انا جايبله شوربه عدس بس طعمها خطير داغير كمان الفيتامينات اللى فيها
يلا نبدا
المقادير /
عدس اصفر اى كميه حسب احتياجك ممكن ربع كيلو
5فصوص ثوم كبير ه كامله
حبه طماطم
جزرة كبيرة او اتنين صغيرين
اى نوع شوربه
ملح وكمون بس
بصله مبشورة
5معالق زيت ذرة
شوفتوا مقاديرها سهله ازاى
الطريقه
نغسل العدس كويس وبعدين نحطه فى وعاء ونضيف عليه الشوربه و باقى المكونات ما عدا البصل والزيت ونضعه على النار لحد لما يستوى العدس وبعدين نسيبه لما يبرد ونضربه فى الخلاط الكهربائى وبعد كده نجيب بصله مبشورة ونحمرها فى شويه زيت ذرة لحد ما تدبل يعنى ماتسيبوهاش تحمر اوى يبقى لونها دهبى كده ونضيف عليها العدس اللى ضربناه فى الخلاط ونسيبها تغلى لحد ماتوصل للتقل اللى انتوا عاوزينه لو عاوزنها شوربه خفيفه اغليها مرة واحدة بس ولو حسيتى انها تقيله اوى بعد الضرب فى الخلاط زودتيها شوربه وبعد ماتخلص صبيها فى الاطباق وزوقيها بشويه بقدونس اخضر او كسبرة خضرى على الوش
وبالهنا والشفا على قلوبكوا
اه علفكرة لو عاوزينوا يبقى دايت بلاش اخر خطوة يعنى بلاش تحمرى البصله وكده ممكن تتشرب علطول بعد ماتنضرب فى الخلاط وصدقونى بتبقى حلوة اوى بردو
والله يعطيكي العافيه
جاري التقيم
شكرا على الوصفه غاليتي
((اسيره الغربه )) سابقا