شخباركم ..
سؤالين صغار ..
متي طاحت سرت ولدج بنتج ؟
وين دفنتيها ؟
من عادات القديمه ان يتم دفن السره في المسيد او البيت او المدرسه او الجامعه ..
بعتقادهم اذ كبر ان يحب هلمكان ..
يلا جاوبو ا
تحياتي ..
للرفع ::: الموضوع بصراحه مهم ::::
انا بنتي متعذبه من سرتها مسببه لها مغص والم ودي تطيح السره اليوم قبل بكره ؟؟؟
ابغى اعرف تجاربكم خواتي الأمهات مع سرة عيالكم
.. اما ولدي الثاني ولدته في عز البرد وماكنت احممه كل يوم وحتى لو حممته اجفف سرته زين وطاحت بسرعة تقريبا اسبوع
نصائح للامهات
استخدمي المسحة الطبيه على السرة على الاقل 3 مرات في اليوم والطبيبه نصحتني استخدم البيتادين خاص لسرة البيبي وعلمتني طريقة التنظيف وحتى المساكة (الشباصة )اللي يربطون السرة بها تمسحيها زين حتى مايصاب السر بالانتانات والالتهابات وترفعين الجزء المتدلي بشويش وتمسحين تحته زين
اذا جيتي تلبسين الطفل الحفاظ خلي السرة برا الحفاظ حتى تتعرض للهوا وتجف بسرعة واعتقد ان اختي استخدمت لولدها حفاظات للمواليد من بيبي جوي فيها فتح او نازلة شوي عن السره
ولي عودة ان شاء الله
وامي كانت تحط مرهم العيون مكان الســرة والحمد لله ولدي ما تعبني في هالشي..
فعادي ممكن تطيح من 8 الى 10 ايام … ما كنت احط لها اي شي فقط انقط عليها شوية زيت سمسم
حسب انا اولادي محمود يمكن 7 ايام وشام طولت شوي 10 ايام اعتقد وكنت امسحها بمسحات طبية صغيرة خاصة للجروح وكمان في بودرة خاصة للسرة ارش منها شوي على السرة
سرة بنتي طاحت بعد 15 يوم طولت بس انا كنت والده قيصري وكنت مره تعبانه ماكنت امشي كانت رجلي زي المشلوله
فكنت مهمله بنتي وللاسف
واسره ماكنت احط عليها ولا شي
بس انا مكنت ادري ان السره يحط عليها شي
وبعدين يوم كنت بالمستشفى كانت السره فيها مساكه
وبعد 3 ايام شالوا المستشفى المساكه وخلوها مختومه بالكوي الحراري
وكانت مره صغيره
يوم طاحت حطيتها تحت السرير وقلت بخلي ابوبها يدفينها بالبيت علشان اذا اكبرت ماتطلع من البيت تصير تحب البيت مع ان كل هذي اعتقادات اولين
والموقف الي يضحك جاي اخوي وشال بنتي يوم جاء بيرجعها السرير شاف المنديل وفتحه ويحسبه شي وسخ او قذاره ورما بالزباله يوم سالت عن المنديل الي كان هنا قال انا رميته المشكل انه اخوي الكبير
قلت ليش ترميه بالزباله الحين بنتي تحب الزبايل اذا كبرت
ويوم يدت نتي تحبي وتمشي بس تفتش بالزبايل طبيعت كل طفل
قلت لخوي الله يصلحك بنتي بس عند الزباله فقعد يضحك
قال اذا جاء ولدي بدفن السره بالمسجد علشان يصير امام
اسفه طولت عليكم
و الله انا ما كنت اسويلها اي شي طاحت بروحها بعد 8 ايام
اهم شي انك تهتمين بنظافتها و تجفيفها بعد كل حمام عدل عشان ما تعفن المنطقة و تطلع ريحة
و ما دفنتها و لا شي قطيتها بالزبالة خخخخخخخ
انا بصراحة عانيت مع سرة ولدي لدرجة كان يطلع دم واخذتة وهو 8 ايام لدكتور استشاري وسالني وش تحطين وقلت لة مسحة طبية فقال نصيحة لا تحطين ولا شي خليها عشان تتاكل من البكتيريا وتطيح اما إذا اهتميتي بنظظفتها راح تطول مدتها والدم عادي..
هذي تجربتي وشكرا لكم