– فنيالين قهوه صغار حب الرشاد
– من 3 إلى 4 فناييل سكر
– ماء تقريبا لتر ونص أو اكثر شوي
هذه صورة حب الرشاد
أول شي نغسل حب الرشاد ونحطه في الجدر
ونحط عيله السكر
ونصب عليه الماي ونحطه على النار لمدة تتراوح مابين 20 – 30 دقيقه ونقلبه كل فتره عشان مايلصق في قاعة الجدر
يتبع …
بعد مايستوي حب الرشاد .. ناخذ جدر ثاني اكبر شوي نحطه على النار ونحط فيه ملعقتن طعام زيت أو سمن أو دهن عربي
ونحط عليه ملعقة طعام طحين ونقلبه قلبتين
ونحط عليه ملعقة طعام زنجبيل مطحون (بودره) ونحمره مع الطحين لحد مايصير لونه ذهبي
بعدها نضيف بهارات مكونه من
– 1 ملعقة شاي فلفل أسود أو أقل شوي
– 1 ملعقة شاي كركم
– 1 ملعقة شاي سنوت (كمون)
– 1 ملعقة شاي يليلان (كزبره)
– 1 ملعقة شاي دارسين (قرفه)
– 1 ملعقة شاي هيل
ونحمرهم شوي مع خليط الطحين الزنجبيل .. من وايد عشان ماتحترق البهارات
بعدها نرفع الجدر ونصب عليه حب الرشاد ونخلطه بسرعه عشان مايتكتل ونرجع نحطه على النار
[IMG]
اذا كان جامد شوي نزيده ماي على حسب الكثافه اللي نبيها .. ساعات يكون السكر قاصر شوي ممكن نزيده بعد حسب الرغبه ونخليه على النار شوي .. تقريباً 10 دقايق مع التقليب كل شوي عشان مايتكتل ويلصق في قاعة الجدر ..
وهذا هو بعد ماجهز
ملاحظه …
في ناس يحبون الحسو مع البيض ..
اذا كنتوا من هالناس تكسرون بيضه قبل لاتسكرون على الحسو وتقلبون بسرعه وتخلونه شوي وتسكورنه
وبالهنا والعافيه على قلوبكم ..
وللأمانة منقووووول….
المقادير : الكميه تكفي 4 اشخاص تقريبا او 3
3 اكواب حليب سائل ( المراعي )
فنجان حسو ( الحبه الحمرا ) منقوعه بكوب ماء لمده ساعه .. واذا نشفت شوي زيدها ماي
ملعقتين طعام نشا
سكر حسب الرغبه
ملعقه هيل مطحون + نصف ملعقه زعفران منقوعه بفنجان ماء ورد
الطريقه :
في البدايه نحضر جدر ونضع الحليب مع السكر ..والنشا ونحركه ثم نضعه على النار مع التحريك المستمر
ثم نضيف الزعفران والهيل وماء الورد …ونتركه حتى يغلط شوي الحليب
بعد الغليان نضيف الحبه الحمرا المنقوعه …ونحركه بسرعه وطبعا في هذا الوقت بتلاحظون ان الخليط غلط
انا زدته نصف كوب حليب ..وقعدت احركه وتقريبا نتركه على النار ربع ساعه على نار هادئه مع التحريك
بين فتره واخرى …. ومن ثم نقدمه وهو حار
تقدرون تاكلونه بملعقه كانه كسترد …او نحطه في بيالات ونشربه كانه شاي
وعلى فكره ترى هو خفيف مب غليظ نفس المحلبيه .. يعني قوامه بين الخفيف والغليظ ….
وتمتعوا بالطعم اللذيذ … واسمحولي لاني ما اعرف اشرح …
هذي صوره ثانيه ….بعد
وتدللي يالغالية…. بس للأمانة منقووول….
يعطيك ألف عافية
وماقصرتي,,