انا بأذن الله رايحه لمصر بعد اسبوعين زوجي عنده دوره هناك
مدتها اسبوعين F:
بس انا محتاره ودي اترك بنتي اللي عمرها ثلاث سنوات وشهرين عند امي
وزوجي رافض يقول مااقدر قلبي مايطاوعني
انتم بشنوو تنصحوني
مع اني مااقدر على فراقها ماعندي الا هي بس حابه اغير جووو وااخذ راحتي
لاني امررر بفترة برود بعلاقتي مع زوجي احس اننا بعيدين عن بعض
لاتبخلون علي بنصايحكم واللي تأيد فكرة اني اخلي بنتي تقولي كيف اقنع زوجي لانه عنيييييييييد:mad:
انا براي انج تاخذين بنتج معاج انتي تبين تستانسين ولا تقعدين تحاتينها وتفكرين و هذا غير تائنيب الضمير انا بقولج على شغله صارت معاي انا في يوم من الايام صار عندي ظرف فكنت مضطره اني اسافر واخلي بناتي عند ابوهم لمده اسبوع وكان اعمارهم 3 و 4 سنوات الحين اعمارهم 7 و6 سنوات لليوم يذكروني اني رحت وخليتهم عند ابوهم وانا الله يشهد علي اني ماخليتهم عشان استانس بس حكمتني ضروفي اني اسافر وانشالله بعد ما تنعاد واخليهم بروحهم لا عند ابوهم ولا عند خوالهم ولا عمامهم الي يصير علي يصير عليهم
صدقتي لو مااخذتها معي بقعد احاتيها بس بكون متطمنه انها عند امي
بس بيضيق صدري عليها وبشتاق لها لاني اول مره اخليها
وبنفس الوقت بدونها بيكون جوي غيرررر لانها هي دلوووعه وبتكون ماخذه الجوو كله فهمتووو 
هذا وانا واثقه برايكم وناخيتكم 
وبعدين انا اشوف وجودها مهم بينكم وصدقيني حاولي تتقربين من زوجك واهي بينكم
لان بكرة ربي بيرزقكم غيرهم فشلون راح تتصرفين لازم ماتخلين وجود الاطفال حجة ببعدكم عن بعض ( صارت فوزية دريع ) وانشاءالله تتهنون بسفرتكم وترجعون بالسلامة .
اقصد ملكه خخخخخ
والله رايك سديد اخاف زي ماقلتي اذا فقد وجودها هناك يعاتبني وانا مو ناقصه
سلكتي حبيبتي
بس مشكورين