واريد الاستفده من خبراتكم في كل شي .
من ناحية الخدمات والايدي العاملة الافضل منها والارخص .
ومن اين اجهز المشغل حتى يكون اقل تكلفة.
واللي عندها اي اقتراح لنجاح المشروع لا تقصر ولها دعوة باذن الله من الحرم النبوي .
<< اكبر شي عقدني
واذ عندك باذن الله باساعدك بكل شي
اه يانوتيلا ذكرتيني بالايام الخوالي
ايام افتح الثلاجة واجلس اكل شوكلاته نوتيلا اللي اعشقها,
اولا انتي من وين ؟
انا ياقلبي حاخذ دورة خياطة بنفسي قريبا ,,
والمشروع ابغى ابدأ فيه بعد سنة من الان ..
لذلك جالسه استعد بدري ..
بيني وبينك كثير يحبطوني ويخوفوني من الفشل , وكثير يؤيدوني ويشجعوني خاصة اني عندي شهادة تجميل وشغلي في المكياج والتساريح مرررره حلو ,
ولكن ,, مهما احبطوني احس انه الشغل الحر هو الافضل ,, والمشغل بالذات هو الانسب لي ولهوايتي ,,
ياليت تفيدني بكل ما تعرفينه
من طقطق الى سلام عليكم .
فينكم يا صاحبات المشاغل
1-انا احب الاستايل المودرن في الصالونات اول شي حددي انتي وين بتفتحين محلج شقه اوفله او في بيتك وهذي انا اشجع عليها خصوصا اذا كان عندج كراج كبير لسيارتين تقدرين اتضيفيين معاه غرفه وتبينيه واكون لك مشغل ليش في البيت لان هشي بوفر عليج اجار وكهرب ومصاريف سجل وخلافه
2- صبغي الصالون لون واحد ابتعدي عن الزركشه والرسومات لان تقلل من شكل الشي اختاري لون هادى وغامج بس مو غااااااامج وايد لا مثلا بني محروق او بيج داكن او بطخي غامج شوي لان هذي الالوان راقيه الكرسي اختاري الون الساده ابتعدي كل البعد عن الجلد والمزركش والمذهب ( انا اقصد كراسي الانتظار ) اختاري المخمل او الشمواه والامر راجع لج
3- الطاول الي امام كراس الانتظار اختاري شي من 2 يا كامله جزاز مايدخل عليها حديد مطاوع لان اكره الطاوله واذكرني بعيادات الاسنان او خشب عريض الي ابيعونها في اكيا الي الونها غامجه واتي دورين مفتوحه
4- مرايا الزبائن ركبي المرايا الي النص وركبي رف من ايكيا نفس الطاوله اكون الرف عريض وطويل نوعا ما
5- الكراسي لاتبتعدين عن الوان الصالون واذا ماحصلتي اختاري اسود
6- حطي قسم للكوفي والمعجنات كأن كوفي شوب صغير بكون شكله راقي وفخم مثلا طاوله قرب الجدار عليها كب كيك في صحن بغطاء نفس استايل كوفي شوبات لندن والاكواب وسخان الماي الحار وقائمه بالاسعار محطوطه بشكل حلو ومغلف واكياس النسكفي والموكا والشاي
7- كونتر الحساب ااحلى تكون طاوله رفيعه وكرسي طويل وعليها باقه ورد صناعيه بس راقيه ويمها شويه زروعات فرش
8- الستاره انا افضل تحطين بلاك اوت فوقه شفون مشجر راقي وابتعدي كل البعد عن الكرستالات والازياج او اختاري الستائر الخشب تبع المكاتب بتكون راقيه وبتضمنين ان اهي ماتنزل الي الارض وتلصق فيها الاوصاخ
هذي الافكار الي تحضرني حاليا واذا تبين ارسم لج خريطه توضح الشكل انا حاضره
لكن اخاف ان ما استلم الرد مالج فطرشيلي على الخاص
اتمنى لك التوفيق من كل قلبي ولا تعيري اي انتباه لا ي شخص يكسر من عزمك ويقلل من قيمه عملك فلكل شخص عمل وعلى الله رزق الجميع والافضل انك تقومي به في شبابك لكي لاتتحسري في شيخوختك على ضياع حلمك وطموحك
اختك
ام ابراهيم
ماقصرتي والله واذا عندك مزيد منك نستفيد
لو عندك صور ديكورات ترشحينها يكون بعد ازين
انا شغلي الحمد لله وايد حلو ولي زباين ماشاء الله سمعتي طيبه بينهم بس
ما عندي خلفيه عن اعدادات البودي كير وماهي الخدمات اللي اقدمها مع خدمات تجهيز العرايس,
اتمنى الكل يفيدني وجزاكم الله خير
نرجع لاسفتسارك على البدكير منكير اختي ممكن الواحد اسوي الكثير من الافكار في مشغله لكن يعتمد على المساحه والميزانيه يعني ممكن تحطين قسم من 4 كراسي باحواضهم وفي كل قسم من 4 كراسي كل اغراض المنكير وكل الالوان والمساجات ( افضلل حددلي المساحه والميزانيه وانا باقترح عليج شغللات مختلفه احسن )
اما العرايس اووووووووووووووووووووه بحرهم غزير والخدمات غير محدده
مثلا
1- حفاف الجسم كامل ماعدا العوره ويمكن الحفافا بالوكس او بالحلاوه القديمه مع اعاده الحفاف بالخيط لضمان النظافه اكثر وهذي الخدمه سمعت عنها من فتره بس ماشفت احد يعملها وعجزت ادورها في زواجي ماحصلت ولما طلبتها ماعملوها بضمير كانت بس جذي من اجل ارضائي
2- حفاف الوجه وتشقير الحواجب
3- عمل مساج لمده نصف ساعه لكل عروس لضمان راحتها واسترخائها
4-عمل منكير بدكير معا اضافه لوشنات لترطيب اليدين والرجلين
5-حمام مغربي بالخلطات المغربيه والصابون
6- صبغ شعر و قص او ريلاكس او يوكو على حسب طلب الزبونه
7-علاجات الشعر مثل الخلطات والصبار لفتره معينه قبل موعد الزواج بشهر مثلا
8-فيشل وتنظيف البشره وفتح المسام
9- وازاله النقط السوداء من الانف والذقن
10-تبيض المناطق السوداء
# تجهيزات الصالون لاتنتهي اختاري الي تقدرين انك تعملينه كبدايه واهم شي استعملي منتجات ذات فعاليه وابتعدي عن التقليد او المنتجات الي تأدي الغرض لفتره محدوده لان مع الوقت سيمز الزبائن نوع المنتجات واقارنها بالصالونات الثانيه
# اهم التفاصيل اهتمي فيها من ناحيه الخدمات والعروض ولاتجعلي نفسك عرضه بان يقولو انها تعمل اي شي علشان الفلوس لان مهما الواحد اجتهد وحاول اقدم شي ممتاز لازم تجيك زبونه وتقولج والله انا جايه بفلوسي
# اختاري الموضفات من جنسيه الفلبنيه للمنكير بدكير وهنديه للحفاف فهم مشهورين بهلاشياء اما الاثيوبيات ممكن اكونو قليلات ادب لما يكثر الزباين او تصير فوضى والنيباليات بااااااااااااردين يمكن الواحد اموت واهي للحين ماوصلت الكرسي
# الاناره اهم شي الاناره لاتكون ساااااااااااااااااااااااطعه او منخفظه الثريات وليتات الجانبيه يعطي المكان رقي وفخامه مهمه وقسم حفاف الوجه لازم اكون سبوت لايت موجه عليها من اجل رؤيه اوضح
# المجلات والجرائد اليوميه تلفزون بلازما بقنوات جديده مثل الشوتايم لتكوني مميزه
اعرف ان العداد يحسب والتكلفه زادت لكن للعلم مو كل شي يجب ان يكون غالي ومن اغلى الاماكن الافكار موجوده والتطبيق يعتمد عليك وعلى حكمتك وعلى مساعده زوجك لان في اشياء ممكن اساعدك فيها لتوفير المادي مثل صبغ الغرف او تركيب الرفوف او نقل الاثاث والموضفات ممكن توفرين كذا بنت سعوديه وتعلمينهم واكونو مستعدين يعملو بالعموله وعدد الزبائين الي يعملوهم في اليوم مثلا تاخذين 40% من ربحهم ممكن اكون ضالم لكن انتي وفرتي لهم كل شي ماعليهم الا الشغل اما بخصوص الصور انا باحاول اشوف كم صوره توضح وجه نظري لكن اتمنى ان يسعني الوقت
بودي اخدمك اكثر والحقيقه ودي اي اشوف الصالون لما يجهز وابعث لك باقه ورد لكن المسافه والجسر يمنعوني عنك
واي شي انا في الخدمه
اختك ام ابراهيم
 |
اقتباس |  |
 |
| بودي اخدمك اكثر والحقيقه ودي اي اشوف الصالون لما يجهز وابعث لك باقه ورد لكن المسافه والجسر يمنعوني عنك
واي شي انا في الخدمه |
||
 |
 |
خدمك المال والبنون يا ام ابراهيم
وان شاء الله اكيد بتزورين المدينة المنورة
ومافيه شي بعيد نتقابل بالحرم او تشرفيني ببيتي
الف شكر حبابه الله يجزاك خير ياقمر