بــــــــــــــــــــــــــــــــــــــــس ياحبايبي ياعزيزاتي ابي طريقة حلوة وسهلة لان:wink: معاي فقر دم وانصحوني بالسبانخ بس ماعرف اسويها
الاولى:- متل عمل الملوخيه
تضعي اوراق السبانخ المقطعه بعد غسلها جيداً في قدر وتضعي عليها مرقة اللحم طبعا تكون مبهره وملحه وتنتظري لتغلي شوي وطفي تحتها وبالهنا والشفاء.
الثانيه:-
عملها بالفطاير:-
تجيبي أوراق السبانخ المقطعه والمغسوله جيداً وتضعي عليه ليمون وملح وفلفل وبصل مقطع وسماق وتحشيها بعجينة الفطاير وتدخليها الفرن حتى تتحمر وصحتين وهنا
أتمنى أكون افدتك.
شوربة الآش
بس انا ازيد كمية السبانخ ..عيالي يحبونها ومفييييييييده ولذييييذه
ا قبل لا تطبخين البقول تنقعينهم ببيكربونات الصودا من الليل وثاني يوم تغسلين البقول عدل وتسقلينهم عدل
انا احط نص كوب نخي يابس ونص كوب فاصوليا حمرا وربع من الاتي: عيش وعدس اخضر وماش اخضر وفاصوليا بيضا تقدرين تحطين اللي تبينه من البقول المهم بعد مايستوي عدل ..بعض الحبوب بتذوب
انتي تكونين قاليه بصله كبيره كامله شرايح لون ذهبي(بزيت الزيتون تقريبا نص كوب او اكثر)هذا اهم شي وهو اللي يعطي طعم حلو.. ربطه صغيره بصل اخضر ومقطعه السبانخ ربطه كامله تحطينهم عالبقول
حطي تقريبا ملعقه كبيره مليانه ملح على حسب الذوق وربع ملعقه صغيره فلفل اسود
حطي اقل من ربع كيس سباجتي
وبس خليه نص الي ساعه الا ربع على نار هاديه الى وسط
وبالهنا والشفا
اسلقي المعكرونه سويها شوي لينه واشخليها وحطي عليها علبة قشطه وملعقتين كبار جبن بوك السائل
قطعي بصله صغيره مفرومه مع 3 حبات ثوم مهروس
حمري البصل والثوم شوي وحطي السبانخ تقريبا ربطتين ..انا احط وااايد
وملح وفلفل اسود
سوي باشاميل خفيف شوي مب ماي.. شوي بس وحطي عليه موزريلا نص كيس صغير
عقب ماتجهزين المكونات
جيبي بايركس حطي من المعكرونه كلها
وفوقها حطي جبن فيتا (انا اكثر الجبن يطلع لذيذ)
وبعدين السبانخ
واخر شي الباشاميل
وخليه في الفرن نص ساعه او لين مايحمر السطح
جربيها وادعيلي
وبالهنا والشفا
وعندي بعد طريقة فطاير السبانخ ..احلى طريقه تعلمتها
و يخنة السبانخ باللحم المفروم والصنوبر لذييييذه واستخدم فيها كميه كبيره من السبانخ
انشالله قريب بنزل موضوع فيه هالاكلات وبالصور
ممكن انك تعمليه سوتيه (تطبخيه قليلا على البخار وبعدين تقليه في الزيت وقليل من الملح والفلفل الاسود)
ممكن تقطعي منه في السلاطات
ممكن تعملي به فطيرة السبانخ مثل التارت تماما( قالب من العجين والحشوة سبانخ وبيض وجبنة )
واسال الله العظيم رب العرش العظيم ان يشفيك ويعافيك
بس انا بس اعملها مرقه واسلق الوبيا اليابسه او اي بقول فاصوليا حمرا اي بقول
واللحم ايضا ينسلق وبعدين اقلي بصله في الزيت وضعي الوبيا اكيد تضيفين البهار الفلفل الاسود
والقليل من الحامض الليمون دوزي والملح وتضعين السبيناغ انا عندي جاهزه ومجمده بالمجمده
ومعجون الطماطم رررررررررررهيبه كلنا نحبها بالبيت مع الارز الطعم رررروعه
واسال الله العظيم رب العرش العظيم ان يشفيك ويعافيك
تجيبيها وتقطعيها بالسكينه وتغسليها وتقطعى عليها شبت وكسبه خضراء وتضعيها عل جنب وتقومى بتحمير البصله بعد تقطيعها وتضيفى عليها عصير الطماطم وتتركيها حتى تتسبك ثم تضيفى عليها السبانخ بالكسبره بالشبت وتقلبيها لمدة خمس دقائق ثم اضيفى عليها كميه صغيره من الارز او حمص مخصص للطبخ ثم تضيفى علها المرقه باللحم وتتركيها ربع ساعه على النار وتاكل بجانب الارز او من غير حسب المزاج وبالهنا والشفا