لأني بعد ما تزوجت صرت ملمة لأخبار الأكل علشان اتفنن لزوجي بالأكلات
الله يسلمكم امس زوجي راح البحر في رحلة مع اصدقائه
وجابلنا سمك طري وكل سمكة تقول انا اكبر من الثانية
😮
ولما شفت السمك على طول خطر ببالي ان نتعشى سمك مشوي
وقمت بالتالي :::
نظفت السمك وغسلته وبعدين ملحته شوي وخليته فترة ربع ساعة
اثناء ذلك قمت بتحضير التبزيرة للسمك :::
ملعقتين بزار سمك + 4 حبات ثوم + ثلاث اعواد فلفل اخضر + نصف ملعقة صغيرة فلفل احمر + ملعقة صغيرة ملح
دقيتهم كلهم مع يعض لغاية ما صاروا ناعمين جدا
جبت صبار (( تمر هندي )) وخلطته مع الماي وسويته كأنه عصير لكن شوي غليظ وسكبته على البزار
وبعدين جبت السمك غسلته مرة ثانية علشان يروح الملح منه
بزرت السمك وخليته يتشبع بالبزار وتركته مدة ساعتين في الثلاجة
بعد انتهاء الساعتين
تشعلي الفرن
وتصفي السمك المبزر في صينية الفرن جنب بعض مع ترك مسافة بسيطة للتقليب وتدخلي الصينية في الفرن
وبس
وبعد ما تلاحظي ان السمك خلاص استوى تطلعيه من الفرن
وتكوني حضرتي طبق التقديم وتحطي كقاعدة للصحن خس مقطع وترصي السمك فوقه مع شرائح الطماطم اللي راح تذوب من حرارة السمك
والله لذيذ وشهي
زوجي اعجب بالطريقة
وخلصت الطريقة
ها ايش رايكم 
ألف شكر لكِ عزيزتي شهد 78..
تسلم يدك والله يعطيكِ العااااافيه..
والله شهيتيني ربنا يسامحك..
نتظر منكِ المزيد..
تحياتي لكِ,,
اشكرك على تشريفك بموضوعي
وبالفعل الأكلة شهية جدا جدا
وزوجي اكلها بنهم ((( ما شاء الله )))
جربيها بتعجبك انا متأكده
:confused:
صارلي فتره ودي اكله .. بس مشغولة حدي بالدوام و الوقت مو مساعد امي انها تسويه لنا
ومستحيل اكله بالمطاعم .. لانه تنظيفه مو على ايدي او ايد امي بس هم مشكوووورة و يعطيج الف عافيه
حاولي تسوينه يوم الخميس او الجمعه
اتمنى انك تذوقينه
علشان اعرف رايك !!!!!