السلام عليكم ورحمة الله وبركاته
فى هذه الرابطه بنخصص طرح ومناقشه مشكلات اطفالنا فى عامهم الثالث
لما لهذا السن من اهميه وبنفس الوقت مشكلاته كتيييير والتعامل مع الطفل فيه بتواجهه صعبات كتيييرة
مثل التخلص من الحفاظ …والتاخر فى الكلام ….والعناد….العصبيه ….استقبال طفل جديد وكيفيه تقبل الطفل الاول للحدث….وكثير من المشكلات الى بتواجهنا فى تربيه اطفالنا بهذا العمر
وكمان عايزين نفيد بعض بطرح اسماء للمراكز والعيادات والحضانات اللى ممكن نستفيد منها ونفيد بعض
طبعا انا كتبت الموضوع بناء على مشكلات كتير بتواجهنا احنا المصريات مع اطفالنا وخصوصا فى اسماء المراكز والحضانات اللى ممكن تساعدنا
وطبعا بنرحب باي نصيحه من اخواتنا غير المصريات واللى عندهم خبره فى مشكلات هذا السن
اتمنى ان تعم الفائدة للجميع
وربنا يحفظلنا اطفالنا جميعاااا امييييييييييين
.
ازيك يا شيماء عاملة ايه
ربنا يجزيكي خير انك فتحتيه بجد وان شاء الله يبقى فيه تفااااااااااااعل يارب
ازيكم يا بنات؟
بجد مفتقداكم جدا
نفسي نرجع تانى زى الاول
صحيح كنت عايزة اقلكم انى ناويه باذن الله على اخر الشهر كده ابدا لعمر البوتى
ياريت تقولولى عملتو ايه بالتفصيل
ربنا معاكي ويعينك ياااااااارب ع موضوع البوتي ان شاء الله
عارفة انتي طبعا هتقعديه كل شوية وانا ماكنتش بلبس معاذ غير اندر والشورت وبس عشان لو عمل يحس بالميه وهي على رجله يقوم يضايق ومايبقاش عاوز يعمل كده تاني
وطبعا لما كان بيعمل في نفسه كنت بزعل منه وبقول له كده كخ وفعلا هو كان بيبقى قرفان من نفسه اوي وانا ف الاول ماكنتش بضربه بصراحة بس لما ضربته حسيت انه جاب نتيجة من بعدها ههههههههههههههههههههه
وطبعا لازم يبقى فيه مكافئات انا كنت عاملة بونبوناية لمعاذ كل لما يعمل ف التواليت وطبعا لو عمل على نفسه ماكنتش بديه بونبوني وكان بيقعد يعيط جامد جداا بس لازم ماتضعفيش ادامه والمكافئة تكون بس لما يعمل ف التواليت
جربي التواليت على طول وهاتي القاعدة بتاعته دي انا عملت كده مع معاذ
وربنا يعينك يارب
ولازم تيجي تقولي لنا الاخبار بقى هههههههههههههه
ازيكم بناااااااااااات
يسااااتر
اخيراااااا
انا كنت قربت افقد الامل اننا نتجمع ونتكلم بصراحه
.
شهيدة ربنا يعينك على موضوع التواليت
بس بصراحه النتيجه حلووووة جداااا
مجرد انك تحسي انه خلاص مبقاش يلبس البامبرز حتى لو جوة البيت بتحسي انك انجزتى حاجه مهمه
تعالى انضمي معانا فى موضوع التواليت
انا حسن لسه مش بيقول
لازم انا اللى ادخله كل ساعه تقريبا ادخله
وبعد الاكل برضو بدخله
.
ربنا يديم المرعوف والصحبة اللي بينا يارب
ربنا يكرمك يا ايمان انتى ورعشه
ويارب دايما متجمعين عالخير
طيب بصي يا ايمان انا عماله افكر في مميزات البوتى
انى مش لازم اشيله ولا انى اجري بيه عالحمام
في نفس الوقت شايفه من عيوبها انه هيقوم بسهوله وممكن متعجبوش اصلا
التواليت احسن فعلا
بس انا جربت اقعده رفض تماما وفضل مخشب نفسه مش عايز يقعد خالص
انا لسه طبعا مجبتلوش القاعده بتاعت التواليت بس قلت اشوف استجابته
ومن وقتها كل ما اجى اخده للحمام علشان اقعده وهو حتى بالبامبرز يجري وميرضاش
قولي له اقعد عشان اجيب لك حاجة حلوة او شوفي هو بيحب ايه واعمليه له
والبوتي فعلا ميزتها انك كل شوية هتقعديه وانتي قاعدة مكانك
بس انتي عشان الحمل شوفي الاريح لك واعمليه وهو طالما اتعلم البوتي هيفهم انه ماينفعش يعمل في الهدوم وهيعمل ف البوتي والحمام ان شاء الله
بس على فكرة هو لو بيخاف من الحمام يبقى هيخاف من البوتي برضو
مش فارقة يعني ولو اتعلم واحد فيهم هيبقى التاني سهل عليه وعليكي