كيفكم حبيباتي عساكم طيبات
اليوم جبت لكم طبخة سهلة جدا وما تاخذ وقت وايد
المقادير الي بتحتاجيها :
دجاج منزوع العظم
صلصة باربكيو الجاهزة + صوص الصويا + خل + ملح + هيل مطحون + فلفل اسود مطحون + قرفة مطحونه شطة حارة الطازجة الي تنباع بالكيلو
بصل ويفضل لو الابيض ولبنه
الطريقة :
أول شي نجيب الدجاج ونقطعه حسب الطريقة الي نحبها
وبعد التقطيع نتركه بأي إناء خخخخ حلوه إناء عربي فصحى المهم نحطه هنا
وبعدها نحط عليه ها البهارات والصلصات
صلصة باربكيو الجاهزة + صوص الصويا + خل + ملح + هيل مطحون + فلفل اسود مطحون + قرفة مطحونه + شطة
انا ما قدرت اقولكم المقادير بالظبط لان كل وحده وحسب الطعم الي تحبه من كل شي بس انا اكثر من صلصة الباربكيو وصوص الصويا واحط ذرات بسيطة من الملح والهيل والخل والفلفل الاسود والقرفة يعني عشان الطعم البسيط والريحة
بعد ما نخلط الدجاج بها الخلطة نغطيها ونتركها بالثلاجة على الاقل 4 ساعات كل ما زادت الفترة يكون احسن
بعد مرور الاربع ساعات (o)
نطلع الخلطة ونحطها بالفرن ونخليه تنتطبخ بالفرن لحد ما تنشف تماما بتصير مثل دجاج التكه روعة
خلال ما الدجاج بالفرن نجيب البصل ونقطعه ونحمره بالنار
لما ينشف الدجاج بالفرن نحمره شوي مع البصل وبعدها نضيف اللبنه على الدجاج
الصورة ما طلعت واضحه بسبب البخار
وتقدري تقدميه مع اصابع شيبس مشوية بالفرن انا ما احب القلي كثير عشان الوزن خخخخخخ
افضل الاصابع الي تجي عريضة عشان تنشوي حلو بالفرن وما تجف وتكون قاسية بالاكل
اتمنى طبقي يعجبكم وما قدرت اصور لكم الصورة النهائية للطبق لاني قدمته للضيوف وانتظر ردودكم
تسلم يدج ومجهود ممتاز منج الصراحه
ومشكورة اختي على هالوصفة الحلوة
وابغي اشوف تطبيقك لها الي أكيد راح يكون روعة وانا أبشرك ان طعمها يجنن
بليز إذا عملتيها مرة ثانية أرفقي الصورة النهائية حتى نأخذ فكرة
هلا حبيبتي
فعلا سهله وواضحه وان شاء الله تجربيها وتقوليلنا النتيجة
*^*
لام القمرية
الله يسلمك عيوني وان شاء الله بسويها مره ثانية وانزل الصورة النهائية شاكره لك مرورك الرائع
شاكره لك مرورك الرائع