شلونكم ياعرايس
من كم يوم سويت هاللوك عشان زياره
ان شاء الله يعجبكم
..
فالبدايه احب اعرض لكم اللوك اللي راح نوصل له
..
الخطوات
1-فالبدايه عقب تنظيف البشره واستخدام المقشر وترطيبها
نبتدي بالاساس والكونسيلر
انا استخدمت اساس بن ناي الكيك وكونسيلر بن ناي الستك ولتوزيعهم استخدمت اسفنجه بن ناي
2- الخطوه الثانيه توزيع البودره وانا استخدمت بودره كانيبو درجه البيج الطبيعي + بودره البرونزاج من جيرلان لتحديد الوجه واعطاء لوك طبيعي واخر شي وزعت تحت العين البودره السايبه
من فورايفر
استخدمت لتوزيع اساس كانيبو الاسفنجه مالته
واساس جيرلان الفرشاه رقم 2
واللوز باودر الفرشاه رقم 3
والفرشاه رقم 1 استخدمتها لتسويه البودره عالوجه وتوزيعها بشكل مناسب قبل توزيع اللوز باودر
3- بلشت فالشدو واستخدمت باليت أريجو وهي ماركه تقليد على فورايفر بس روعه بصراحه
.. الطريقه ..
فالبدايه وزعت اللون المشمشي اللامع اللي رقمه 2 في الباليت عالجفن المتحرك بالكامل باستخدام فرشاه رقم 1 ووزعت الشدو الفضي تحت الحاجب باستخدام فرشاه رقم 2
الخطوه الثانيه كانت في توزيع اللون الفستقي اللي رقمه 3 باستخدام الفرشاه رقم 1 عالقوس بين الجفنين المتحرك والثابت
وباستخدام الفرشاه رقم 2 اخذت من اللون رقم 4 اللي هو تركواز على بحري ودمجته فوق الفستقي
وقمت بدمجه عدل لين صار لي لون حلو بين الفستقي والتركواز
اخر شي باستخدام فرشاه رقم 3 اخذت من اللون البنفسجي اللي رقمه 3 في الباليت ووزعته على اخر القوس عند نهاية العين ودمجته شوي مع القوس
4-الخطوه هذي رسمت كحل بني للعين للجفن العلوي
واستخدمت اللون البني من الباليت والفرشاه رقم 1
ومديت حط الكحل الخارجي لين تقريبا نهايه الحاجب مثل ماهو باين فالصوره
بعدين رتبت الحاجب ورسمته بلون بني بشكل خفيف وطبيعي بالفرشاتين 1 و 2
5- كحلت عيني بالكحل التركوازي من VOV واستخدمت ماسكارا لوران ووزعت على ويهي غلتر شاريته مع الباليت نفس الدايموند باودر
6- في هالخطوه حطيت من بلاش بوبي براون ومن اضاءه ماك وحددت الوجه باستخدام بودره البرونزاج من جيرلان مره ثانيه
وهذا توضيح لطريقة تحديد الوجه
رقم 1 هو البلاشر المشمشي من بوبي براون
رقم 2 اضاءه ماك وممكن تنحط على عظمة الخد من تحت
رقم 3 بودرة البرونزاج
وهالطريقه هي الكونتيور اللي تحدد الوجه وتبرزه
7- حددت شفايفي بمحدد بوبي براون البيج وحطيت من روج ريفلون البيج وفوقه غلوس استي لاودر الوردي الذهبي
وووبس خلصنا
اتمنى اللوك عجبكم
واي استفسار حاضرين :shy:
سلام
تسلم ايدك عزيزتي ولوك رائع والشرح أروع
تحياتي ،،،
حبيت خطواتج في الشرح!!
والصورة في العرض!!
بسألج!! :shy:
الفرشاة اللي على شكل مروحــة كبيرة من أي ماركـه!!
دمتي بود!!(f)
حبيبتي والله
تسلمين على اللوك الحلوو والمميز
وعلى الشرح الرائع بارك الله فيكي
ومنتظرين كالعادة جديدك
يا عسل :clap:
تسلم إيدج
عندي كم سؤال بعد اذنج بطرشهم لج ع الخاص:shy:
