تعرفون ان الزياده في العنايه بالشعر مثل عدمها..تخرب الشعر وتغير نوعيته وتفقد حيوته ويمووت
أنا ماكنت ادري ..الحين ماشيه على بروجرام بسيط وحلو وعدل شعري…
بسم الله..
أولا::: شعري غجري>> تبا تمدح شعرها
صح الشعر الناعم أحلى وأسهل ولكن للشعر الغجري دلع وجاذبيه ولى ما غنى عليه عبدالحليم حافظ ((الشعر الغجري المجنون يسافر في كل الدنيا)) هههه >>تواسيكم ياللي شعركم غجري ومينوون .. ماجذبت يا عبدالحليم حافظ ..مينون وبس الا استهباال فيه بعد..
بس ولا يهمكم بالذات اللي شعرها كيرلي شوية عنايه ودلع لشعرج وبيكون تااج مميز فوق راسج
أهم شي حبيه على طبيعته واهتمي فيه ومابيكش فوق راسج ولا بيستهبل…
ثانيا::: اني للعنايه
حبيبتي الغاليه الشعر مثل النونو.. البيبي اذا امه رضعته وهي ماتتغذي مابيظهر له شي يشربه وبالتالي بيمرض وبيصيح وبيتمرد وشكله تعبان بيكون… نفس الشي الشعر اذا ماتغذيتي مابيحصل فيتامينات ومعادن فبيتمرد بيتقصف ويكش ومابيلمع..
لذالك ياعمري اهتمي بالتغذيه عشان تحصلين نتيجه… ^_-
اني الحين للعنايه…اترككم مع الصور أول شي
يفضل انج ماتغسلين شعرج يوميا وان اضطريتي خليها يوم ورا يوم..انا اغسل شعري 3 مرات فالاسبوع..
قبل ما اغسل شعري احط من زيت بيبي اويل ريحته حللللوه مسحه خفيفه على ايدي وادلك شعري وهالطريقه تطول الشعر..بس انتبهو لاتكثرون من الزيت لأن صعب يروح ويا الشامبو…
اغسل شعري بشامبو لوريال الوردي أو هيمالايا للشعر الجاف بالحمص والسمسم.. أحسن شامبوين جربتهم ريحتهم حلوه وناعمين عالشعر..بعد الشامبو احط بلسم لوريال عالاطراف فقط
مب دايما احط البلسم بعد..
بعد ما اخرج من التواليت اكرمكم الله البس ايشارب على شعري لين ينشف شويه ثم أحط سيروم جون فريدا أو ليفون…السيروم أفضل شي للشعور الغجريه وبنفس الوقت السيروم يعطي ريحه حلوه للشعر… على فكره سيروم ليفون لونه الاصلي شفاف وبدون ريحه بس انا اضفت له شوية دهن عود والريحه ياسلاااااااااااااااااااااااااااااااااااااااااااااا ام دوم أحطه… وابعدي السيروم عن الفروه خليه في منتصف الشعر والاطراف…السيروم يعطي لمعه حلوه للشعر..
الماسك مثل البلسم ناادر ما استخدمه..واذا استخدمته يكون بيوم الحمام المغربي..
اخذت طريقتة الحمامالمغربي من اختنا عروسة البحر المتوسط.. وحبيت واايد ماسك الشعر
اللي هو طين وحنا مخلوطين بماي الاعشاب وشويه من ماسك لوريال وانا أضفته من عندي عشان الطين والحنا أحسهم يجففون الشعر شويه..
المشوط أحسن شي من بودي شوب بلا منازع
وبسسسسسسس هذا بالنسبه للعنايه .. يارب أكون افدتكم ولو بشويه ..
بنات أريييدكم بس تدعون ربنا انه يجمعني ب من أريد عاجلا غير اجلا ويسعدنا… لأن دعوة الاخ بظهر الغيب مستجااااابه..والله أحتاج دعواتكم ليل ونهار .. ملييت من العزوبيه بنفجر
أول تسريحه وهي الكيرلي يعني على طبيعته بس يكون مرتب..
يوم اغسل شعري واطلع من الحمام أضع الايشارب وبعدين لما ازيل الايشارب اضع من السيروم وبسسس
أبدا لاتمشطين شعرج بجذه بيكون كيرلي مرتب…نفس شاكريرا و ميريام فارس بس أنا شعري أنعم منهم شوي
التسريحه الثانيه…
نفس الاولى بس بعد ما ازيل الايشارب واضع السيروم امشط شعري على طووول وارفعه وبجذه تخف التموجات ويكون مثل شعر ..منو ياربي… ممم ما ادري بس يكون كيرلي بطبقات اخف..
التسريحه الثالثه..
اذا أباه ناااااااااعم ..مالي غنى عن الاستشوار ويصير نااعم كأنه طبيعي.. وهالشي اعمله فالمناسبات فقط..
أدوات التزيين..كل شي حلو علينا الوروود والاطواق والايشاربات والتك تك شوفو عالنت واايد شبرات حلوه ولهم تساريح خاصه أو سيرو كليرز عندهم شغلات حلوه بعد..
….ترا أهم من الشعر الناعم أنه يكون صحي ويلمع ومافيه تقصف..
والشعر القصير مايناسبنا..احلى شي الوسط والطويل ….والقصه الطويله أريح لنا عشان مانضطر نستشور كل يوم بس اللي تبا تخلي قصتها قصيره وتقدر تستشور كل يوم ابكيفها طبعا..
مع تمنياتي لكم بشعور صحيه وجميله….
ادعووووووووووو لي
ما شاء الله عليكى ربنا يجمعك مع اللى فى بالك وقلبك عاجلا غير اجلا
ربنا معاكى يوفقك
يسلمو يا عسل
الف شكر
وشكرا ^_&
تشكراتي لك~
يسلموووووووووووو…