اليوم قلت أنزل لكم موضوع يديد بس هاالمره ما يتعلق باالمكياج بس يخص الأعتناء باالبشره والجسم.
موضوعي اليوم عن طريقتي في الأستفاده من العينات المجانيه وأنا عن نفسي أستفيد منها وايد وخصوصا في السفر لأني من النوع اللي ما أحب أثقل على نفسي وخصوصا في السفر كل شي أحبه سريع وسهل لأني في ذاك الوقت ما أكون فاضيه أني أحط وأمسح وأغسل مكياج وكريمات وغيرها مع أنه الصح أنج في السفر تكونين مهتمه باالبشره وايد والسبب تقلب الجو وأختلافه من بلدج للبلد اللي أنتي مسافره له أنا أهم شي عندي نظافة البشره وخاصه طلعه من الصبح لين أخر الليل والبشره تكون خلاص هلكت من الجراثيم والأوساخ والمكياج فعشان جذيه أوصل هلكانه مالي خاطر أسوي شي غير أني أغسل وأنام بس هذا أكبر غلط وين راح الترطيب وغيره فبما أني من النوع اللي يتكاسل وايد في هذا الشي شو سويت قمت أجمع كل العينات المجانيه من كريمات ترطيب وماسكات وسكرابات وبودي لوشين وغيره في علبه ويوم السفر أخذ من العلبه اللي أحتاجه في المده اللي أكون مسافره فيها وأنا من النوع اللي مايطول في السفر 2 weeks بس أن طولت 20 days (قصة حياتي)خخخخخخخخخ المهم ماراح اطول عليكم راح أعرض لكم طريقتي في الأستفاده من هاالعينات وعلى فكره أنا أتبع هاالطريقه من زمان طريقه حلوه وسهله وعمليه يعني تاخذين العينه وتستخدمينها ياأما يوم أو يومين وبعدين ترمينها لما تخلص.
أخليكم الحين مع الصور والشرح:
هذا شكل الصندوق اللي أحط فيه العينات المجانيه.
هذا شكله من الداخل.
هذيله بعض العينات من شامبوهات شور جل وبودي لوشن وهاند كريم.
هذيله أملاح للبانيو مالي غنى عنهم أبدا وخاصه بعد يوم طويل من التعب.
سكرابات ماسكات وغسول للبشره.
كريمات ترطيب للبشره والعيون والشفاه.
وخلصنا وأن شاء الله يكون الموضوع حاز على رضاكم وأذا عجبكم لا تنسون تقيموني.
الموضوع مجهود شخصي أذا حبيتي تنقلينه أتمنى أنج تذكرين المصدر.
وتحياتي للجميع…………:Zd_bye_3:
وابصراحه اتا يا اوزعهم ول افرهم خخخخخخخخخخ
بس اتعلمت منج ومنكم نستفيد
الله يعطيج العافيه حبيبتي و مشكوورة على عرضج لتجربتج
تحياتي
:9_33:
/
::
الله يعطيج العافيه
/
::
اني بعد كلا أفلتهم اذا يعطوووني
واحط منهم في شنطة اليد اليومية .. يفيدوني إذا غسلت غسلت ويهي اقدر ارتب شكلي بهم