في وايييييييييييييييييد بنات مشغلهم الزواج وكل وحدة تبي اتزوج ومن بينهم انا وهذا شي طبيعي بس كل وحدة وشطارته هذا بالاضافه الى الدعاء
وعشانكم غاليات علي يا بنات احلى منتدى في النت بقولكم الخبرة الي سمعته وشفته من البنات شلون انخطبواوشلون جذبوا النظرحقهم
اولا:خليج دليم كشخه ومرتبه ومتعدله اذا يوكم ناس حتى لو كانوا جيرانكم او اهلكم مو نفسي انا اييهم والكشه لها ثلاثة ايام ما تمشطت
ثانيا: خلي صوتج واطي وياله ينسمع وكله نادي الحريم خالتي من باب الاحترام يعني ولا تقعدين تضحكين فاجه الحلج 24 ساعة مثلي جني راديوا لندن
ثالثا :خليج دايم رزه وين مارحتي ووين ماييتي يعني وجودج مش كعدمج
رابعا:خلي الناس يولهون علي سوالفج يعني مو انتي الي ديرين مجالس الحريم
خامسا:البشررررررررررررررررررررررررررررررررررره الصافيه ترى وايد مهمة
سادسا :الثقل يا بنات في وحدة من ربعي كانت وايد تتقرب من مرة عندها ولد راعي منصب ومتعلم يعني كل ساعة تسولف عليها وتونسها وتقطع لها لخضره وفي النهايه خطبوا بنت عم هالبنت الي تنطبق عليها كل الشروط الي قلتها لكم
سابعااا: الحشمه موتتفسخين في الاعراس
ثامنا :اذا مدحج احد موتطلعين جنج ما شفتي خير اول مره احد يمدحج اكتفي بابتسامة مو انا اقولها سج شكلي حلو
تاسعا: كوني وايد رسميه وخلي الدلع باين فيج
والي عندها بعد افكار تطرحها عشان الكل يستفيد
وفي النهاية كل شي قسمه ونصيب وهذا ما يمنعكم انكم تاخذون بالاسباب
 |
اقتباس |  |
 |
| سادسا :الثقل يا بنات في وحدة من ربعي كانت وايد تتقرب من مرة عندها ولد راعي منصب ومتعلم يعني كل ساعة تسولف عليها وتونسها وتقطع لها لخضره وفي النهايه خطبوا بنت عم هالبنت الي تنطبق عليها كل الشروط الي قلتها لكم | ||
 |
 |
هههههههههه يحيلها الله يرزقها باحسن منه
انا برايي انه كل وحده تكون ع طبيعتها احسن بس ما تاخذ راحتها وايد وتعرف تميز بين قعدة الحريم والقعده البنوتيه
واللي يبيني يبيني مثل ما انا ما اتصنع شي واللي ما اعجبه اكيد ما يستاهلني خخخخخخ وايد واثقه من روحي جنه من طول صف الخطاطيب اللي واقف عدال البيت D:
الموضوع حلو تسلمين يا نور قطر ، وأشارك أختي بنوتة مسقط الرأي :cool2::cool2:
بنوته مسقط انتي جنج انا واثقه من عمري وايد
ام المهند سلمين والله يخليلج مهند
والكلام اللي قلتينه بالفعل صحيح
وعلي الانسان الاخذ بالاسباب
بس عن نفسي احب اكووون فوق هذا كله طبيعيه وغير متصنعه
والحمد لله دايما الناس يقولون لي انتي تدشين القلب بسرعه
الله يوفقنا جميعا
بنت عمي كانت بعلاقه مع شخص ويحبوون بعض وهو مااات عشان يتزوجها كل سنه يروح يخطبها وعمي يرفضه وعفسه وسالفه تخيلوااا 4سنوات وهو بس يبغي موافقه وبالاخير عمي واافق
شفتوااا اشلون ماتزوجوا الا باليوم اللي الله كاتب فيه يملجوون
وبقولكم عن بنت عمتي و عمتي تبي تزوجها باي طريقه تخيلوااا كل مااحد قال عندكم بنات قالت انا ويجيون الناس يشوفون البنت والحق ينقال بنت عمتي جمال واخلاق وجامعيه وصغيره توها متخرجه يشوفونها النسوان لما يجون ومايرجعون اللي يرد ويقول مافي نصيب واللي حتي مايردون
وقلنا لها كذا مرة ليش تسوين في بنتج جذي نصيبها بيجيها لين بيتهااا
واقول مرة ثانيه قسمه ونصيب
ههههههههههههههههههههههههههههههه
ضحكتني اللي كانت تقطع الخضره حق الحرمه
وهالشي يثبت ان مهما سوينا النصيب ما ندري
عنه شي( لا كيف ولا متى )
نورة قطر
صحيح كل اللي قلتيه،،، وفعلاً اللي نذكر هو سر الجاذبيه
لاكن ودي اقول ان كلن ياخذ نصيبه ،،،يعني مب شرط
سفيرة فوق العاده
الحين اذا طريناهم نقول شلة "اللي يبون يعرسون" !!
والله مافي احلى من ان البنت تتصرف على طبيعتها…و اللي يلاحق الشي و يدورة مداور مايحصله