شعري حرقه الصبغ وصار جاف 2024.

بنات صبغت شعري واحترق حرقه الصبغ ولا ادري ليش مع اني كنت اول اصبغه وعادي هالمره صبغته وطاع وانا اغسله وهو يطيح غمضني قلبي شعري يطيح عدال عيوني والله ثم والله احترق الله ستر ما تصلعت فيه اماكن صارت نفس شعر الولد وندمت ندم عمري ما ندمته وبكيت ولكن صار اللي صار

رحت الصالون واشتريت امبولات وشامبو وبلسم خاص لانبات الشعر والحين متواصله عليه نبت الحمد الله شويه يعني احسن ولكن كل شعري صار جاف مثل الليفه جاف جاف وعمري ما شفته مثل كذي جاف ويتقصف وانا قصيت المحترق ونفس الشي جاف

ياليت اللي تعرف شي ما تبخل عليه شي مضمون وعن تجربه وياليت اذا فيه وحده مرت بهتجربه ما تبخل عليه بنصيحه

وانا ازيته في الاسبوع مرتين

الله يعينك اختي…بس شو نوع الصبغه اللي استعملتيها؟؟

الله يعينيج يارب وهالمره لا تصبغين شكله الصبغه ماكانت زينه او تمت فتره طويله على شعرج اخاف اقولج جربي زبادي مع عسل حطيه على شعرج وبعدين غسليه بشامبو يكون خفيف خاصه حق الاطفال وان شاء الله يرجع شعرج مثل قبل وهالمره لاتصبغين ماورا الصبغات الا الخراب

الصبغه اخذتها من الصيدليه في خاطري اقول اضمن من الصيدليه لونها مائل للبني ولا اتذكر سمها لاني سالت الممرضه التي في الصيدليه عن احسن صبغه ولا تعق الشعر قالت لي عنها وياليت ما سالتها ولا اشتريت عندهم وبعد شفت التاريخ قلت يمكن منتهيه لقيتها ما منتهيه

لا انا ماخليتها فتره طويله 25 دقيقه وغسلتها وانا اغسل وشعري يطيح ومت قهر

اقتباس

المشاركة الأساسية كتبها شمعة حياتي بنتي

	الصبغه اخذتها من الصيدليه في خاطري اقول اضمن من الصيدليه لونها مائل للبني ولا اتذكر سمها لاني سالت الممرضه التي في الصيدليه عن احسن صبغه ولا تعق الشعر قالت لي عنها وياليت ما سالتها ولا اشتريت عندهم وبعد شفت التاريخ قلت يمكن منتهيه لقيتها ما منتهيه

يعني انتي صبغتي شعرج بنفسج 😮 حرام عليج ليش مارحتي صالون زين جذيه لو صار في شعرج راح كله وش بتسوين سوري عصبت عليج بس لاتصبغين بنفسج هالمره لو خسرتي ميتين والا ثلاثمايه درهم وايد ابرك من انج تسوين بنفسج

انا من قبل صبغه علمتني زوجه اخوي كيف اصبغ وصبغت وشعري ما طاح بس هالمره ما ادري ليش حتي الطريقه نفسها ما غيرت شي

وانا معهم لازم اخصائية

وربي يجعل شعرك احسن من قبل .. وبين فترة وفترة قصي شعرك