« ساعاتي, مجموعتۑ المتواضعة . . εïз 2024.

أخباركم ؟!..

مصورة لكم هالصور من زمان .. بس من الكسل والعيارة ما نزلت الموضوع

عاد الحين تفرغت , وقلت بنزلها لحبايبي في عروس

أنا شخصياً أعشق الإكسسورات

وعندي مجموعات وايدة ومختلفة .. من كل شي

هواية عند أجمعها

ولو أصور كل أكسسوراتي يبي لي موسوعة

عاد!..

الساعات

آخر شي أفكر ألبسه أو أحبه سابقاً

مالي ميول للساعات .. أبد

بس ما شاء الله .. دائماً توصلني هدايا بيوم ميلادي ومناسبات ثانية , ساعات

تقولون عناد ههههههه

عاد قمت أحبها وايد << كثر الدق يفج اللحام

وقمت أتشرى لي بعد :057:

وضفتها لقائمة الإكسسورات إلي أحبها

عاد قلت أصور لكم مجموعتي المتواضعة .. والبسيطة

ولاحظوا إن ما عندي .. لاذر , لأني ما أحبها وتضايقني

(( ما شاء الله .. تبارك الرحمن ))

هذي وصلتني هدية .. عدمتها من زود اللبس , وايد حبيتها :032:

وإلي عطتني الهدية شرت بعد ألوان ثانية .. بيضا , وسودة , وسلفر

و وزعتهم هدايا

عاد أمانة حسيت الذهبية أحلاهم

…εïз

هذي شريتها من ( هبي تايم – مجمع السيف )

كنت رايحة لشي , وخذيت أشياءات ثانية هههههههه

عاد عجبتني والأحلى أسعار هالمحل طبعاً!..

εïз…

هذي بعد .. وصلتني هدية

هدية عزيزة وغالية

بس لاذر .. وأنا ما أميل له وايد

بس أحبها , ولونها بعد فظييييع

أحمر – دم الغزال

…εïз

أشتريتها أيضاً من محل ( هبي تايم – مجمع السيف )

إهي حلوة وتهبل .. والأحلى سعرها

بس عاد في اللبس ما أدري شلون :060:

لأن معصمي وايد صغير ومب أي شي يناسبه .. فأحسها ما أدري شلون

εïз…

هذي عاد .. حبيبة قلبي

وايد , وايد أحبهاااا

كان ودي بديزاين ثاني .. غير المربع مثل البيضاوي أو الدائري

بس أقتنعت فيها وايد لمن قمت ألبسها

…εïз

هذي كيوتة!..

كأنها أسويرة

أيضاً شريتها من محل ( هبي تايم – مجمع السيف )

وهذي الثالثة والأخيرة من هالمحل ,

εïз…

نعومية ,

ويمكن إلي جذبني لها لونها الغريب " نحاسي "

بس كالعادة .. في اللبس تطلع علي مب شي بسبة معصمي

…εïз

هذي هدية من البابا – ربي يخليه ويطول بعمره –

وايد كلاس

وفيها تاريخ اليوم بعد .. أحبهاا .. عزيزة وغالية

وكانت المناسبة جداً سعيدة

εïз…

هذي بعد هدية مشتركة من البابا & الماما – ربي يخليهم ويطول في عمرهم –

عاد نسيت المناسبة هههههههه

…εïз

εïз…

هذي وايد دفشة!.. ههههه

بس ألوانها روعة , الموف & السماوي .. حدهم ناااايس

…εïз

هذي هدية صديقتي .. ليوم ميلادي هالمرة ,

εïз…

هذي بعد عدمتها من اللبس .,

وايد أحبها !..

وعاشت وياي ذكريات هههههه

…εïз

هذي حسيت التصوير ظلمها

لأن فيها ديتيلز وايد روعة وراقية !..

εïз…

وبس!..

خلصت

إن شاء الله يعجبكم موضوعي

وما أبي منكم إلا دعوة صادقة من القلب

( للتفريج عن همي وكربتي فرجاً عاجلاً غير آجلاً بآذن الله )

وإلي تحب موضوعي .. يسلم قلبها , وعن جد فديتها , إذا قيمتني

يفرحني ويسعدني تقييمكم

…εïз

تنبيه أخير :

ما أقبل .. ولا أحلل .. أي وحدة تنقل موضوعي لمنتدى ثاني

لأنه مجهودي الشخصي , وحصرياً على { عروس }

وإلي بتنقل موضوعي بأي شكل من الأشكال .. في ذمتها 😡