بسم الله الرحمن الرحيم
السلام عليكم ورحمة الله وبركاته..
اليوم حبيت اعرض لكم طريقة لف الورق العنب المعتادة.. مع تصويري للطريقة.. وان اشا ءالله يكون بشكل واضح وسهل للجميع..
ولاحقا ان شاء الله بعد ما اخلص ترتيب الصور اللي مصورتها لطريقة الورق عنب راح اعرضها في اقرب وقت بإذن الله تعالى..
طريقة لف الورق عنب
اولاً: نستخدم السطح الداخلي للورق عنب وليس السطح الخارجي (الأملس وغالباً ما تكون لامعه) .. نفرش ورقة العنب الخشنة وتكون ايضاً العروق اكثر وضوحا فيها.. ونضع كمية من الحشوة.. وكمية الحشوة تعتمد على حجم الورقة..
الحشوة تكون مش في النص تمام اقل من النص شوي مثل الصورة الموضحة:-
ثانيا:- نأخذ الجزء السفلي للورق عنب ونغطي به الرز مثل الصورة الموضحة:-
ثالثاً: ناخذ الجوانب و ونلفها( نطبقهم على بعض) للنص مثل الصورة اللي تشوفونها..
رابعاً: ناخذ القسم السفلي ونلفه لفوق لنهايات الورق عنب حاولي ما تضغطين وايد عشان ما تطلع حبات الرز قاسية.. يعني خليها براحتها ..
وأخيراً: هذا هو الشكل النهائي لحبة الورق عنب
انتظروني في موضوع الورق عنب بطريقتي الخاصة والسريعة تقريبا وان شاء الله ينال اعجابكم 
لا تنسوني من صالح الدعاء والذرية الصالحة..
أختكم في الله
عروس الجنة
وانشاء الله الكل يستفيد …
والصراحة شهتيني في المحشي الله يسامحج
انا صايمه اليوم وبدعيلج
الله يرزقج بالذريه الصالحه
والله يرزقك ان شاء الله من الذريه الصالحه امين
يلا عن العيازة روحي سويلج محشي .. ولا تنسين تطرشيلي معاج ههههه
الله يسلمج أختي صلصوحة.. تقبل الله عزيزتي .. والله يوفق الجميع..
الله يعافيج طباختنا مهاري والله يسمع منج آمين ..
السلام عليكم ورحمة الله وبركاته
تسلم ايديج يا عروس الجنة
الصور وشرحج سهلوا حق اللي يبا يعرف
سبحان الله اليوم مسويه حق الغدا ورق عنب
اممممممممممممممممممممممم
ممكن اقول شي لفت نظري؟؟
حشوة ورق العنب بصراحة شكلها يشهي وأنا أحب أجرب كل الطرق حتى لو تتشابه
في المقادير، بتختلف في الطعم…بترياج تخبرينا بالطريقة
وتسلمين مرة ثانية
الله يسعدج في حياتج ويرزقج بالذرية الصالحة ويبارك لج فيها
ننتظر مزيدج
وتسلم ايدينك
والله يرزقك الذرية الصالحة ان شاءالله يااااااااااارب