اليوم جايبه لكم طريقه الدقوس البحريني والكويتي وبنوعيه ( الناشف والسائل).. واتمنى ان تعجبكم الطريقه
خبركم رمضان ياي .. واليمعات الاسريه تحلا في هالشهر الكريم .. عساكم تبلوغون فيه هالعام وكل عام والله يجمعكم في موائد الجنه يارب ..
نبتدي .. يا الله..
بسم الله الرحمن الرحيم
الدقوس البحريني ( الناشف)
المقادير
3 اكواب كزبره جافه
3اكواب كمون
4 ونص اكواب فلفل احمر جاف
3 اكواب دقيق رقم 2
7 رؤؤس ثوم
نص ملعقه اكل طعام ملح
الطريقه
تنقى الكزبره(الجلجلان) والكمون والفلفل وتغسل ثم تجفف في مكان مشمس ..
ثم يحمص كل من الكزبره والفلفل والكمون .. والدقيق .. كل على حدى ويترك جانبا لمده 3ساعات
يقشر الثوم ثم يدق
تطحن الكزبره والكمون والفلفل والدقيق
يفرك الخليط فركاً جيدا بالثوم المدقوق>>(( الله يعين ريحه يدج عقبها ..:dd: :dd: :dd: :dd:
غسليها زين ما زين بالليمون والنعناع)) ثم يقدم مع اطباق الارز ..
الدقوس البحريني السائل
6 حبات طماطم + بصله واحده + 4 ملاعق كبيره من الدقوس البحريني الناشف(y)
يوضع في الخلاط ويقدم مع الارز او كصلصه لذيذه
الدقوس الكويتي
المقادير
2 ملعقه طعام سمن .. دهن بلدي
8 فصوص ثوم مبشوره
3 فلفل اخضر حار مفروم
9 طماطم مقشره ومفرومه
1 ملعقه شاي بهارات مخلوطه
ملعقه شاي ملح
يحمر الثوم والفلفل بالدهن في قدر صغير على نار متوسطه ثم تضاف باقي المقادير تدريجياُ يترك لمده نصف ساعه
ويقدم مع المجبوس (( الكبسه .. المطبق )) عادة
وبالهنا والعافيه ان شاء الله
نوم العوافي
الدقوس الكويتي ولاتحرمينامن جديدك
حلو ردج اونه بل محد رد نوم العوافي
تسلمين ع الطبخه
الدقوس الكويتي ولاتحرمينامن جديدك
وشكرا على المرور
أي نوم يا حلو إلا قاعدين بالدوام الله يعين
وتسلمين ع الدقوس العجيب
تسلم ايدك
ما تتخيلين كيف احب الدقوس وأحب أجرب
كل الطرق…..
وان شاء الله اجرب الطريقتين قريبا