صينية البف باستري بالسبانخ لذيييذه وخفيفه بالصور 2024.

الطريـــقه :
نسلق الدجاج ونفتته ..

بعدين في قدر نحط شوية زبده وزيت ونحمس البصل ..

وبعدين نحط المشــروم ..

ومن عقبها السبانخ ..

ونخليهم على نار وسط لمدة 5 دقايق ..

نحط الدجاج على الحمســــه ..

و الجبـــــــــن..

والقشطــــــه ..

ومكعب ماجي .. انا حطيت 2 لان اللي عندي صغار ..

ها الخطوه ممكن تستغنون عنها انا مرات يوم اكون مستعيله ما اطبقها ..
7 ملاعق طحين + كوب مرق الدجاج ..
تخلطينهم وتظيفينهم للخلطه وتتركينهم على نار هاديه اللين تمتزج الخلطه وتتماسك ..

بعد ما نرفع القدر من على النار نفتح الفرن عشان يسخن و نجهز بايركس مفروش بالبف باستري بها الطريقه ..

بعدين نحط خلطة السبانخ في البايركس ..

وتزينين الوجه بالطريقه اللي تحبينها ..
انا قطعت البف باستري يالطول وزينت الصينيه بها الطريقه ..

تحطينه في الفرن لمدة نص ساعه او اللين ما تحسين انه البف باستري بدا ينتفخ ويستوي لونه قريب الذهبي اطلعينه ..