اليوم جبتلكم طريقتي في عمل خبز الفينو او الكيزر او الصمون كل بلد بتختلف تسميته عن التاني المهم نبلش
المقادير
[IMG][/IMG]
1-كيلو طجين
2-معلقتين كبار خميره
3-كاسه الا ربع زيت
4-بيضتين
5-معلقتين كبار بيكنج باودر
6-معلقه كبيره سكر معلقه كبيره ملح
7-ثلاث معالق كبار حليب بودره
في البدايه بنحط الخميره مع معلقه سكر وماء فاتره في صحن وبنغطيها وبنتركها تفور
[IMG][/IMG]
وهي شكلها بعد ما فارت
[IMG][/IMG]
بنحط الطحين مع جميع المواد الجافه وبنخلطهم منيح
[IMG][/IMG]
بعدين بنضيف البيض والزيت
[IMG][/IMG]
وبنخلطهم وبنحط الخميره الي فورناها وبنخلطهم مع بعض
وبنعجنهم بالماء تقريبا بدها كاسه ونصف كبيره وطبعا بختلف حسب نوع الطحين يمكن ياخد اكتر ويمكن اقل
وهي شكل العجينه بعد ما عجنتها
[IMG][/IMG]
وبنغطيهاوبنحطها في مكان دافي انا عندي بالبيت غرفه لما ما نكون مولعين فيها مكيف ساونا قد ما هي حاميه فبحط العجينه فيها ما بتاخد وقت لتخمر على السريع
[IMG][/IMG]
وهي شكلها لما خمرت انا طبعا نسيت اني بصور فشكلت نصف العجينه بعين اتزكرت اني بصور
[IMG][/IMG]
هلا بنقطع العجينه دوائر متوسطه الحجم كل وحده حسب الحجم الي بتحب تعمل فيه
وبعدين بنفرد الدائره بهالشكل
[IMG][/IMG]
وبنصير نلف فيها بشكل اسطواني بهذا الشكل
[IMG][/IMG]
هيك بيصير شكلها بس لا ننس نسكرها منيح من جميع الجوانب
[IMG][/IMG]
ازا حبينا نعمله متل خبز البرغر بنقطعه دوائر
وهدا الشكل النهائي
[IMG][/IMG]
هلا بنغطيها وبنتركها حتى يتضاعف حجمها كمان مره
[IMG][/IMG]
بعدين بندهن وجهها بالتغطيه الي بنحبها انا بخلط معلقه حليب بودره مع ربع معلقه سكر وشوي مي بخلطهم وبدهن فيهم الوجه
[IMG][/IMG]
وبندخلها الفرن على حراره وسط
وهدا الشكل النهائي طبعا انا كنت اعمل في الفاهيتا فنسيته فالفرن فاتحمر زياده كتير عن اللزوم :
o:o
[IMG][/IMG]
وهي شكلها بعد ما حشيتها بالفاهيتا
[IMG][/IMG]
وهي الرابط تبع طريقه الفاهيتا
http://forums.3roos.com/showthread.p…9#post15564169
وبس طبعا معلش الصور مو واضحه بس تصوير تلفون
وازا عجبكم لا تنسوا الردود والتقيييييييييييم
[IMG][/IMG]
الهيئه كتير طيبه
تسلم ايديكِ يا قمر
تسلمي على المجهود, وبالهناء والعافية عليكم
ماشاء الله تسلم ايديك على الخبز الرائع
((اسيره الغربه )) سابقا
حركاااااات يَ ئمر
يعطيكـ العآآفيـــة .. وتسسلم الآيـــآدي يَ رب ..
الله يعطيك العافيه
شكلها كتيررررر مشهي