صينية معكرونة بالبشميل غدا أم هادي اليوم 16 ذي الحجة 1445ه "بالصور" 2024.

المقادير:
– نص كيس معكرونة

الحشوة:
– لحم مفروم
– حبة بصل
– حبة طماطم
– نص حبة فليفلة
– معلقتين صلصة
– زيت – ملح – بهارات

البشميل:
– كاس ونص ماء
– ملعقة ونص طحين
– ملعقتين حليب بودرة
– ذرتين فلفل أسود
– ملعقة كبيرة زيت (هالمرة حطيت بدلها زبدة، وطلع ريحتها تجنن):thumbs_up:
– حبة جبن شرائح (سلايس)

إضافة للطعم:
– حبتين جبن شرائح (سلايس)

الطريقة:
– قطعت البصل لحاله والطماط لحاله والفليفلة لحاله، وبديت حمصت البصل مع كمية زيت حسب الرغبة

– بعد ما تحمص البصل أضفت الفليفلة، بس وقت قصير، عشان يحافظ على الطعم والرائحة

– بعدين حطيت عليه اللحم المفروم، وخليته لحد ما نشف الماي اللي فيه، حطيت عليه الملح والفلفل والبهارات اللي أبغاها، وخليته يتشوح شوي

– لغاية ما نشف اللحم عدل مدل

– حطيت عليه الطماط، وقصرت على النار، عشان يذبل الطماطم وما تبان قطع كبيرة (صورته أول ما حطيت الطماط، قبل ما يذل)

– آخر شي أضيف عليه ملعقتين الصلصة (تعطي طعم لذيذ مع البشميل)

– وخلال ما أسوي اللحم، حطيت المعكرونة على النار عشان تنسلق

– عملت البشميل بالطريقة العادية، وبعد ما خلصت منها قصيت جبنة سلايس وحطيتها معاها، تعطيها طعم مالح لذيذ، وتخلي السطح محمر:thumbs_up:

– وبعد ما ذابت الجبنة في الباشميل

*وصلنا للخطوات الأخيرة:

– خلطت جزء من خلطة الباشميل مع المعكرونة المسلوقة، وحطيت نص الكمية في الصينة

– حطيت عليها خلطة اللحم وفوقها قصيت الجبن الشرايح إلى شرايط بالطول، وصفيتهم على اللحم

– أضفت باقي كمية المعكرونة على طبقة اللحم

– وفي النهاية الطبقة الأخيرة، باقي خلطة الباشميل

– وبعد ما طلعناها من الفرن (هني وعافية) :thumbs_up: