السلام عليكم ورحمة الله وبركاته
جربت من اسبوع هالطبق
شنوووووووو رووعه روووعه
شئ راقي بطعمه وريحته يمي يمي
طحنا فيه طيحه ههههههههههههه كان لذيـــــــــــــــذ حييل وعجب زوجي بحيث سمى الطبق (( طبـــــــــــق فندقي )) ههههههههه عجيب الاسم ههههههههههه لانه بالضبط نفس اكله كلناه باحدى فنادق البحرين
كان الطعم روعه بحيث تغديناا مرتين من هالاكله (( هاي قصة الاسم )) ههههههههههه
والحمدلله عرفت مقادير الاكله واستانس زوجي من الطبق وايد
ويارب تجربون ويعجبكم
للامانه شفته باحدى المواقع
الطبق اساساا بالحم وانا سويته على ديـــــــــــــــــــاي وغيرت
وهاي المقادير بترتيبي وتوضيحي لكـــم
نبتدي بالمقادير :
– 2 ملعقة كبيرة خل + 2 ملعقة كبيرة ليمون
– صدور دجـــــاج
– 1 ملعقة صغيرة ملح
– زبدة
– بصلتين مقطعتين جوانح
– علبة مشروم شرائح
– 3 فصوص ثوم مقطعة
– ملعقة كبيرة فلفل أسود مطحون
الصلصلة :
– زبده
– 2 ملعقة كبيرة طحين أبيض
– كوب ماء
– 4 ملاعق كبيرة صلصة الصويا
– مكعب ماجي دجاج
– 4 ملاعق كبيرة كريما حمراء (( ماكان متوفره عندي فحطيت نص علبة قشطه
– 2 ملعقة الأوريغانو
الطريقة :
– يغسل الدجـــــاج
. ثم تدلك قطع الدجـــــاج و تنقع " بالخل و الليمون" .. و تترك ساعة تقريبا حتى تصبح طرية .
بعدين:
– تدهن كل قطعة بالفلفل الأسود و الملح
– يوضع ربع قالب زبدة في مقلاة على النار . ثم نشوح الدجـــــاج حتى يحمر قليلااا
– تصف قطع الدجـــــاج في بايركس
بهالطريقه (( ماعليكم من الفلفل الاسود ههههههههههه حطيت وايد منه لانه يحلي الاكل بصراحه ))
-في نفس المقلاة و بدون غسلها نضيف القليل من ****دة .. ثم نحمر البصل و بعدها قطع الثوم و أخيرا المشروم
نخلطهم زين زين بعدين نحطهم على الدجــــاج اللي في البايركس
– نعمل الصلصة ..
في نفس المقلاة نذيب مزيدا من ****دة ثم نضيف الطحين و نقلب زين ثم نضيف الماء و نقلب لما تصير الصلصة ثقيلة تقريبا مثل الباشاميل
– نضيف صلصة الصويا و نخلط ثم نضيف الكريما و مكعب ماجي
– و أخيرا نضيف الاوريغانو و نخلط جيدا
– نترك الخليط على النار قليلا ثم نصبه على الدجــــاج و خليط البصل في البايركس
و نغطي البايركس بورق القصدير و ندخله الفرن
وهاي شكله قبل مادخله الفرن ورشيت شويه اوريغانو على الوجه
و اذا استخدمتوا مقادير الصلصلة بالضبط ترا الكمية عدله . لكن اللي تحب تخفف من سماكة و ثخن الصلصلة تزيد ماي و اللي تبي تثقلها تزيد طحين .
و هذا شكلها النهائي
عند التقديم
يمي يمي
تسلم يدج
ماشاءالله شكله شهي
والصلصه شكلها لذييييييييييذة
يعطيج العافيه
تسلمي يالغاليه
من المقادير والصور .. عرفت الطعم
بنجربها ونشوف
يعيك العافيه
ما شاء الله لاقوة الا بالله……. الريحة وصلت لعندي
يسلموووووا هلايدين …….. وعن جد فندقي اكلت متله في الريتز كارلتون بالدوحة
:21_21::21_93: