ابني عمره شهرين ………مشكلتي بدت بالمستشفى لاني ولدت قيصري وقعدت 4 ايام وفي ايديني الثنتين دريب مو قادرة احمل ابني نهائيا لين ما طلعت من المستشفى …….فمن اول ما ولدته وهما يعطونه صناعي بالمستشفى وبس طلعت قلت خلاص برضعه صابني اكتئاب طول معاي حيييييل لين سافرت عند اهلي شوي نفسيتي تحسنت الحين ودي ارضع ابني من صدري وطبيعي بس حلمتي غائرة وولدي تعود على حلمة الرضاعة الصناعية فهوا عباله لما احط صدري في فمه ان طول حلمتي نفس طول الحلمة للرضاعة الصناعية فما يرضع ابدا ويقعد يصيح ………قالوا لي على طريقة اني احط الحلمة الصناعية حق الرضاعة على حلمتي واخليه يمص منها …….نجح الموضوع لمدة يومين وانا فالنفاس وبعدها جاتني الحالة النفسية……. الحين ودي ارضعه ثاني مرة بس عندي مشكلتين :
الاولى : انه ما في حليب يطلع من صدري ابدا يشفط بالحلمة الصناعية ما في حليب يطلع ……….معقولة يكون صدري خالي من الحليب ؟؟؟؟شنو اسوي عشان يدر الحليب …… لا تقولون لي حلبة اي شي غير الحلبة تكفون …..
الثانية : شنو اسوي عشان تطلع حلمتي ويقدر يمسكها ويمص منها مثل باقي الاطفال طبيعي ؟؟؟؟
ثالثا : يقولون مو زين الوحدة توقف الرضاعة فترة وبعدين ترجع ترضع لان الحليب اللي بصدرها يخرب وما ينفعالطفل بالعكس يضره وممكن يجيه اسهال او امساك ؟؟؟فهل صحيح هالكلام ؟؟؟؟؟؟
جزاكم الله الف خير ………..أم بدر
حبيبتي انا نفسسس مشكلتك بنتي ما رضعت من غير اسبوع او اقل ولا استفادت لان الحبيب بصدري قليل مره وتصيح جوعانه تعور قلبي فاعطيها صناعي
والله نفسي ارجع ارضعها طبعي تستفيد شوي واذا في امكانيه البنات يساعدونا
كل ما خليتوا الطفل يمص من صدركم اكثر كل ما در الحليب …
حاولوا تكثرون من الخضرة والفواكهه .. والرهش
انا الحمدلله الين الحين ارضع مريومه طبيعي … مع اني ما اكل وايد بس كل ما رضعتها اكثر كل ما در الحليب اكثر ….
وان شاء الله تستفيدون من كلامي
او كاتبة مشكلتي
بالضببببببببببببببببببببببببببط
للاسف اختي استسلمت في النهاية وما رضعت بنتي من صدري حتى مع الحلمات الصناعية اللي خليتها على صدري ما فاد الموضوع
وصارت تشرب بس صناعي
تكفين لا تعورين قلبي
ولا تتذكريني لاني قاعدة الهي نفسي عن هالموضوع
واتذكر كلمة قالتها لي وحدة من بنات المنتدى واااااااااااااااااااااااااااااايد تهداني
قالت: حليبج مو رزقها، والا كانت خذته
وايد بنات يمروا بهالمشكلة
واولهم انا قريب من اللي صار معج صار معي
مثل ما قالت وحده من الاخوات خلي ابنك يرضع منك دوووم
طووول الوقت رضعيه
وسوي مساج للحلمات ترى وايد ينفع
انا جربت المساج ورضاعه بنتي مني
والحمد لله رضعت طبيعي لين قدر ربي بعدها قطعت
و
الحمد لله على كل حال
اسئلي عنه في المستشفي..
و لا تنسين ان الطفل اذا ما رضع من امه يصبح عرضه للامراض .. و جهاز مناعته ضعيف..
حاولي و ادعي رب العالمين و عندج ماء زمزم الغالية…
حبيبتي استخدمي الحلمات الصناعية و سوي مساج للحلمة
و الحليب ما يخرب اذا ظل بالصدر هذه معلومة غلط بس عصري بايدك اول شي طلعيه بره بعدين سمي و رضعيه
بالتوفيق
فيه بالصيدليه حليب خاص للام الحامل والمرضع انا احط لي ملعقتين منه في كاس حليب ساخن وسندويشه رهش -طحينيه- تنفع كثير
بالنسبه للحلمه انا كانت حلمة صدري اليسار غايره وكانو التوام مايبونها بس الحمدلله مع كثر الرضاعه قامت تطلع
وكنت اسوي لها مساج واسحبها على برا بالاضافه الى شفاطه الحليب لما استخدمها كانت تسحب الحلمه على برا وتبرزها والحمدلله مع الترضيع برزت من حالها!