مرحبا يا حلوين …
حبيت اليوم أغير لكم جو شوي … مع أن الموضوع أتوقع مكرر .. بس فيه تجديد ..
كل وحده تحط لينا عطورها اللي تستخدمهم و المفضلين عندها …
عني أني عطوري واجد و و هذي اللي أستخدمها حاليا …
1
Carolina Herrera
CH
و حسب علمي أنه ظمن أكثر 15 عطر مبيعا
ريحته قويه بس أحبها لأنها فخمه مره و أحسها تناسب الليل أكثر ..
2
Givenchy – Mariage Amarige
هذا مشكلته أن مو على أي بشره يزبط …. و ما أستخدمه على طول و لما شريته كان معاه صابون و كريم نفس الريحه .. بس عاجبني
3
Armani Code
هذا ريحته تثبت في الثياب بقوه .. أحطه من الليل و يظل للصبح ..
4
Cinema
طبعا قديم بس مستحيل أستغني عنه ..
في عندي بعد بس باخليهم حق مره ثانيه 😉
ألحين الدور عليكم .. أبغى تفاعل …
خاصة سي اتش كارولينا امووت عليه
وارماني بعد مرة حلوووو
بس سينما مايعجبني كثير ريحته مرة كلاسيك …
تتهنين فيهم ياقلبي
هذا عطري المفضل والي احبه وايد
وعطوراتي الحاليه للنهار وبعضها للسهره
أنسولانس من جيرلان
رومانس من رالف لورين
تومي قيرل
ديور أديكت
وأخيرا أنفي مي من قوتشي لونه أخضر وأعتقد أنه جديد بس روووووووعه
وسلااااااامتك
ايفوريا ..رووووووووووووعة فخم ومناسب للسهرات
ستيلا الوردي.. حلوو ناعم بس مناسب للسهرات يعني مو للصبح
عطر قطرات المطر ..من اجمل ..واااااااااااااايد حلو و رخيص و مناسب للصبح
عطر مادري شنو اسمه صعب بس مو من ماركة معينة خذيته من محل باستراحة من طريق السعودية بس طحت عليه والله حده رووعة قووية على توابل
عطر فيكتوريا بيكهام البنفسجي ..حلو و هم مناسب للصبح
……………..
والحين العطور اللي جربتها بس خلصوا ..وفي كذا وحدة عجبووووني حيل
عطر جوسي كوتور عجيييييب بس ثقييييييييل يعني ما ينفع للكل .. بس ينفع للشيلة وقت لما تروحين العروس و المناسبات ..وشكله حلوو وااايد بس غالي
عطر ارماني الابيض انا ماعندي اياه بس شميته و حده عجبني ومفكرة بشتريه اللي بيونسي سوت دعايته عرفتوه ؟
عطر غوتشي انفي مي رووووعة خفيف
عطر ارماني كود حده حده حده حلوووووووووووووووووووووووووووو عجيب
عطر dkny الاخضر حده حلوو وايد ريحته على فواكه
عطر من بودي شوب اللي تيي بعبوات صغيرة ..اللي لونه برتقالي و اهوه بالنيرولي و الياسمين حده حلوو ومناسب للصبح بس ما يعجب اي وحدة لانه كذا وحدة شمته و قالت مو حلو بس انا و رفيجتي نستخدم نفس الريحة كل يوم مطقمين هههه
عطر لايف من جينفير ..رووووعة
عطر كوكو شانيل ..ما عليه كلام
عطر بريتني سبيرز الوردي اللي عليه شوارفسكي اخضر مااعرف اوصف ..ريحته وااايد سووويت
عطر بريتني سبيرز الازرق اللي نزل بعد الوردي ..حلوووووووو و مناسب للصبح بشدة
لانه عطر ريحته علج (علك) و لما كنت اقوم حق الدوام كنت اشمه على رفيجتي لما اقعد معاها
و بصراحة تنفتح نفسيتي لما اشم هالريحة لدرجة سميتها ام علج لوول فديتها والله
بعدين رفيجتي ملت مني تقول خلصتي عطري ليما رحت شريتلي واحد
عطر نينا ريتشي التفاحة .. بصراحة احلى عطر مناسب للصبح ..ريحته فرررررررررررررررش و اي وحدة تفكر
تشتري عطر للصبح اول عطر تاخذه اهوه هالعطر ..ليحين ما شفت احد و شمه الا وعجبهم
_____-
وبصراحة الحين ما قررت اني ما استخدم الا الزيوت العطرية حلوة و تدوم و رخيصة و فيها انواع مثلها مثل العطور الفرنسية وحاليا مرتاحة على مسك روز حده حده عجييييييييييب امس حطيت شويه عالملفع
تالي يوم الريحة ليحين موجودة ما تروح بسرعه
من شاف اسعار العطور اللي ارتفعت للسما يغير رايه مثلي
و بالصيف بعد عطرج بيخلص بشهر واحد ..بعد هذي اول مرة اجرب الزيوت العطرية وااااايد حلوين عالاقل اقدر استعملها مثل ما ابي مو اقعد افكر مابي اخلصها لاني اذا رشيت العطر ارشششششششششششش من قلب
مشكورة حبوبة عالموضوع الروعة و سوري عالهذرة الزايدة بس هذا رايي بالعطور عموما
و تره في عطور كثيرة اكثر من هذول بس ما اسعفتني الذاكرة
بس يا بنات هذول مو كلهم عطوري .. بعضهم عطور انا شامتهم على رفيجاتي مثلا او بالمحل عرفتوا ؟
يالله سلاااااام
ريحته حلوووووووة بس للاسف ما اتوقع اقدر القاها بالكويت بعد ما تخلص اللي عندي
يالله بنات نبي تفاعلكم
وكل ما احصل عطر يجبني هجوم واشتريه
مو شرط الاسم ولا الماركه
مرحبا فيج حبيبتي …
والله فرحت أن طلع ذوقي يعجب أحد … لأن أهلي كل يعترضون على عطوري …
و سينما .. نزل منه واحد خفيف .. ماحد يجيبه غير محل Faces الظاهر … روحي جربيه .. مره حلو صاير ناعم وايد … لو ما كنت لسه فاتحه علبه جديده كنت رحت شريته ..
مرحبا فيج مره ثانيه ..
lonly_girl
بصراحه أنا ماعرف هذا العطر .. بس شكله حلو …
أهلا و سهلا بيج في صفحتي ..
روح الوفاء
نورتي بوجودك … عطورك كلها حلوه و ذوق … تتهنين فيها يا قلبي ..
حب القلوب
حبيبتي ضيعتيني في الكلام …
لو كنت حطيتي صور للعطور الي قلتي عليها … لأن بعضها ماعرفها ..
عالعموم … عطر ستيلا الوردي عجبني وايد بس مع الوقت حسيت ريحته تشبه الشاي ..
عطر أرماني الأبيض يجنن … أسمه دايمند … ناويه أخذه
مجموعة نيرولي جازمن من بدي شوب كلها حلوه و توني خلصتها بس شريت أكوا ليلي و طلعت ناعمه و حلوه وايد … و أنا أحب بدي شوب عشان أحب ريحتي كلها تطلع زي بعضها ..
عطر لايف من جينفير .. هذا سمعت يقولوا أنه يجنن
عطر كوكو شانيل … هذا بعد حلو و اشتريته هديه حق أمي من قبل ..
و شوقتيني أشم عطور بريتني سبيرز ..
شكرا على حضورج أختي .. الله يديم هالطله الحلوه ..
منوري ..
تتهنين بكل عطورج ..
كارولينا هريرا
رووعـﮧ
تسلم يدج
بالنسبه لي وايد اغير من ينزل عطر اشتريه بس بعد مب اي عطر لازم يكون
حلو عندي عده عطور احبها واحس انها تناسبني من استي لودر من غيرلان من بلغاري من توم فورد
من مكاليف من جوتشي وايد انواع احب صراحه كذا ماركه احب عطورهم يعني مب بس نوع