مرحبااااا..
بنات بلييز ساعدوني صديقتي بتولد ان شاء الله على اخر الشهر الله يقومها يالسلامه وما عرف شو اوديلها للعلم اني بزورها بالمستشفى
…
هيه يوم انا كنت والدة يابت لي باقة ورد وااايد حلوة وشوكلاته من باتشي بعد حلوة …
وانا ما اعرف شو اودي لها بلييييز ساعدوني
فيه محلات الهدايا عندهم حركات حلوه لهدايا تخص الاطفال مثلا علبه فيها بلونات طالعه وكذا حركه انتي روحي وشوفي
وانا صديقتي بتولد بشهر سته ومافيه الا بروح لمحل الهدايا
والله يقوم الحوامل بالسلامه
اييش رايج تودين بجامة كشخة للبيبي
و ترسلين ورد أو تودين كاوكاو كشخة
و اذا يابت بنوتة ايش رايج تودين سلسلة ذهب فيها اول حرف من اسمها و سلسلة فيها حرف امها
إذا أول بيبي بإمكانك تاخذين بوكيه ورد صغير وهدية تحتاجها يعني مثلا سماعات للبيبي أو جهاز التعقيم، فأنا أكثر شيء آخذ سماعات للبيبي وكلهم يقولون لي بعدين ماقصرتي على هالهدية وايد أستفدنا منها,,,,
بما انك راح تزورينها في المستشفى فحلو انك تاخذين لها باقة ورد او نبتة صغيرة ممكن تزين فيها بيتها مع شكولاته تحطينه في صندوق طفولي ومزين بشرايط وورد او ممكن تحطين الشوكلاته في رضاعة كبيرة …..مثل هذي الرضاعة اللي يجي فيها طقم العناية للطفل …. وممكن معاهم تودين لها طقم ثياب للطفل او حاجات العناية او ادوات صحية او سلسلة ذهب
والله يقومها بالسلامة
اختي رانيا بغيت اسالج شنو السماعات اللي تقصدينها؟؟؟
ألف شكر لكم خواتي والله انكم ما قصرتوا….