطيته الصبح وحطيت شوية بلاشر وردي ورحت الصالون سألتني راعية الصالون شو استخدم حق ويهي جي صافي
بس انا اللي استخدمه 100 SVR والدكتورة هي اللي عطتني اياه استخدمه لأني قبل كنت استخدم ماركة Photoderm وكان يقشر لي ويهي
بس هذا ماشاءالله عليه روعه
انصحكم تسمعون نصيحة أختي عين السيــــــــــــــــــــــــــــــــــــــح الله يحفظها
بس مشكلتي ما عرف انزل الصور
ألي عندها نزل صورته