بكتب المقادير والطريقة مع بعض
بسم الله نبدأ
أولا : خذي دجاجة كاملة غسليها بالماء وإخلي منها العظم فقط لا تشيلي الجلد
إقطعي الدجاجة بالنصف بدون ما تفصلي النصفين عن بعض بعدين إبدئي إفصلي العظم بواسطة السكين بدون ما تقطعي الجلد إلين ما يتكون لك هذا الشكل
أفركي الدجاجة بليمونة وأتركيها على جنب
نجي للحشوة إلي داخل الدجاجة خذي تقريبا مقدار فنجان شاي مفروم لحم
حطي المفروم على النار وحركيه إلين ما يتغير لونه بعدين أضيفي له حبة بصل أخضر مقطع مع الأوراق وبعد ما يذبل البصل حطي عليه كوب واحد رز أمريكي مغسول ومنقوع مدة نصف ساعة وحركيه مع البصل والمفروم وأضيفي له كوب ماء وخليه يغلي مدة ربع ساعة يعني يصير الرز نصف مستوي
على بال الرز ما يستوي قطعي نصف حبة طماطم + نصف حبة فلفل رومي + 4 أغصان بقدونس
حطيهم في زبدية وتبليهم بملعقة صغيرة ملح + ملعقة صغيرة كمون وكزبرة وفلفل أسود + نصف ملعقة صغيرة قرفة + نصف ملعقة صغيرة هيل مطحون
وبعد ما ينشف الرز حطيه على المقادير السابقة
نجي لتتبيلة الدجاج حطي في زبدية
ملعقة صغيرة ملح + نصف ملعقة صغيرة فلفل أسود + نصف ملعقة كركم أو صفار زعفران + 2 ملعقة طعام مايونيز + 2 ملعقة طعام صلصة طماطم + 2 ملعقة طعام زيت + 4 ورقات حبق مفرومة
أخلطي المقادير مع بعض
نجي لحشو الدجاجة
أولا خذي ملعقتين من تتبيلة الدجاجة وتبلي بها الدجاجة من الداخل
بعدين حطي خليط الرز داخل الدجاجة
بعدين جيبي إبرة وخيط ( الخيط العادي إلي تخيطي فيه الملابس) وأبدئي طلعي مهاراتك في الخياطة على الدجاجة
أجمعي الجلد مع بعض وخيطي وقد ما تقدري لا تخلي الحشوة تظهر
بعدين خذي أربع خيوط مع بعض وأبدئي لفي فيها الدجاجة وأربطيها مضبوط
وهذ شكلها بعد ما تربطيها
أنقلي الدجاجة على قصدير وتبليها من الجهتين بباقي التتبيلة وغطيها بالقصدير ودخليها الفرن على نار متوسطة مدة 40 دقبقة
بعدين فكي القصدير عنها وخليها تحمر من الأعلى بعد ما تطفي النار من الأسفل وتشغليها من فوق
وهذا شكلها بعد ما تخرج من الفرن
حطيها في صحن التقديم ورصي معاها قطع خبز محمص
وهذي سلطة خضراء قدمتها معاها
وبالهناء والعافية
(f)(f)(f)
(f)(f)
(f)
ويعطيج العافيه
تسلميــــن
مشكوره
يميييييييييييييي
الله يعطيكي العافية عزيزتي(f)
شكلها بشهي(y)
بس كيف شلتي العظم اعتقد في صعوبة ؟؟؟؟؟؟؟؟؟؟
يسلموا ايديك اختي