اخواتي هذي فكرة واتمني تعاونكم معاي
انا احب اسمع كل يوم ابتكارات في الطبخ واكلات غريبه طبعا مسوينها انتو ماابي الكلام المنقول من الانترنت واللي ماتعرف اذا الاكلة حلوه والا لا
ابي كل من يدخل يشارك باكلة غريبه سوتها او شافتها عند وحده تعرفها وتعرف مقاديرها وعجبتها
انا راح ابدي
انا من كم يوم كنت معزومة عند وحدة المهم ماشالله فنانه في الطبخ واكلاتها غريبه
اول طبق عجبني السلطات
تعرفون الخبز الفرنسي الدائري مثل صمون الهمبورجر بس قولي 10 اضعافه هذا هو
فتحت فتحه من فوق وفضت الخبز اللي داخل بس هي على شكلها يعني لها غطا المهم قطعت خبزها فتافيت وحطته على هالسلطة اللي هي
شمندر شرايح طوال+خيار مخلل شرائح طوال+ فلفل بارد شرائح طوال+روب +مايونيز تخلطونهم مع بعض بس ماتصير الروب واجد لايعني شوي مثل الصلصة وطبعا خلطت معها فتات الصمون وبعدها حطتها داخل الصمونه الكبيرة وسكرتها وتقدمها جذي
صرااااااااااااااحة رووووووووووووعة لما ذقتها
السلطة الثانية
تسلقين بطاط وبعدها تقطعينها مكعبات وسط وتسلقين خضرة مشكلة (جاهزة بالجمعية اللي هي بازلا وجزر) تسلقينها وتصفينهاتجيبين صحن فرن صغير لانج راح تقدميه بهالصحن تحطين البطاط المكعبات مع الخضرة المشكلة وفوقها كريما حمره ومكعب ماجي واحد وتدخلينه الفرن بس يتغير لونها تطلعينها ماتاخذ 5 دقايق
وتقدم بصحنها
كذلك صحن فرن اللي هو للتقديم كذلك
يكون فيه بطاطا مسلوقه ومقطعه مكعبات وزهرة مطبوخة وطماط وباذنجان طبعا مقلي كل هذولي تحطينهم في مقله مع بعض مع شرايح بصل وكزبرة خضرا وشوي فلفل اسود وملح وبهارات شوي لما يمتزجون مع بعض نحطهم بصينيه الفرن ونجيب كيس عادي يكون فيه مايونيز مع جبن قلاص كرفت خالطتهم مع بعض وتحطينهم بهالكيس وفيه فتحة صغيرة من تحت (مثل الحلويات)وفوق الصحن نسوي مثل الشبكه خطوط طول وعرض شوي مفرقين عن بعض وتدخلينه الفرن لما يتحمر من فوق
وتقدمينه مع الخبز
هذي اللي عندي وانشالله اي شي جديد اعرفه وغريب بقولكم عنه
بس ياليت مشاركتكم معاي :flower:
المقادير لكل كوب فراولة مقطعة1 كوب سكر انا استعمل الميزان لكل كيلو فاكهة 1 الكيلو سكر اقطع وبعدين اغطية بالسكر واتركة ليلة حتى تخرج السؤال
اضعة على النار مع السؤال حتى يغلي وبعدين اوطي على النار واعصر ليمونة واحدةنعرف درجة الاستواء عن طريق وضع كمية من المربى في الصحن اذا لاحضنا ان المربى ثقيل يعني ما يتحرك زي الماء يعني نضج
نعقم الزجاجة بالغليان في الماء الساخن وتجفيفها تماما نسكب وهو ساخن حتى تتم عملية التعقيم
ونقطي وصحتين
للعلم الله يجزي جارتنا السورية يوم كنت في سوريا السنة الماضية علمتني الطريقة
شكرا على مشاركتج وانا احب الفراولة وبجربها انشالله :flower:
الطريقة
نأ خذ اللحم المفروم ونبشر عليه البصل والفلفل الرومي وفص ثوم وحبة طماطم ونضع عليه البقدونس المقطع والبهارات وبيضة واحدة وبقسماط ( فتات الخبز ) نعجن المقادير مع بعض ونشكلها كور بعدين انشكها في اسياخ خشب ونحطها في صينية مدهونة وندخلها الفرن لين ماتحمر
وسويت بطاطا مقلية وسويت حلى الباونتي واليكم طريقته
نخلط 2 ك جوز الهند مع نصف ك سكر و1ك ماء و3 ملاعق حليب بودرة ونصف م بكنج بودر و2 ملعقة طحين مع بعض ونضعه في صينية مدهونة وندخله الفرن حتى ينضج ويتماسك
نخرج الصينية حتى تبرد ونصب عليها خليط الشكولاتة وهو عبارة عن 3جالكسي سادة مع علبة قشطة مذوبين في حمام مائي
وعسى ما طولت عليكم حبايبي وعليكم بأ لف عافية:dd::shy:
الطبخات اللي عندي كثيرة خاصة اني مااحب الأكل الخليجي مرة يعني احب انوع يوم ايطالي يوم صيني يوم هندي
بس وقت مافيه للطبخ
يادوب مرة وحدة في الاسبوع او بالكثير 3 مرات في الشهر !!
امووووووووت عالمحشي نفسي متي ماشتهيته على طول اسويه
شكرا لمشاركتج
شكرا على الاكلة والحلى باين انه حلو بالبونتي
راح اجربه
شكرا لمشاركتج
شكرا لمشاركتج بس الله يعين منو اللي يطبخ
ماحب اكل الخدم والمطاعم من فترة لفترة
بس الحمدلله كل يوم الغدا من بيت اهلي يعني كله اكل بيت … رمضان غير اطبخ كل يوم حتى لو شي بسيط واوديه بيت اهلي نفطر هناك
رغم اني طباخة درجة اولى ( مو امدح نفسي ناس كثير تشهد لي ) بس الغدا ما عندي وقت اسويه لان دوامي غير دوام زوجي
بس الحلى والكيك طول الاسبوع متوفر في البيت لاني احب تحضيرها وما تاخذ وقت