شخباركم جميعاً
حبيت افتح موضوع نتكلم فيه عن صباحية العرس..
شنو الوحده تلبس اول ما تقعد من النوم .. وهل العصر او المغرب تروحون الصالون او شنو؟؟
واي الالوان احسن للثياب؟؟وكم جلابيه تشتري للمبارك لان البعض ما يشترون كثير جلابيات
والبعض يحاسب ان الفترة اللي بعد الزواج بيكون حمل فالثياب لازم مانكثر من الجلابيات او
القمصان والبانطلونات..شرايكم؟
وشنو تلبس العصر ومتى تقعد مع الحريم اللي يجون يباركون لها..
ومتى تنزل وخاصه اذا كانت تعيش مع اهل زوجها..
لان اللي اشوفه ان حماتي وخواتي بعد العصر يكونون متمكيجين ولبسين جلابيه ومشمر اخضر
وطقم الذهب ومتعطرين ومتبخرين ..وقاعدين والناس تجي تبارك..
واني خاطري بصباحية ساحره..وحلوه وتنذكر من اجمل لحظات العمر..وخاطري ان كل اللي
يشوفوني وهم جايين يباركون ينسحرون ويحسون ان صج عروس..
يعني ابغي من اول ما اقعد من النوم واسبح واقعد زوجي لحد بالليل شنو نسوي بهاليوم؟؟
وين يكون الغدى..هل نطلع نتغدى برى وعقب امر الصالون وارجع البيت البس جلابيه واقعد
مع النسوان اللي بيجون..؟
واذا عندكم تجارب خبرونا خلنا نستفيد .. او اذا شفتون احد خبرونا..
واذا عندكم افكار فيدونا..
وخلنا نتكلم بهالموضوع عن الصباحية وندردش مع بعض ونفيد بعض..
يعني اني بحط اللي اعتقده و ماادري صح او غلط .. وضيفوا لي وخبرونا عنكم..
الصبح..بعد ما نصحى من النوم..نسبح..ونتعطر باي عطر نحبه..ونتبخر
عقب نلبس فستان حلو وخفيف..
ونتمكيج بشكل ناعم
وعقب نلبس الاكسسوارات..
وعقب اقعد زوجي..عشان يسبح..واروح اسوي له الريوق..
..او شنو اللي يصير او شنو الاحسن برايكم؟
ولما نتريق ..ونكمل يجي وقت اللي ننزل فيه حق القعده للمبارك..
والعصر ..تنزل مع اهل زوجها مثلا وتلبس جلابيه حلوه وفخمه وتلبس الاكسسوارات او الذهب
وتمكيج نفسها بشي خفيف وتسشور شعرها..او انها تروح الصالون العصر بعد الغدى
ولما ترجع تلبس الجلابيه والاكسسوارات وتتعطر وتنزل تقعد مع الحريم اللي بيجون يباركون
بالليل..في حال انها ما طلعت مع زوجها..تقدر تروح بيت ابوها وتقعد بعد لان اكيد فيه ناس
بتجي بتبارك لها ..وعقب تلبس لبس الطلعة و تطلع مع زوجها على البحر او يتعشون بمطعم
يلا شاركوني..انتظركم
واذا عجبكم موضوعي..قيموني..
اني مومتزوجة بس اعودلي زوج صاح ان شاء الله
تستاهلييين التقييم حبيبتي
انا من السعوديه تحديدا من جده
وعاداتنا تختلف ولكن بقولها لك عن نفسي وش بسوي يعني
احنا العرس مايخلص وتوصلين البيت الا الشمس طالعه ياكافي خلاص صباح مشرق
يعني يادوب تشيلين ثوب العرس وتلبسين روب نوم وتاخدي دوش وتطلبو من الفندق الريوق
ونووووووووووووم للعصر ….لاننا ماعندنا مباركيه الا في بيت ماما ومو ثاني يوم يمكن ثالث يوم لان الناس تعبانين …
والعصر نصحى وناخد دوش والبس واتمكيج والبس لبس شيك فستان كيوت كدا فساتين بيت ناعمه
واستشور شعري واتعطر
ونجلس سوى الين المغرب فالفندق طبعا …الدنيا شمس مانخرج
وبعد المغرب نخرج نتمشى …
ونرجع
طبعا اهلي ماروح لهم الا ثالث يوم بعدها الغالبيه اسلم على اهلي واهله ونسافر شهر العسل
طبايع البنات والعوايل تختلف بس هذا الدارج بجده
[/SIZE]بس استأذن عشان يأكل الحمام والعصافير اللي يربيهم
محد يأكلهم حتى في صباحيتي وهم في ذمته والجو حار تاريخ 8/8/2008 بعدين اموت علينا يعني
و عقب ما رجعنا سويت حفل أستقبال ..
بس تره موضوع الصباحية و ان الناس اتيي دايركت ثاني يوم العرس تبارك .. هاي شي اعتقد انه اندثر و اذا انوجد فانه يكون قليل كلش .. !!!
بس عن اللي ما يسافرون عقب العرس أو اللي يسكنون مع اهل زوجهم .. فأنا سمعت من صديقاتي ان يلبسون جلابية راقية وقت الغدا .. أو أي وقت لما يصحون من النوم .. و في منهم اللي قالت انها ما تحب الجلابيات و بتلبس فستان ناعم ( لأن زواجها قريب ) .. و يمكن أمها و خواتها اييونها البيت بس ما بيكون مبارك ..
انا مع اخت بحرينيه حلوه في كلامها الحين مافي صباحيه عرس ان اييون ناس من الصبح ويباركون اصلا العروس تنام الى العصر فتروح الصباحيه
رووووووووعه
والمغرب خلااااااااص تعبت واحس راسي بدا يعورني ركبت شقتي وريحت شوي وشربت بندول وعقب طلعت مع زوجي في الليل نتعشى