مرحبا يحلوووين
اليوم يبتلكم شيش طاوووق((بطريقتي الخاصه))
يالله نبدأ بسم الله
المقادير
مثل ما انتو شايفين بنحتاج
صدور دجاج وبصل
وطماطم فلفل أخضر
ثوم وليمون
و
البهارات وهي عباره عن
بزار وبزار البرياني ((اشوي مب واايد))
اشويه من بهار التندوي وحاسبو لانه حاار
ملعقه صغيرة ليمون اسود مطحون((لومي يابس ))
صلصه طمام وروب
زيت الزيتون وصويا صوص
اشويه زعتر بري ونعناع مجفف مطحون
يالله نبدأ بسم الله
نقطع الخضار الى قطع كبيرة اشوي وسميكه
مثل ما بنشوف الحينه اول شي نبدأ بالبصل
مثل ما شفنا قطعناها اربع قطع وبعدين ..
انفككها بس لازم تكون سميكه عشان ماتتقطع فالفرن واطيح من السيخ
والحينه دور الطماط
بنفس طريقه البصل بس انشيل اللب
وهني شلناه خلاااص
والحين الفلفل الاخضر
وهذا بصورة أقرب
وهني خلصنا الخضار
نكمل
نقطع صدور الدجاج مربعات سميكه بالمقص وانا استخدم المقص لانه يخلي الدجاج متماسك اكثر ومتساوي فالحجم
وهذا شكله
وهني بعد
لاحظو السمك والحجم
وهني خلصنااا التقطيع
نحط البهارات على الدجاج
وبعدين الصلصه
بعدين زيت الزيتون
وبعدين الصويا صوص ولاتكثرون مقدار ملعقه او 2
بعدين الثوم نبشره
وهني بشرناه
وهني حطيناه خلاص
وبعدين الليمووون (نعصر نص ليمونه)
وهني نعصرها مسكينه
نخلط المقادير مع بعض مثل مابنشوف
وبعدين
نضييف الروووب
وهني خلطنا المقادير عدل مدل يفضل انه انبيت التتبيله ليله كامله بس اذا مافي وقت اقل شي نص ساعه
وبعد مرور المده المطلوبه نجهز الشيش للفرن ههه
اول شي نحمي الفرن على 450 ف
وبعدين
انرتب الصينه اللي بنحتاجها
وهاذي هي
انغطيها بقصدير
وبعدين ندهنها بالزيت عشان مايلصق الدجاج
هني دهناها خلاص
نبدأ انجهز الاعواد الخشبيه
اول شي نحط البصل
بعدين الدجاج
وبعدين الفلفل
وبعدين الطماط
وهاي الاعواد جاهزة (انتي حرة فالترتيب وممكن تضيفين شي او تستغنين عن شي)
نحطها فالفرن لمده 30 دقيقه ونقلبها على كل جهه عشان يحمر
وهني الشيش طاوووق بعد ما خلص
نيي للرز الايراني
المقادير
3 أكواب رز و 3 ملاعق ملح
ملعقتين زعفران وملعقتين ماء ورد
ومكعبين زبده
نبدأ
اول شي نغسل الارز ونقعه في ماء حار لمده ساعه او ساعتين
بعدين نغلي ماء حار بصراحه انا ما اتزمت بمقادير الماء
نضيف الملح
نتركه إلى ان يغلي وبعدين نضيف الرز
هني الماي غلى خلاص
وهني ضفت الرز ونخليه يغلي 3 دقايق فقققط ونصفيه على طوووول
وهني خلاص مرت ال3 دقايق وصفينا الارز
بعدين ناخذ ملعقتين صغار زعفران
وننقعهم في فنجان مع ملعقتين صغار ماء ورد
هني ضفنا ماء الورد
وهذا شكله نتركه على جنب
ناخذ كوب ماء ونحطه في الجدر
ونضيف له معكبين زبده وهو ساخن وبتسمعينه يبقبق
وهني ضفناها ((انوطي على النار وتكون هاديه من نحط الزبده اللين نخلص الرز عشان مايحترق))
نتركها تذوب وبعدين نضيف الزعفران المنقوع في ماء الورد
بعدين نضيف الرز
نرتب الارز في القدر
وبعدين نحفر بالملعقه الخشبيه في النص ونشيل الرز ونحطه على الاطراف مثل مانشوف فالصورة
وهني حفرت خلاص
نغطي الجدر بالغطاء ونحط فوطه عشان نحافظ على البخار ويكووون على ناااار هاديه لمده اقلها 20 دقيقه
وهني الرز خلص خلاص لاحظو الوانه وريييحتتته تتجنن
هني الصورة بعد ماغرفته
وهني الشيش طاوووق والارز
وهني اقرب
هني وعااافيه
😮 حبيباتي ترا الموضوع من جهدي الخاااص والموضوع متعوب عليه بلللييييز اللي حابه تنقله تذكر المصدر وهو منتدانا الغالي منتدى عروووس ولها مني احلى دعوة ..
والله الوصفة كثييييييير سهلة وطريقتك في التنظيم والترتيب كثير رائعة وحلوة
تسلم ايدك مفتاح قلب بسويها ان شاء الله ونحط التطبيق 
قريبا
الله يعطيكى الف عافية يارب
وتسلمى على الوصفة الرائعة الجميلة
وتستاهلى احلى تقيم ولكن الميزان رفض
واااااااااااااااااااااو
مشاء الله عليكي حبيبتي طريقتك كثير رائعة وسهلة
ومرتبة وانيقة
تسلم الايادي حبيبتي
ومن يد ما نعدمها يارب
وتستاهلي احلي واجمل تقييم لموضوعك ا الشهي جدا والمميز
مشاء الله عليكي حبيبتي طريقتك كثير رائعة وسهلة
ومرتبة وانيقة
تسلم الايادي حبيبتي
ومن يد ما نعدمها يارب
وتستاهلي احلي واجمل تقييم لموضوعك ا الشهي جدا والمميز
ماشاءالله ررروعة
يعطيك العافية على هالوصفة
الله يسعدك ويحفظك يارب
تسلم يدج
شكلها روعه
شكلها روعه
تسلمى على الوصفة الرائعة الجميلة
ماشاءالله روووووووووووعة تسلم ايدك ياعسل
يعطيك العافية ع الطبق
احب الاطباق الايرانية .. حبيت طريقة الرز مرررة
احب الاطباق الايرانية .. حبيت طريقة الرز مرررة
يعطيك العافية بس عندي سؤال نص ساعة في الفرن طيب اولع الفرن من فوق بس او من فوق وتحت ؟