السلام عليكم ورحمة الله وبركاته
كيفكم بنات ان شاء الله تمام
حبيباتي انا عازمة اهلي واهل زوجي على عشى وناوية اعمل لحم مشوي ودجاج مشوي على الفحم
يعني جلسة باربكيو
ممكن تنصحوني شو الي ممكن اقدمه مع المشاوي
انتو بس قولولي شو الاطباق الي تقدم معاهم وانا بدور على طريقة الاعداد
واذا في أفكار حلوه عملوتها بها الجلسات اكتبوها لي بليز
طيب يا بنات عروس هذي أخرتها تفشلوني قدام المعازيم
ولا يهمك احنا ما بنقصر بس الظاهر البنات مشغولين شوية
شوفي ياحلوة مع المشاوي حلو تعملي سلطات منوعة مثل سلطة الذرة وزبادي مع الحمص والمتبل وبابا غنوج واي سلطة خفيفة
تقدرين تسوين مقبلات مشكلة مثل ورق العنب والسمبوسة لو حابة تكون السفرة مليانة او رولات محشية
ولا تنسي الخضار المشوية مثل الذرة والبطاطا ( في قصدير او من دون قصدير ) مع مشاوي اللحم والدجاج
والحلى اكيد على كيفك يعني مو لازم تتقيدي فيه ونفس الشي بالنسبة للشوربة مو شرط تسوينها مع المشاوي… واي مساعدة لايردك الا لسانك اهم شي تبيضين الوجه هذي اول عزومة
ردك انتي يكفي عن كل الردود خلاص
والله عطيتيني أكثر من خيار عسى الله يرزقك بكل الي نفسك فيه يا رب مشكورة عمري
بس أبغى أعرف شو طريقتك لسلطة الذرة
سلطة الذرة تسوينها بكيفك وفيه عدة طرق كلها تنفع للتقديم مع المشاوي
الطريقة الاولى
ذرة معلبة
زبدة
زيتون شرائح
فاصوليا حمراء kedney beans
بقدونس مفروم
بس تقلبين الذرة مع الزبدة على النار وبعدين تضيفي باقي المقادير ولازم الزيتون يكون كثير والفاصوليا اقل والبقدونس حسب الرغبة وتبليه طبعا بفلفل اسود وليمون ويقدم
طريقة ثانية
ذرة معلبة
فلفل مشكل ( احمر – اخضر – اصفر ) مقطع مكعبات صغيرة جدا
زبادي
يخلط كله مع بعض ويتبل الملح والفلفل وزيت الزيتون والليمون
وفيه طرق كثيرة مع الخيار مثلا او الجزر انتي عاد براحتك ابتكري والسر دائما في التتبيلة
بالتوفيق عزيزتي