طفلك والتحرش الجنسي 2024.

اخواتي انصحكم تنتبهون لاأطفالكم من التحرش الجنسي لان متوقع من اي شخص بها الوقت اللي انفتح العالم فيه وصار يخاف الواحديخاف من كل شي انتبهو من السواقين لان العيال ينخاف عليهم موبس البنات تخيلوا سمعت قصت وحده طفلها تحرش فيه اقرب الناس له ولد خاله عمره 14سنه المراهق عنده مشاكل عائليه لابوه يدري عنه ولاامه اللهم لاشماته الطفل صار عنده ردة فعل عنيفه صار كلامه للاطفال بذي وغيره اعظم والسلام

اللهم احمي عيالنا من الاشرار …

والحمدللة ولدي بين يدي حتى لو رايحه السوق ما اعطية لا للخدامة ولا للدريول (مع ان ما عدنا دريول ) 2

الله يعين الدنيا كيف بتصير عقب 5 او 10 سنوات …. مجلوبة وخايسة كل من الامريكان

الله يهدي عيالنا ويطلعوون مدينين ومتمسكين بكتاب الله سبحانه وتعالى … قولوا آآآآآآآآمـــــــــــــين

اختي دوم الواحد يخاف من القريب قبل البعيد لأن هم اللي جدام عيالج 24 ساعة وعلى فكرة وااااااايد قصص تستوي وين يكون المعتدي من الاهل ولكن الوحدة في نفس الوقت تنتبه بعد من البعيد واحسن شي انج توعين الطفل من اول يوم يبدأ يسير فيه الروضة لا تقولين مايفهم لا عيال الحين ماشاء الله لازم تحذرينه وتنبهينه ان اي حد يقرب منه من العيال او الشباب او حتى الرجال ترى بعضهم نفوسهم ضعيفة لازم يصدهم ويضاربهم ونيهي عليه يجي ويخبرج انتي ولا أبوه

انا احين ما عندي وقت بس عقب برد ادخل وبخبركم قصة استوت ويا اخوي لما كان عمره 6 سنوات يعني قبل 25 سنه

لي عودة

يالله عاد نتريا القصه …….

SIZE="5/"][green/]هدا الشي من زمان مو الحين وانا في اولى ابتدائي كان بابا يخلي صديقه يجيبني من المدرسه احيانا وكان حسبي الله عليه يقول لي اخليك تسوقين وانا افرح واقول لو ايوا يحطني على رجوله بس الحمد لله ما شال عني ملابسي ويقول لي سوقي وسبحان الله موكنت صغيره بس كنت احس انه اتغير وفي شي مو طبيعي بعدها بكل براءه قلت لبابا خلني اسوق السياره زي ما عمو000000 بيخليني اسوق حسيت بابا زعل وملامحه اتغيرت وقال فين بيجلسك لما يقول لك سوقي قلت له كل شي صار بعدها ما يجيبني من المدرسه الا هو وبنتي الحين عمرها 4 سنين بنات جيراننا في الخميس مره طيبين وتنزل يلعبوها هم كبار ويوم جات تقول لي اخوهم اللي عمره 14 سنه نزل لها الكلوت بس الحمدلله ما سوى شي انجنيت ورحت عندهم ما لقيت اهله لقيت الولد وطرت فيه واتحشبنت عليه صار يقول لي والله اني ما اذيتها بس كان حب استطلاع وسامحيني _على فكرة ابوه امام جامع_ويترجاني اسامحه بس ما قدرت وكلمت اهله ووديت بنتي المستشفى عشان لو صار شي لا قدر الله بس الحمدلله بس الدكتورة والدكتور بهدلوني وفعلا صح كلامهم الغلط غلطي انا انا اقول لكم كده يا بنات عشان تنتبهون الله يحثظلنا عيالنا وبناتنا [/COLOR][/SIZE]

الله يبعدنا عن الناس الي مثل هذووول

حسبي الله على هالناس.. اعوذ بالله من الشيطان..
والله الواحد صار يخاف من هالشغلات الي اتصير.. سواء للبنات والا الاولاد الدنيا ما صار فيها امان..
ربي يحفظ عيالنا من هالاشكال..

{رَبَّنَا مَا خَلَقْتَ هَذَا بَاطِلا سُبْحَانَكَ فَقِنَا عَذَابَ النَّارِ * رَبَّنَا إِنَّكَ مَنْ تُدْخِلْ النَّارَ فَقَدْ أَخْزَيْتَهُ وَمَا لِلظَّالِمِينَ مِنْ أَنْصَارٍ * رَبَّنَا إِنَّنَا سَمِعْنَا مُنَادِيًا يُنَادِي لِلإِيمَانِ أَنْ آمِنُوا بِرَبِّكُمْ فَآمَنَّا رَبَّنَا فَاغْفِرْ لَنَا ذُنُوبَنَا وَكَفِّرْ عَنَّا سَيِّئَاتِنَا وَتَوَفَّنَا مَعَ الأَبْرَارِ * رَبَّنَا وَآتِنَا مَا وَعَدْتَنَا عَلَى رُسُلِكَ وَلا تُخْزِنَا يَوْمَ الْقِيَامَةِ إِنَّكَ لا تُخْلِفُ الْمِيعَادَ} [آل عمران: 191-194].

تسلمين حبيبتي هلاوين على تفنينك لصورة ابنتي.. ومشكوره على الهديه الرائعه

القصة يا بجعة كانت قبل 25 سنة في بيت عمي اللي هو عدال بيت اهلي في ميلس الرياييل ……

دخل اخوي قاله عمي سلم على الرياييل سلم عليهم وسار صوب التمر ياخذله وحده قام واحد من الرياييل نفسه خايسة وغمز حق الرياييل اونه بيمزح وسحب سروال اخوي جدام كل الرياييل في الميلس وطبعا انشاف اللي تحت السروال عاده اخوي لحظتها صرخ وسحب نفسها من عند الريال ورفع سرواله وتم يسب الريال ويصيح وطلع برا والله يعزكم شال النعال وتم يحذف الريال ساعتها عمي الله يسامحها بدال مايهدي اخوي ويهاوش الريال قام يصارخ فوق اخوي ويقول سير بيتكم وطرده ورد اخوي البيت يصيح ….

شافته امي قالتله شو فيك قالها القصة ، عاده امي اشتطت كله ولا عيالها والعرض ولبست عباتها وشلت عصاتها وسارت ميلس الرياييل وطاحت في الريال وفي اللي يالسين كلهم سمعتهم كلام مايحتاي وقام الريال الي نفسه خايسة يراددها وقال حق عمي ما تشوف الحرمة واونه عمي (( مب اخو ابوي يستوي ولد خال ابوي بس نقوله عمي)) المهم يسكت امي ويقولها سيري بيتج هذيج الساعة طاحت فيه امي هو بعد تقوله بدال ما ادافع عن ولد اخوك تشوفهم شو سووا فيه وتسكت !!! قالها ماسواا شي قالتله هيه اليوم سحبوا سرواله بكرة الله واعلم شو بيسوون فيه!! ….. وهددت الرياييل وقالتلهم لو سمعت ولا عرفت ان في حد لمس واحد من عيالي ترى بذبحه بيدي هاي وقام الريال وغلط عليها مدري شو قالها وسارت امي تبا تضربه بعصاتها بس عمي مسكها وقالها سيري البيت وجي لين ما ردت البيت …….

والمشكلة ان عمي هذا الله يهديه ما سكت واستحى على ويهه لا عقب سار عند ابوي يقوله ربي مرتك طبي على الرياييل في بيتي وتهددهم وتبي تضربهم بس الحمدلله ابوي لما عرف السالفة من امي قالها زين سويتي فيهم ..

هاي هي القصة واتمنى انكم تستفيدون منها وماتسكتون على الغلط والمنكر حتى لو يا من اقرب الناس