الساندويتشات
المقااادير
روتي سلايس مع ازاله الاطراف
دجاج مفروم
جزر مبشور
2 بصل
فص ثوم مدقوق
4 ملاعق جبن كرفت
مايونيز
جبن سلايس
نعناع مجفف
الطريقه
اتفوحين صدرين دجاج واتنتفينهم
في وعاء ثاني اتحمسين لج بصلتين مفرومين مع ثوم واحد وجزره مبشوره وبزار وملح وتضيفين لهم الدجاج المسلوق سابقاً ….وتضيفين معاهم 4 ملاعق طعام جبن كرافت
…بس هذي الخلطه
واتيبين توست سلايس اتقصين اطرافه وتدهنين وجهه الروتي منا لداخل بالمايونيز
وتضعين فيها خلطة الدجاج واتصكرينها عدل
ومن جهه وحده من برا اتحطين قطعة جبن سلايس واترشين فوقها كزبره ناشفه اونعناع او اوريغانو ودخلينه المايكرويف ثواني بس لين اتذوب الجبنه اللي فوق شوي
والكفته
هي مثل ماتشوفون نوع واحد
بس نوع غطيتها بالروتس السلايس الصغاااااار
ونوع من غير شئ
المقادير
دجاج مفروم
بصل مفروح
بقدونس مفروم
ملح
بزار
بيضه
2 روتي سلايس منقوم بقليل من الحليب (علشان يسهل علينا تشكيل الدجاج ومايتفتت معانا )
للتغطيه
روتي سلايس مقطعه صغااااار
الطريقه
في وعاء حطي كل المقادير ماعدا البيض ومكعبات الروتي الصغيره
وبعدها كوريها
واغمسيها بالبيض وبعدين مكعبات الروتي
واقليها بزيت غزير
خفيفه وحلوه وسهله
بس اللي بمكعبات الروتي تتشرب دهن
وهالاكلتين خذتهم من كتاب مائدتك من منتجاتنا
ان شاء الله تعجبكم
ويعطيك العافية
وعيبتني فكرة السلايس فوقه جبن
تسلم ايدج
الله يسامحج اختي:mad2:
لا تغديت ومب عارفه شو اتعشى
ومن اليوع يالسه آكل حب ونخي
وأدش المنتدى عشان اشوف هالصور
حراااااااااااااااااام هذا تعذيب:cry:
تسلمين اختي….الوصفه حلوه وتيوع
وأن شاء الله اذا خلصت اختبارات سويتها بس حبية اسالك ايش هو جبن سلايس يباع كذا اسمه او ايش هو
ويعطيك العافيه
يسلموووووووووووو
اممممممممممممم شكلها لذيذ يعطيج العافية
وتسلم الايادي
انشاء الله راح نجربها