السلام عليكم
مسائكم فل..
أهلا وسهلا فيكم جميعاً ، بعد كم يوم عندي زواج لوحدة من قريباتي وبليز أبي منكم مساعدة
عاجلة في إنكم تخبروني عن طريقة وضع أحمر الخدود والأساس بطريقة تبرز الخدود للي خدودهم
مختفية نوعا ما مثلي وياليت يكون بالصور
ولكم مني كل الشكر
بعد ماتخلصين من المكياج ابتسمي ووزعي البلاشر على المنطقه اللي تبرز
اتمنى اكون افدتج
تحياتي
حركه مجربه عشان تحطين احمر الخدود بطريه تكون حلووووه
والله ياريت عندي صور بس حبيت اوضح لج قد ما اقدر
اول شي ابتسمي يعني حاولي تظهرين خدودج او تكونين عارفه مكانها الطبيعي يعني مثلا اذا انتي من البنات اللي خدودهم تحت او اللي اخدودهم فوق شوي يعني تكونين محدده مكانها لما تبتسمعين وانتي مسكره حلجج وبعدين حطي البلاش فوق الخدود وبس
بعد ما تنتهين .. سوي مثل ما قالوا لج البنات تبتسمين واتجيبين فرشاة احمر خدود كبيرة شوي وتبتدين اتحطين البلاشر على المنطقة المرتفعة بطريقة دائرية وسريعة علشان تنمزج الالوان .. وفي النهاية بيطلع شكل البلاشر طبيعي على خدودج ..وبتستوي خدوك مثل التفاح
بس لازم تختارين لون يناسب لون بشرتج ..
وانشاء الله تستفيدين …
المهم اذا العضمتين اللي في الوجه اللي قراب من العين ( اتمنى تكوني فهمتي عليي )
اذا هدول العضمتين بارزين لا تقربي عليهم البلاشر لانه راح يبرزهم بزياده
ويبان ضعف الوجه بشكل ملحوظ , حاولي انه يكون البلاشر تحت هذه العظمه امتداد الى
المنطقه القريبه من الاذن ( السالف ) اعذريني حبيبتي ما اعرف اشرح
واللمسه الاخيره لما تخلصي من الخدود يكون باقي شويه بلاشر على الفرشاه
مرريها على الانف ثم الذقن ثم الجبهه والنتيجه بتكون راااائعه
ياريت اكون افدتك
تقريبا المنطقة اللي عند بداية عظمة الوجنة
وبعدين ابتسمي والمنطقة البارزة حطي عليها البلاش بشكل مائل
حطي لماع بين العين و البلاشر من فوق وشوفي النتيجة
لما تحطين الفاونديشن تاخذين الكونسيلر الغامق ( إلي يستخدم لتصحيح شكل الأنف )
إبتسمي وحطي من الكونسيلر على المنطقه إلي راح تحطين فيها البلاشر و حطيها بعد على عظمتين الفك الجانبيتين
حاولي توزعينه بحيث يندمج مع الفاونديشن وميبين طبيعي وكلمي مكياج العيون وبقاي مكياجج ولما بتخلصين إبتسمي مره ثانيه وحطي البلاشر
إن شاء الله أكون فدتج وهذ المعلومه أخذتها من خبيرة تجميل
ثانيا ًشفت ببرنامج اوبرا كيف وضع البلاشر تبتسمي وتحطي البلاشر على شكل دائرة بخفة فوق الخد مباشرةً ماتمتدي لفوق
جربي كل النصايح قبل ماتطلعي
موفقة