زوجي يحب الدجاج المشوي وانا ما اعرف اظبطه 2024.

شخبارج يالغالية عساج بخير إن شاء الله… وحشتيني 😮

الله يسلمج أنا كنت مثلج مع الدجاج المشوي، ما أعرف أسويه مضبوط، لكن في الأخير طلعت لي بتتبيلة و الحمد لله ضبط معاي… تتبيلتي نفس تتبيلة ذابحني برد الأيام بالضبط، ما عدا إني ما أحط روب و أحط مكانه صويا صوص و شوي خل بلسميك… و كل ما تتبلت الدجاجة وقت أطول كل ما صارت طرية أكثر… تبليها من الليل و مثل ما قالت أختي ماذا أقول سوي فتحات فيها بطرف سكين حاد بحيث تتغلغل التتبيلة <<< قوية الكلمة

و بس إذا جيتي تطبخينها تقدرين تحطين معاها قطع بطاطس كبيرة و جزر و شرايح ليمون و غطيها بقصدير و دخليها الفرن بحرارة 400 لمدة ساعة إلا ربع، بعدين شيلي القصدير و خليها تتحمر…

زوجي يحب معاها بصل و ثوم مشوي، يقول حطيهم بقشورهم لا تقشرينهم، و فعلاً لما يستوون نقشرهم و يصيرون من داخل مثل الزبدة

و عندي طريقة ثوم مهروس أحب أسويها معاه، آخذ راس ثوم و أقصه من فوق شوي بحيث تبين الفصوص… بعدين ألفه بقصدير و أدخله الفرن ساعة، لما أطلعه بس أضغط على فصوص الثوم من تحت و هي تطلع معاي ذايبة، أهرسها و أضيف لها شوي ما يونيز و ملح و فلفل و بس!