كيف حالكم يا عرايس ان شاء الله بخير
حبايبي بنات ديرتي بغيت اعرف وين ممكن احصل زيت جنين القمح في البحرين 🙁 هالزيت مو موجود عندنا ولا شلون؟؟
وعندي سؤال ثاني زيت الزيتون المسحوب على البارد الي ذكرته الغالية بنت عذاري هل يفرق عن العادي وشلون شكله؟؟
و استخدم كل ليلة قبل النوم زيت اللوز على ويهي ورقبتي ( اخذته من عند العطار غرشته مثل غرشة زيت الزيتون بس مادري اذا حلو ولا مر ؟؟
وبشرتي دهنية مادري اذا عادي استخدمه ولا لا
بليز بنات ردوا علي
هلا اختي
بخصوص زيت جنين القمح هو متوفر اكيد في البحرين
وتحصلينه عند دنيا الاعشاب
ولهم فروع بالبحرين اتصلي وخذي رقمهم وساليهم عن مكانهم
انا شفت زيوتهم بالمعرض فعلا تحفه وهي بحرينيه خالصه
وزيت الزيتون المسحوب على البارد هو الاصح والافضل ومكتوب عليه اكسترا فيرجين اوليف اويل
وتحصلينه بكل السوبرماركت..جواد والجزيره واللبناني وغيره
وزيت اللوز الحلو تحصلينه في السوبرماركت والصيدليات وهو نقي وعليه مكان الصنع بالتاريخ
وغيره ومن احلى الزيوت زيت اللوز الحلو من الشارقه وانواعه كثيره ومتوفر بكل مكان عندنا
وحتى اذا بشرتك دهنيه استخدمي لها مرتين باليوم تونر مناسب لك مثل مخفف خل التفاح او مغلي البابونج
او مغلي قشر البرتقال او تونر شجرة الشاي من بودي شوب وبالليل مسحي البشره بالتونر وبعد مايجف
حطي نقطه زيت فقط لاتكثرين حتى لاتزيد الدهون على بشرتك
بالتوفيـــــــــق
ما قصرتي
رحم الله والديج