الغاليه عندي استفسار عن وصفه الاكزيما
انا عندي ولد اخوي صغير عمره 6 شهور والاكزيما ذابحته بخدودة
ماخلينا مستشفى ولادكتور وتحسين مافيه نتيجه اللي يقولون الحليب واللي يقول اللبس الصوفي
ووووواعذار كثيره غير مقنعه والصغير مسكين مبهذلنا بالصياح ومو قادرين نسوي له شئ
ماادري هل الوصفه هاذي تناسبه والا لا
انا قلت جربوها مابتضر دامها طبيعيه بس امي قالت اسآلي
انتظر جوابك بفارغ الصبر
والله يجازيك الخير عدد ماكان وعدد مايكون وعدد الحركات والسكنات
لاتستخدمون له وصفات طبيعيه وهو بهذا السن
المهم اكزيما الاطفال تحتاج لتوقيف كل انواع الصابون عنه واستخدام واحد بديل طبى
وماتلمسونه وانتو متعطرين او تحضنونه وتلصقونه بكم وفيكم عطورات وكريمات
وكريم اليكا ممتاز للاطفال بهذا السن ELICA
وهو به نسبة كورتيزون بسيطه جدا للسيطره على اكزيما الاطفال
وولد اختى نفس المشكله واليكا ممتاز فعلا كان وجهه يورم من الاكزيما وبعد اليكا الحمدلله
راحت الاكزيما ومتى مارجعت لو بقعه صغيرونه على طول نعدمها بالاليكا
وطبعا الوصفه من طبيب اطفال جدا مشهور بالبحرين
والصابون بكره اعطيك اسمه وهو يستخدم لكل الجسم والوجه
صابون سائل طبعا لكنه يناسب بشرات الاطفال ويوقف معاناتهم مع الاكزيما
لان اسباب الاكزيما تبقى مجهوله كل يوم يقولون لك من سبب مختلف
وربى يحفظه ويشفيه ويخليه لكم يارب
زين اللي ماتهورنا وجربناها عليه
وانتظر اسم الصابون عشان نشتريه
تصدقين اجل كثر البوس هو اللي مسبب له هالشئ
وصدقيني ماانساك بالدعوات على كل وصفه اخذتها وجربتها انا والعائله وحتى الجيران
لكل الاطفال وبالخصوص اللى يعانون من الاكزيما
لا بوس..
لا للعطور
لا للتقرب لهم بعد التعطر مباشره وحضنهم
لا للاحماض (مشاريب تتناثر على وجوههم)
لا للصابون العادى ولاحتى البيبى جونسون
لا لمرطبات الجسم العاديه
الام اذا تمسكه او تحضنه تتاكد من ان صدر فستانها بلاعطور
الاغطيه الصوفيه والجاكيتات الصوفيه
دايما اللى تلامس بشرته او قريبه من وجهه تكون قطنيه
التبخير فى الغرف وغيره
يعنى تحاولون الجو للغرف يكون نقى واللبس ناعم ولا بوس له
وربى يحفظه ويشفيه ويبلغكم فيه ان شاء الله
وتسلمين يا قلبى
<<بتتصفق منها :shy:
قلبووو ماكتبتي اسم الغسول ودي نشتريه للعسل فديت قلبه
بخصوص الكريم تو انتبه يالغاليه
كريم اليك تصدقين قبل فترة دكتورة الجلديه كتبته لنا بعد ماشالت الوجه بالليزر
ويوم قلتي لي عن الكريم طرت للي عندي الا طلع نفسه
وها احنا بدينا نستخدمه للكتكوت
بس تحذيراتك ماعملنا فيها عارفه بتعصبين بس مانقدر لازم نبوسه
🙁
تفضلي هذا غسول الجسم والشعر للكتكوت
ISODERM SOAP FREE PH 5.5 – BABY LIQUID CLEANSER
وهو رائع لكل الاطفال وبه خلاصة البابوبنج
وفهودي ولد اختي الله يحفظه ما ارتاحت بشرته الا مع هذا الغسول التحفه
استخدموه كبديل للصابون والشامبو وربي يخليه لكم ويحفظه
وبلا بوووووووووووووس :angry: :angry: :angry:
بوسوه بس على راسه
وفي حفظ الله ورعايته
عساج عالقوه