طريقة عمل الكعكه الاسفنجيه سهله جدا جدا 2024.

اليوم صايره الشيف ام سعيده ههههههههههههه..
جايبه لكم طبق سهل جدا جدا..

حق الريوق..
حق اليهال..
حق وقت العصر تتناولينه مع الشاي..
حق الربع بعد العشى او الغدى..

المقادير:
1- بيضات 7-8
2- كوب سكر مطحون
3- كوب طحين امريكي الابيض رقم 1
4- ملعقة شاي بينكنغ بودر
5- ملعقة شاي فانيليا
6- نص كوب حليب نيدو
7- ملعقتين كبيرتين زيت
8- ماء وقت الحاجه اذا تكتلت الخلطه
9- قشطه
10 فواكه مشكله

الطريقه:
1- هاتي قدر بلاستيك وحطي به البيض+ السكر واخلطيه بالخلاطه الكهربائيه باتجاه عقارب الساعه.. حتى يرتفع الخليط واتحسين انه تضاعف كميته..
(بتجاه واحد لا تعكسين كل مره ادخلين الهواء وتخربين الخلطه)..
2- ضيفي (الحليب+ الدقيق+ بينكينغ بودر+ فانيليا+زيت) واخلطيه بالخلاطه.. لمدة ربع ساعه الى النصف ساعه..
3- تذوقي الخلطه وشوفي فيها طعم سكر كافيه والا يباله زياده..
4- ضيفي الماء ان احتجتي اليه يعني الخلطه صارت متكتله والا شي..
5- هاتي القدر الي بتحطين به الخلطه.. وادهنيها بقليل من الزيت..
6- صبي الخليط وحطيها بفرن بدرجه حراره مناسبه( الفرن يكون جاهز من 10 دقايق حار) واتركيها حتى تشمين بها رائحة الكعكه الطيبه..
(لا تفتحين الفرن كل شوي بدخلين الهواء وبتخترب الخلطه)
7- هاتي سكين وادخلي في الكعكه اذا شفتيها رطبه وما لصق فيها شي يعني جاهزه واذا شفتي فيها لزوجه وعجينه يعني مش جاهزه)
8- مممممممممممممممم لذيذه صح

9- اتركي الكعكه حتى تبرد يعني ربع ساعه..
10-خلطي القشطه+ السكر وصبيها على الكعكه بعدما تجهز..
11- صبي فوقها فواكه المشكله.. في منها بالعلب او انتي تتفنين به.. تقصين الطازج..
12- حطيه بالثلاجه وبعد ما تبرد تصير يمي يمي..

so simple صح

بالهناااااااااااااء والشفاااااااااااااااااااء..

سبحانك اللهم لا اله الا انت استقفرك واتوب اليك

سبحانك اللهم لا اله الا انت استقفرك واتوب اليك