انا راح ابتدي بالموضوع مباشره بدون ايه مقدمات
انتو طبعا ملاحظين (طبعا بكل دول الخليج))
ان اللهم ياكافي الله لايبلانا ان اكثر الرجال المتزوجين والمومتزوجين مايتزوجون من داخل البلد
هالايام طايحين لنا موضه الزواج من دول عربيه او دول خليجيه ثانيه
طيب ليه ماياخذ بنت بلده وبكذا يستر على نفسه وعلى هالبنت والبنت اللي بياخذها ببلد ثاني الله يعوضها
والله مساكين هالبنات يعني المفروض ولد بلدها احق لها من غيره
انا الصراحه موعاجبني هالوضع يعني المفروض الدوله خلاص ماتسمح للرجال انه يتزوج من برا البلد
ياياخذ له من بلده او بكيفه يجلس عزوبي
علشان بكذا الكل يتزوج ويكمل نص دينه
انتو شرايكم بهالموضوع اللي انا قاهرني وباط جبدي :angry: :angry: 🙁 🙁
وبصراحة موضوعج متشعب واايد .. لان فيه الاسباب وفيه المرغوب وفيه
الممنوع وفيه المكروه …
بحاول اختصرلج وجهة نظري ..
خلينا نصنف الرياييل لنوعين في اللي هوايته الزواج بغض النظر
من بلده او مب من بلده يعني زواج والسلام والعيون زايغه من كل الزوايا وانا ما
أبقي اتكلم عن هالفئة .. (n)
بتكلم عن اللي فعلا ناوي يتزوج ولكنه فكر انه يتزوج ببنت غير عن بنت بلده …
طيب خلينا نسأله ليش وشو السبب ؟؟؟ الأسباب واضحه ومعروفة للكل
وانا ما أعمم كلامي …
1- غلاء المهور
2- طلبات الأهل والشروط التعجيزية
3- طلبات بعض البنات اللي ما تخلص
4- غلاء حفلات الزواج وما يرافقها من مظاهر
5- الديون المتراكمة بسبب الاقتراض من البنوك
6- بعض الرياييل رواتبهم ما تتحمل اعباء الزواج وتكاليفه
يعني كل هالاسباب تخلي الواحد مب يتزوج الا يكره الزواج
ويهون او انه يدور عالبديل اللي يريحه ويناسب امكانياته ..
بخصوص انه يتزوج من خليجية فأنا ما أشوف فيها شيء
لان خليجنا واحد وعاداتنا وتقالينا وحده .. والعيال بيتمون
خليجيين وحقوقهم محفوظة .. والحمد الله كلنا عايشين بنعمة
في الخليج .. :salam: ===> على الأقل الخليجية أحسن بوايد من فلبينية :angry:
لكن انه يتزوج من برع فهي مشكلة لأن لا عادات ولا تقاليد تناسبنا
وخاصة اذا كانت الزوجة مبمسلمة يا لههههههههههوتي
يعني يسبب مشاكل كبيرة في المجتمع وقضايا مالها اول ولا تالي …
وسلبياتها اكثر من ايجابياتها مع ذلك في زيجات ناجحة ولكنها قليله جداا
مقارنة بغيرها .. (n)
طيب شو هو الحل ؟؟؟!!!!!
الحل ان كل واحد يقدم تنازلات للثاني عشان القافلة تمشي
يعني لازم الدولة تيسر أمور الزواج وتعطني منح للمتزوجين
والاهل يراعون حالة الرجل المادية وما يحملونه فوق طاقته
والبنت لازم تكبر عقلها وتعرف ان قيمتها مب بسيارة او فلة
او مهر يوصل ل 30 الف وعرس ألف ليلة وليلة .. قيمتها بعقلها
واخلاقها وادبها .. أقلهن مهرا اكثرهن بركة .. لأن هالماديات كلها
تختفي والناس ينسونها وما يظل في الزواج غير العشره والحب والتفاهم
بين الزوجين ..
واهم حل هو التثقيف بشكل مستمر لهالظواهر الخطيرة على مجتمعاتنا
انا اشوف اعلامنا بصراحه مب مقصر مشجع للرجل على هالنوع من الزيجات
العجيبه الغريبه وهي فعلا مثل ما قلتي موضه كوكتيل هههههههههههههه
وكفاية أصحاب الرؤوس الكبيرة قاعدين يتزوجون من برع يعني لسان حال
باقي الرياييل يقول يعني حلال عليهم وحرام علينا!!! :dd: :dd:
الريايل عينهم زايقه ويبيلهم من يبطها:mad2: انقهرت والله …
والله لو يدور العالم كله مايلقى وحده مثلنا جمال وسنع واخلاق (r)
واللي يقهر بعد جان زين يتزوج من بنات الخليج يروح ياخذله وحده حمدالله والشكر :pain:
والا اشرايكم اشفينا احنا لييييييييييييش يسوون فينا جذي 😥
هذا وانا متزوجه انقهرت عيل اللي للحين مو متزوجه شتسوي ههههههه
واحد يبغى يتزوج مواصفاته اللي يبغاها مو موجودة في البنات اللي يقربون له او ما لقيوا هذه المواصفات الا في بنت من بره البلد ..
هذا النصيب وهذه بنت الحلال هو حر .. اختيارة وبكيفه .
دام انها مسلمة وهو راضي ان شاء الله يتهنوا ويعيشوا حياة سعيدة ..
بنات لا تشوفون الموضوع على اساس انه انتم ما ناقصكم شيء او ليش ياخذ من بره احنا حلوين ومن هذا الكلام ..
أختكم
* آلـوووءة *
خخخخخخخخخخخخخخخخخ
انا قطريه وخطيبي امراتي :shy:
بس اختي انا ماراح اخالفج في الراي عشاني وحده منهم لا والله :no:
كلامج زين .. بس غلط ان يفرضون على الريال ياخذ من بنت بلاده ولا مافي يتم عزوبي
حتى الرسول ماسواها …. وقال فالحديث (( صلى الله عليه وسلم ((عن أبي هريرة قال قال رسول الله صلى الله عليه وسلم إذا خطب إليكم من ترضون دينه وخلقه فزوجوه إلا تفعلوا تكن فتنة في الأرض وفساد عريض . ( حسن ) ……
وفي ناس الله يهديهم مثل ماقالت الاخت قبلي يطلبون مهور مب معقوله …..:eek2:
وكل واحد وياخذ نصيبه اللي الله كاتبه له :shy:
والسمووووحه ….
الله يوفق الجميع ان شاء الله ….
وانا لاحظت انه بالخليج تجهيزات العرس ومتطلبات العروس تعجيزية لبعض الشباب
انا ما اقول ياخد البنت بلوشي لكن في حدود المعقول
وبالاخر بتضل قضية قسمة ونصيب
 |
اقتباس |  |
 |
المشاركة الأساسية كتبها ملاك الورد |  |
 |
| غاليتي عالي مستواها مشكوووورة على طرح الموضوع .. وبصراحة موضوعج متشعب واايد .. لان فيه الاسباب وفيه المرغوب وفيه الممنوع وفيه المكروه … بحاول اختصرلج وجهة نظري .. خلينا نصنف الرياييل لنوعين في اللي هوايته الزواج بغض النظر بتكلم عن اللي فعلا ناوي يتزوج ولكنه فكر انه يتزوج ببنت غير عن بنت بلده … طيب خلينا نسأله ليش وشو السبب ؟؟؟ الأسباب واضحه ومعروفة للكل 1- غلاء المهور يعني كل هالاسباب تخلي الواحد مب يتزوج الا يكره الزواج بخصوص انه يتزوج من خليجية فأنا ما أشوف فيها شيء لكن انه يتزوج من برع فهي مشكلة لأن لا عادات ولا تقاليد تناسبنا طيب شو هو الحل ؟؟؟!!!!! الحل ان كل واحد يقدم تنازلات للثاني عشان القافلة تمشي واهم حل هو التثقيف بشكل مستمر لهالظواهر الخطيرة على مجتمعاتنا وكفاية أصحاب الرؤوس الكبيرة قاعدين يتزوجون من برع يعني لسان حال |
||
 |
 |
هلا حبيبتي ملاك
اشكرك اولا عالرد
حبيبتي الحين انتي ذكرتي فكره غلاء المهور وان البنت تكون متطلباتها كثيره
طيب الحين خلاص تغير الوقت وفيه توعيه كثيره عن هالموضوع
يعني خلاص اخر شي المهر يوصل ل 20 الف او 25 واذا زاد 30
بعد ماكان فوق ال50 الف
والبنت الحين مااعتقد عندها متطلبات يعني مثلا الشقه او السكن لوحدها وهذا من حقها والشغل وبس
طيب واذا تزوج من الخليج ماعليه بالعكس مثل ماقلتي خليجنا واحد واحسن انه من ياخذ من برا الخليج
وعلى قولتج احسن من الفلبينيه او الاندونيسيه او غيرها :angry: :angry:
والاعلام احس انه بعد باط جبدي يعني يزين للرجال الزواج من البلدان الثانيه (ماراح اذكر الاسامي علشان العضوات مايزعلون)
واصحاب الرؤوس الكبيره على قولتج اللي المفروض يصيرون لنا قدوه هم اللي يسوون علشان كذا الباقي يسوونها مع ان لاحظي ان الرجال لما يفكر يتزوج من برا البلد يفكر انه خلاص مابيتراكم عليه الديون والمصاريف واهو بالعكس الا اللي ياخذها من هالدول الثانيه اهي اللي تقول له ابيك تصرف على اهلي وتطلعني وتجيبني وراتبك نصه لي خخخخخخ هذا اذا مااستلمته كله وبجذي يطلع اهو الخسران وبالعكس بنت بلده ماتسوي له كل هالمصاريف
|
اقتباس | |
|
المشاركة الأساسية كتبها حلومه^^ | |
|
| انا اقول ما عنده سالفه ياخذله وحده من بره اشفيهم من زود علينا.. الريايل عينهم زايقه ويبيلهم من يبطها:mad2: انقهرت والله … والله لو يدور العالم كله مايلقى وحده مثلنا جمال وسنع واخلاق (r) واللي يقهر بعد جان زين يتزوج من بنات الخليج يروح ياخذله وحده حمدالله والشكر :pain: والا اشرايكم اشفينا احنا لييييييييييييش يسوون فينا جذي 😥 هذا وانا متزوجه انقهرت عيل اللي للحين مو متزوجه شتسوي ههههههه |
||
|
|
هلا حبيبتي حلومه
مشكوره عالرد
🙁 🙁 حبيبتي هم مافيهم زود بس الرجال خخخخخخخخخخ عيونهم زايغه ويبي لنا نفقع عيونهم علشان يتأدبون :angry: :angry: 
ومثل ماقلتي لوبيدور العالم كله مايلقى احسن من بنت بلده
والله فيه ناس مثل ماقلتي ماياخذون من الخليج جان على قولتج اهون لااا ياخذون من برا
ولابعد تشوفينه بالبدايه كل سنه مطيح بهالبلد وبعده بكم سنه قال لج انا تزوجت :angry:
ولابعضهم الحمدلله والشكر يجيبون شغالاتهم علشان يتزوجونهم :angry:
حسبي الله ونعم الوكيل بس
|
اقتباس | |
|
المشاركة الأساسية كتبها * آلـوووءة * | |
|
| عااادي جدا .. ما اشوف انه في شيء يقهر في السالفة .. واحد يبغى يتزوج مواصفاته اللي يبغاها مو موجودة في البنات اللي يقربون له او ما لقيوا هذه المواصفات الا في بنت من بره البلد .. هذا النصيب وهذه بنت الحلال هو حر .. اختيارة وبكيفه . دام انها مسلمة وهو راضي ان شاء الله يتهنوا ويعيشوا حياة سعيدة .. بنات لا تشوفون الموضوع على اساس انه انتم ما ناقصكم شيء او ليش ياخذ من بره احنا حلوين ومن هذا الكلام .. أختكم |
||
|
|
هلا حبيبتي الووءه
مشكوره عالرد
حبيبتي انا مااخذت الموضوع من باب انه اهم احلى منا بالعكس احنا حلوووين ومعروفين بنات الخليج بالجمال :shy: :shy:
وحتى لوبغى الرجال يتزوج له وحده بمواصفات من البنات اللي يقربون له طيب يدووروون بمنطقه ثانيه ثالثه رابعه عاااااااااشره بنفس البلد علشان بجذي يستر على هالبنت وانه بعد تقل نسبه البنات اللي ماتزوجو مساكين بس الله الرزاق
وصحيح هو نصيب وحتى لو اهي البنت مسلمه طيب اهي تاخذ لها واحد من بلدها واهو من بلده ليش يطلع برا
اصلا اللي طلع هالفكره ان الواحد ياخذ له وحده مومن بلده صراحه فاضي وماعنده سالفه
|
اقتباس | |
|
المشاركة الأساسية كتبها @حبيبة الغالي@ | |
|
| :shy:
خخخخخخخخخخخخخخخخخ انا قطريه وخطيبي امراتي :shy: بس اختي انا ماراح اخالفج في الراي عشاني وحده منهم لا والله :no: كلامج زين .. بس غلط ان يفرضون على الريال ياخذ من بنت بلاده ولا مافي يتم عزوبي حتى الرسول ماسواها …. وقال فالحديث (( صلى الله عليه وسلم ((عن أبي هريرة قال قال رسول الله صلى الله عليه وسلم إذا خطب إليكم من ترضون دينه وخلقه فزوجوه إلا تفعلوا تكن فتنة في الأرض وفساد عريض . ( حسن ) …… وفي ناس الله يهديهم مثل ماقالت الاخت قبلي يطلبون مهور مب معقوله …..:eek2: وكل واحد وياخذ نصيبه اللي الله كاتبه له :shy: والسمووووحه …. الله يوفق الجميع ان شاء الله …. |
||
|
|
هلا حبيبتي
مشكوره عالرد والله يوفق بينج وبين خطيبج ويتمم لج ولكل المخطوبات على خير يارب ياكريم
انتي قلتي غلط يفرضون عالرجال انه يتزوج من بلده او يتم عزوبي خخخخخخخخ اصلا الرجال مستحيل بيوافق يتم عزوبي وبجذي غصب طيب بياخذ من لابلد
ومن ناحيه المهور الحين انا قلت خلاص المهور قلت مومثل اول وفيه توعيه للناس واغلب العوايل بعد وانا اعرف منهم ان بس يملجون وخلاص المهر ابو البنت يدفعه يقول مايبي يعذب الرجال
بس خلاص الناس الحين اخذت فكره ان بنت البلد مب زينه واللي برا جنه