بنتي الحينه في الشهر السادس
و اعطيها وجبه فليل مكونه من جزر و بطاط
و ارضعها طبيعي
بس عمتي صار لها كم يوم تباني اعطيها صناعي .. و تقولي هيه ما تشبع منج
انا اشوفها ترضع عادي .. و ما ادري ليش عمتي تقول ما تشبع
و كل شوي تقولي عطيها حليب و مصرة على هالسالفه …
قولولي شو اسوي تعبت من التدخل في حياتي بنتي و ما با ازعل حد
و هل بنتي صج تحتاج حليب .. صرت احس ان حليبي ضار عليها .. تعقدت والله بنتحر
السلام عليكم و رحمة الله و بركاته
ليش أختي ما يكفي ؟
بصراحة الله يكون في عونك…مرة الرضاعة مش مكفية…و مرة اللبس مش مريح…
شيء متعب فعلا…
البنت مش تاكل الحين خلاص الحمد لله ؟
خلاص…يبقى الرضاعة الحين مجرد إرواء للعطش…و شعور بالأمان…
و لا تعتبر وجبة كاملة أبدا…يعني ما ينفع تكون فطار أو غداء أو عشاء…
قوليلها يا عمتي لما أفطمها أكيد راح أعطيها حليب صناعي…و الحليب ممكن يكون ملوث…و بنتي حساسة…و حاسة إنها مش متقبلاه ابدا…
ودي افرها و اقول هذه مب بنتي سووا فيها اللي يعجبكم
مرة مرضت وايد .. عصبوا علي ليش وديتها المستشفى بدون ما استشير حد
….
انا اللي مب فاهمتنه ليش حليبي ما يشبعها .. لو البنت تتكلم و تشتكي كنت بقول اشتكت بس ..
و بنتي وزنها زين يقولون ضعيفه .. كأني ميوعتنها
بتخبل و بقعد هههههههه
قولوا اجرب اعطيها حليب صناعي يوم بتنام ؟؟
اختك ام لمى
واذا بنتج اتصيح وااااااااااااايد معناتها يوعانه والا ايعورها بطنها والا شي ثاني
بس مش مضره الرضاعه الطبيعيه بالعكس عطيها كثر ما تقدرين تعطينها من صدرج حبيبتي وما عليج منها
وايضا ساعديها بالصناعي مثل ما قلت مره في اليوم علشان تتطمنين اكثر وافضل حليب بروميل لانها الحين عمرها الله
يحفظها من كل شر ست شهور وانتي وكيفج عزيزتي
لا تعطينها ولا شي..
خلج ع الطبيعي احسن من الصناعي..
ونصيحه ماشي احسن من التطنيش..طنشي وبترتاحين..
الله يصبرج ويجزيج خير…
بس ما ادري ليش الحينه طلعت سالفه الحليب الصناعي وكل شوي عمتي تقول عطيها مع اني ما احس ان البنت محتاجه
و زنها 8 و نص والله يوم اشوف البنات اللي في سنها و اكبر منها اضعف منها
بس ما ادري ليش يحسسوني اني ميوعتنها
العهد والله حاولت اطنش وايد بس احس اني بنفجر
يعني ملابسها مب عاجبتنهم … اكلها مب عاجبنهم .. رضعتها طبيعي مب عاجبنهم .. وديتها المستشفى مب عاجبنهم
والله اني احبهم بس تعبت من التدخل …
بس يمكن هذي طريقتهم في ابداء الاهتمام بالصغيرة..
انت تحملي والله يكتب لج الاجر على صبرج ان شاء الله…
بالنسبة للحليب الصناعي رأيي من رأي البنات .. ليش؟ والحليب الطبيعي موجود والحمدلله وزنها مب ناقص ولا شيء؟
بالعكس اذا عطيتيها الحين وهي مب متعودة يمكن يسبب لها مغص او غازات وانتي بغنى عن هالشيء…
الله يخلي البنوتة لج يا رب..
تشبه مشاكلي بس على اخف الحمدلله هههههههههههههههههه
حبيبتي العمات كلهن جي يبون عيال عيالهم يتغذون عدل ..
عمتي كل ما تشوف ولدي قال ااء قالت قومي سوي له مرضعه ههههههههههههههههههههه اتعقد انا يشوفونه هيكل بالنسبه لهم
وكل شوي تحاول ترضعه لأنها تخاف تأكله شي وما يعيبني
الله يعينج