طبعا كثير منا يعرف فوائد زبدة الشيا للبشره وشلون انها تقلل وقد تخفي الخطوط البيضاء اذا استمريتي عليها
وانا والله بحثت عنها كثر لحد ما توصلت ان افضل حل للخطوط هي خلطه زبدة الشيا مع زبدة الكاكاو الي يسمونها خلطه الزبدات
وطبعا بالبحرين ما في محل يبيعها بيور الا محل لوكستيان ولما رحت شفت العلبه صغيره وسعرها 19 دينار يعني غالي وما يسوى صراحه
فكرت وفكرت ودورت على تاجره تبيعها بالبحرين بس ما لقيت
سويت طلبيه من تاجره بالكويت يعني علبه زبدة الشيا علبه زبدة المانجا علبه زبدة الكاكاو واخديت منها حبه صابونه السوداء الاقريقيه وماسكرا تطويل الرموش
المهم طلعو علي مع الشحن 40 دينار كويتي اي ما يعادل مع رسوم الحواله 56 دينار بحريني
دفعتهم وقلت ما عليه اهم شي اتخلص نهايئا من الخطوط البيضاء طبعا بعد كم يوم بيوصلني الطرد
المهم اليوم وانا ابحث بالنت طرا على بالي ادخل موقع الامازون اشوف يعني طريقه التسوق واشوف وش عندهم وانا داخله الموقع طرا على بالي زبدة الشيا وجان اكتب شيا باتر بالانجليزي ويطلع لي انواع واشكال واحجام كبيره وصغيره اتصدقون اني انصدمت من الاسعار رخيصه مره مره ومسوين عرض:
(( علبة زبدة الشيا تعادل اربع علب من الي يبعونها التاجرات ، 4 علب من صابونه السوداء ، زيت الشيا علبه واحده)) = 35 دولار يعني 35 دولادر كم يعادل بحريني اقل من 15 دينار قولو مع الشحن يمكن يوصل 30 دينار .
يعني وين السعر الي يبيعون فيه صراحه فوق فوق الله يسامحهم بس صحيح الواحد ياخد ربح لكن بالمعقول مو جذي اضعاف الاضعاف
اتمنى من كل تاجره قبل لا تفكر في الربح تفكر في الحلال والحرام وان الربح المعقول فيه بركه ولاحد يزعل مني من التاجرات انا ما قصدت اي تاجره انا بس حبيت اكتب الي بقلبي لما شفت اسعار المنتجات بالموقع وشكرا
ويدبلون سعرها
اختي سالي الي في بودي شوب مو زبدة الشيا خام مخلوطه ويا لوشن وكلش خفيفه وما تسوي شي انا شريتها وهذا هي خلصت العلبه من غير اي نتيجه تذكر لانها مو خام مثل الي في موقع الامازون لونها كلش غير الاصليه يا تجي صفراء او تجي بيضاء لان فيه نوعين واثينناتهم ممتازين حتى اذا تبين تشترين كارتون زبدة شيا يعني تقدرين بعدين تعبينهم بعلب بنفسك يطلع عليكي 29 دولار يمكن تكفي ل 20 علبه يعني سعرها رخيص لانها موطنها غانا وغانا اشياءهم رخيصه جدا.
شوفي بكم طلع لي
Item(s) Subtotal: $21.25
Shipping & Handling: $65.24
تكلفة الشحن اضعاف سعر المشتريات
وهاي على البريد العادي يعني توصلج الاغراض بعد شهر او اكثر
وشريتها من تاجره في الامارات تبيها بالكيلو تيبه من افريقا وااايد حلو ومنه بسويلي في كريم …
شريت منها زبدة الكاكاو و شيا
وشكلة الاصلي لما تشترينه
ذبدة الشيا تكون الاصليه مثل اللي في الصوره بس في بعدض المحلات عشان انها مفيده يضيفون مكونات معاها تكون خفيفه واللي في بادي شوب و لوكستيان ابد ما نه فايده
ولاكن لما تشترين زبده الشيايا تشوفين النتجيه وعن تجربه قلت ل ربيعتي ومدحتلها وشرته من تاجره وما شاء الله تحسن وجها ونور وخف الحبوب والاثار
وتسلمين اختي وما عليها كلام ها الزبده واايد مشهوووره عن الافريقان و بناات واايد يمدحووونه انه له فوائد لا تصدق …
وذبد تي على شكلين اللي ما فيها فيتامين E وتكون بيضا و اللي فيها فيتامين E لونها اصفر والاجانت عندهم ها النوع وها للي يبيعونه في النت
مشكووره اختي على الموضوع
اجاني تحذير عايميلي انو ماتتسوقو من موقع امازون لأنو موقع مخصص للنصب والاحتيال
هادا يللي قريتو وحبيت الفت نظر الصبايا