طبعا مثل ما عودتكم على أطباقي الخاصه
اللي اسويها بطريقتي الخاصه
واذا كان في ناس يسووونه فصدقوني بكون
بالصدفه لأني فعلا ما اقول انها بطريقتي الخاصه
الا لأني اخترعت الطريقه وما شفت أو سمعت أحد مسويها من
قبل و اليوم يايبتلكم طبق عجييييييييييب
انشاللله يعجبكم
المقاااااااااااااااادير:2
بطاطس متوسطين الحجم مقطع قطع صغيره مربعه
خضار مشكل مجمد في منه بالجمعيه بأكياس مكتوب عليها خضار مشكل تكون مكونه من (فاصولياء وبزاليا وجزر)
علبة ذره تلقونها صوب المعلبات
مكعبين ماجي أو كنور لكني أنصح كنور لأن مو مالح وايد
ملح
زيت زيتون
معكرونيا ملونه وتكون ثلاث ألوان حجم 500 جرام يعني جيس كامل وتكون معرجه و حلزونيه اذا عرفتوها
3 أكياس شبس وأفضل شبس كتكو اللي كيسه أسود بطعم الفلفل والبهار
فلفل أسود
مايونيز
ربع زبده
الطريقه:
طبعا نفوح أول شي البطاطس لمن نحس انها صارت طريه
وبعدين نحط معاها الخضراوات المشكله والذره
نصبر عليهم شويه وبعدين نخليهم على نار هاديه على ما نسوي المعكرونيا
والمعكرونيا واحنا نفوحها نحط معاها مكعبين ماجي وبهارات يكون أفضل عشان يعطيها طعم ونكهه
وبعدين على ما تستوي المعكرونيا وتصير طريه نكون مسكرين النار على الخضار
ومخلينه متنقع بمايه
لمن نتطمن انه المعكرونيا خلاص طرت وصارت حلوه نصفي منها الماي
واهي بالمشخال نحط فوقها الزبده وانقلب فيها عشان الزبده تذوب بالمعكرونيا
ونصيحه ما نستخدم الملاس في التغليب
نحرك المشخال مثل النخاله عرفتو؟
ولمن نحس انه الزبده ذابت بالمعكرونيا نخليها على ما تبرد
ونصفي الخضار من الماي عشان يبرد بعد
ونييب طبق السلطه ونحط المعكرونيا مع الخضار وانغلب فيه لمن ينخلط كله مع بعض
ونحط ملعقة أكل مايونيز ونحركها مع الخليط
بعدين نرش فلفل أسود على الخليط
وبعدين نحط زيت زيتون
ونحط فوق السلطه الشبس
ونخلطهم مع بعض
واذا حسيتي انه السلطه ناشفه حطي معاها زيت زيتون
وبالهنا والشفاااااااااا حبيباتي
ولا تبخلون علي بردودكم الحلوه
يسلمووو ع الوصفة
مشكورين