طبقة بيضاء على لسان ولدي اتمنى المساعده 2024.

مرحبا خواتي

عندي مشكلة واتمنى القى عندكم حلها
ولدي عمرة شهر ونص ومعاه كحة وديناه الطبيب
وشاف لسانة ولقى عندة طبقة بيضاء يقول فطريات

اعطاني دوا استعملته ولا راح

وعندة يوم السبت تطعيمة وخايفة صراحة من الدكتور
يقول لسه
خايفة من ردة فعل ابوه لانة عصب لما قال لنا الدكتور

سؤالي
في وحدة من الاخوات واجهة نفس المشكلة ؟
شنو سويتي بعدها؟
ابي حل ساعدوني:confused:

هذي مشكلة واردة مع كل الرضع عزيزتي لا تخافين .. !

استمري على الدواء ..

و انا كنت بعد كل رضعه ابل قطعة شاش نظيفة بماء ساخن و امررها بخفة على لسان ولدي حتى امنع تجمع الحليب اكثر و تكاثر الفطريات .. !

الله يشفيه ان شاء الله

مشكورة يالغالية
بسويها وانشاء الله مايتألم

حبيبتي اول شي ماكو داعي ابوه يعصب لان هذا الشي يصير عند كل الرضع تقريبا يعني ماكو داعي للخوف

انا صارت للولدي و قمت انقع عود الاذان بماي اللي فيه غازات و احطه راح تشوفين شلون تتفاعل و تنزل بعد 5 ايام

بالتوفــــيق

سلاام عليكم جميعا

الله يشافي ولدش انشاء الله

عادي لاتخافين اختي هذي عادي تصير عند الاطفال

ولدي مثلا صاده ووديته المستشفى وقالوا حقي بعد انه متجمع عنده فطريات من الحليب من بقاياه من بعد كل رضعة وعادي و بس نصحوني امر عند الحواج وآخذ من عنده ( خيار الشمبر )
هاي مجر د انش تفتحينه واللي داخل اتشيلينه وتنقعيه في ماي صحة واتخلينه ليما يصير لونه اشوي قريب حق

لون الشاي وتآخذين كلينكس او حتى بالسبابة وتمررينه على لسانه وانشاء الله بيروح بإذن الله وبتشكريني

اختي بعد وهذا عادي مايضر الاطفال سمعي نصيحتي وأخذيه ومابتندمين

تحياتي لكم خواتي

الغاليه لهالسبب دكتور الأطفال دايما كان يقولي بعد كل رضعه حتى لو كان نايم خذي ملعقه صغيره بها ماء و صبيه بحلجه .. هذا يغسل الفم من الداخل و يقلل تراكم الفطريات ..

و مثل الي قالت احدى الخوات انج تبيلن قماش بماي و تمسحين اللسان ترى بقولج لا تستهترين لأن لو زادت الفطريات بتعوره و بيتم منزعج و يبكي …

الله يشفيه..

انا مع الاخت توتا..
خيار الشمبر وايد زين….
انا استخدمه لولدي ..

وبعد كل رضعة اعطيه شوي ماي عشان ماتتجمع الطبقة..

وبعد تقدرين تاخدين قطعة شاش نظيفة وتحطين فيها دهن الزيت شوووووية وتمسحين به لسانه…

والله يشافيه ان شاء الله..

اقتباس

المشاركة الأساسية كتبها ام حمود وبرور

	انا مع الاخت توتا.. خيار الشمبر وايد زين…. انا استخدمه لولدي .. وبعد كل رضعة اعطيه شوي ماي عشان ماتتجمع الطبقة.. وبعد تقدرين تاخدين قطعة شاش نظيفة وتحطين فيها دهن الزيت شوووووية وتمسحين به لسانه… والله يشافيه ان شاء الله..

طبيعي والعرايس ماقصرو