اشحالكم خواتي
شخباركم
اتمنى بس ان حد يساعدني في تجهيزي
لشنطة مكياج العروس
انا مابي اكثر واااااايد ميك اب
وانا اصلا ما اسوي ميك اب مووول
فما اعرف من وين اخذ
وشو احسن الماركات
ومتى اخذ
عرسي اخر 6 ان شاءالله
اخذ من الحين ولا بعدين
وانا كعروس شو تنصحوني اخذ وشو اخلي
واكثر من شوه وواقلل من شوه
لأني ابغي ابتدى اشتري
يعني مثلا انا ابغي اخذ
تونيك قبل المكياج
الكونسيلر ( خاطري في بليته فيها كذا نوع تخفي البقع وتوحد اللون وسواد تحت العين )
الفاونديشن ( وها اهم شيء عندي مابي اخذ شيء اخرب ويهي روحه جاف وحساس حيل )
البودره
البلاشر
اقلام تحديد الارواج
الارواج
القلوسات
الشدو وشو الفرق بينه وبين الكريمي او اللي نستخدمه مع الماي
اضاءة عظمة الحاجب
الكحل ( خاطري بكحل ما يسيل مع استخدام الماي )
الماسكرا
وكل هالسوالف
وبشرتي جافه وحساسه وهل اخذ لون فاتح للبودره والفونديشن
ترى امانه على كل وحده تدخل تنصحني
وتقولي شو مجربه
ومن وين شرت حق عرسها
انتظر ردكم
وادري ما بتخيبوني
انتظركم
وعليكم السلام ورحمة الله وبركاته ,
لي رجعة للموضوع لأن الإجابة تحتاج تفصيل 
,
انتظرج غاليتي على احر من الجمر
وانتظر باجي خواتي اللي ادري ما بيقصرون وياي
مب عارفه شو آخذ ؟
ان شالله البنات يردون عليج ونستفيد
الفاونديشن ( انصحج بماركه استي لودر وانتي شوفي اللي يعيبج انا بشرتي لادهنيه ولا جافه استخدم الدبل وير من استي لودر واااااااااايد روووعه )
البودرة ( اخذيلج من ماك وكانيبو بس اهم شي تختارين الدرجه اللي تناسبج )
البلاشر (عندج ماركه نوبا في محلات مكياجي بلشراتهم رووعه )
الكونسيلر (بما انج تبين علبه تحتوي كذا لون عندج make up for ever عندهم علبه كونسيلر تحتوي 5 الوان )
الشدو ماشي غير ماك وmake up for ever
الكحل انا استخدم الكحل من ماركه مكياجي روووعه وخدت منهم لونين الاسود والاخضر عجييييييييييييب
الماسكرا ماشي غير ايف سان لوران مابتحصلين احلى منها خليها للمناسبات وخذي لوريال للبيت واااايد حلوة
الارواج والقلوسات من نوبا وmake up for ever و بوبي براون روووعه ارواجهم وقلوساتهم
التحديدات بتحصلين في محل مكياجي ماركة ارتيكو حلوة وااايد
وعليكم السلام ورحمة الله وبركاته ,
على البركة مقدماً ,,
وأعتذر على التأخير ,
بالنسبة لمكياج العروس ,, الأفضل تكون أساسيات العروس ماركات معروفة والباجي عادي مو مشكلة ,
يعني العروس لازم تهتم قبل المكياج ,
بغسول + تونيك + كريم مرطب + منظف لمكياج الوجه + منظف لمكياج العيون , وأنصحج بماركة كانيبو أو كلينك ,,
كريم أساس تغطيته حلوة للسهرات وأقترح عليها ماركة جيرلان أو سان لوران أو لا بريري
كريم أساس تغطيته حلوة يكون يومي أو للطلعة العادية وأقترح عليها كلينك أو كانيبو أو مايبلين ( الموس ) ,
البلاشرات إذا تبين ماركات معروفة فعندج
ماك أو ديور أو شانيل
وإذا تبين ماركات عادية وبنفس الوقت حلوة فعندج
لوريال أو نيفيا أو مايبلين أو بورجوا
والكحل القلم الأسود أو الملون فأنصحج بـ ماك
والكحل الكريمي أنصحج بـ ماك
والسائل لانكوم أو شانيل
وإذا تبين ماسكرا حلوة وروعة للسهرات فعندج لانكوم الأخيرة أو ديور شو أو سان لوران
وإذا تبين ماسكرا يومية فعندج ماكس فاكتر أو بورجوا
إمممممممممم الأرواج أنصحج تاخذين الألوان الأساسية ماركات معروفة وأحلى ماركة للأرواج هي جيرلان وماك وديور
والألوان الأساسية هي : الأحمر + الوردي + البيج + اللحمي + البني
أما باجي الألوان فعادي تكون ماركات عادية
الجلوسات عندج ماك وبورجوا ولورياال وجيرلان
وبودرة الأساس أحلى بودرتين واللي عليهم طلب كثيييييييير هم جيرلان ديفينورا الذهبية وككانيبو توتال فنش
أما بالنسبة لأقلام التحديد فعندج كذا ماركة مثل بورجوا ، ماكس فاكتر ، ريميل , ماك , فور إيفر , اختاري اللي يناسب ميزانيتج
الكونسيلر أنصحج إذا كانت فيج هالات سودا أو عيوب في بشترج , أنصحج تاخذين باليتة الكونسيلر رقم 3 من فور إيفر
وإذا ما كانت فيج هالات أو عيوب , فأنصحج بالكونسيلر التيوب من فور إيفر
الشادو أحلى ماركتين للشادو هي ماك وفور إيفر
طبعاً الألوان الأساسية في الشادو هي :
الأسود + البني + الأبيض الفضي للإضاءة تحت العين والحاجب وأنصح بـ نايلون من ماك + الوردي + أو أي لون إنت شايفته مناسب لج
أو لألوان فساتينج ,
وعندج شادوهات بن ناي وكريولان حلوة وثابتة بعد , وإذا كانت متوفر عندكم ما يمنعإنج تاخذين منهم ,
أتمنى إني كفيت ووفيت أختي وأعتذر على التأخير ,
بس أنصحج ب ميك أب فور ايفر+ماك
لاتاخذين مكياج من الحين اشتري قبل عرسج بشهرين
والبنات ماقصرو ماشاءالله