.:: زواج صديقتي ::. 2024.

فكرة الزفه الشامية وااايد حلووووة عجبتني الفكرة
مممم ممكن تكتبون لها قصيدة باسمها وتوصون الدي جي يحطها اول ما تخلص زفتها مادري اذا الفكرة اعجبتج ولا لا بس هذا الي يه في بالي الحين

عسوله فديتج مشكووورة على مروررج ..

اما نكتب قصيدة باسمها اممممم مابقول صعبه بس الفكرة ناس وايد يسوونها ،،

نحن نبا نسوي لها شي جديد وحلووو وسبشل

نبا الكل يعرف ان نحن ربع العروس عرفتي !!

وشكرا لـ رايج !

قبل ما اعطيج اقتراحات بقول لج شي عن صديقتي
يوم عرسها كلنا تجمعنا على طاولة وحدة خصصتها امها لنا، ولما دخلت وقربت من كوشتها قمنا ناشر لها كلنا بايادينا وقامت تصييييييييييييح واخترب المكياج، تحسفنا حزتها ههههههههههههههههههه

بفكر باشيا وبرد لج لان بنتي صحت من النوم

هلا حبيبتي ام عبدالله ..

هههههههه حرام والله ،،

لو نسويها بصديقتي تصيح لانها صيحوووووه محد يقدر يمسكها ،،

ربي يخلي لج عيالج الغالية ..
انتظر آرائج

شوفي… حلو انكم كلكم موديل واحد او لون واحد، وبعد ما تدخل هي على الكوشة وتوقف انتوا تدخلون سيد واحد على قصيدة انتوا كاتبينها لها حاطينها الطقاقات، وتكون وحدة منكم ماسكة مخدة عليها صندوق والباقي ماسكين مهفات كبيرة مثل ملوك قبل، توصل البنت ام المخدة وتوقف جدامها وتمد الصندوق لها اما الباقي يلتفون حوليها ويهفون عليها، عاد خلوها تفتح الصندوق ويكون فيها هدية مميزة لها، مثلا سوارة ذهب أو ساعة منحوت وراها الف مبروك وحرف كل وحدة فيكم… بصراحة الحركة بتكون ما تنسي ابدا
وش رايج؟؟ اذا ما عجبتج بدور لج غيرها

وعلى فكرة احنا صديقتنا ما توقعناها تصيح لانها كانت ام المقالب وشرية فتفاجأت صراحة لما صاحت هههههههه
والله يخليج حبيبتي

هلا والله حبيبتي ام عبدالله ،،

سالفة كلنا مثل الفستان مايصلح لان كل وحده فصلت لها فستان واللي خلص واللي باقي البرووووفة يعني صعبه شويّ ..

اذا عندج افكار زوديني ماعليج أمر حبابة ..

هههههههه مسكييينه رحمت حالها ..