جااايبه لكم وصفااات عجيبه مره عن الكحه وحساسية الصدر عند الاطفال .. 
بصراحه انا جربتها شخصيا معا بنتي وانفعت وااايد وااايد وفي وقت قصير بلا ادويه وبلا غيرها ..
اول وصفه :
اذا حصيتي طفلك فيه كحه بس في بدايتها تقريبا وطفلك عمره سنه وفوق ،، عطيه ملعقة عسل معا عصير بصل . والله مافي احلى منه يعمل عمل المضااد الحيوي انا وحده قالت لي انها مجربته ويا عيالها كلهم وب لا مره عطت واحد من عيالها مضااد ..
ثاني وصفه :
بعد للكحه والحساسيه ،،
خصوصاً ان الاطفال من عمر 6 اشهر تقريبا تبتدي معاهم مشاكل الصدر من كحه وحساسيه وخصوصاً لما يكون معاها بلغم هاي انا جربتها ويا بنتي وكانت ولا اروع ..
وهي البابونج معا العسل .
و اليانسوون بعد ممتاااااااااااااااااااااز .
اما الوصفه الثالثه :
ولنفس الغرض هي عباره عن :
3تمرات
3حبات تين
نصف ملعقة شاي حبه سوده
معا نصف ملعقه صغيـره حلبه
يطبخوون معااا بعض وعقب ينهرسوون زين وينحطون بالمرضاعه
مره باليوم ولمدة يومين وبتشووفين الفرق باذن الله ..
الوصفه الرابعه :
باقولكم سالفتها قبل ،،
هاي من ثلاثة ايام تقريبا بنتي وايد تعبت بنتي عمرها سن و7 اشهر جربت معاها الي سبق وعطا نتايج زينه بس مو 100%
المهم كل يوم وياها بالطوارئ ويحطون عليها البخاخ 🙁 وانا اكره البخاخ واتعذب معاها لي احطه المهم وحده قالت لي لاتعودين بنتج على البخاخ وحاولي اتدفينها تدرون الجو هالايام كريهه وبردنا لا يطاق ..
فصرت اسوي لها قبل النوم ..
اسلق 3 حبات تين معا شووووووووووية زنجبيل وشووية حلبه .. واسويه في المرضاعه واحط معاه حليبتها وتشربه قبل النووم صراااحه يومين وهي صايره ولله الحمد والشكر زي قبل وخفت كحتهااا واايد ورميت كل الادويه والبخااخ ..
اسمحو لي طولت عليكم ..
بس والله كل هدفي اني افيدكم
فعلا كلنا نحتاجها بهالوقت البارد..
بس قولي لي اختي شنو عصير البصل؟
يعني اسلق البصلة وماي سلقها استخدمه ؟
او اعصرها مثل الليمونة ..
او شنو؟
مب حااار ع الياهل؟
تسلمين اختي نونو قطر على الوصفات
بس انا باضيفلك وصفة ونفعتني جدا مع بنتي وهي عمرها شهرين وصار لها زكام و بلغم و عطوها في المستشفى اوكسجين
و المسكينة كانت وايد تعبانة من البلغم
اللي عملته
غليت ماء وعند الغليان حطيت عليه خمس او ست حبات لبان و سكرت النار وغطيته حتى اصبح دافئا ومن ثم حطيته في الرضاعة وصرت اعطيتها كل ساعتين قليل والله انه كل ما شربت نصف ساعة و تزوع كل البلغم و ترتاح يومين وهى بخير وعافية
هذه من تجربتي والله يحفظ اولادكم جميعا
و السموحة على الاطالة
تحيتي
لما يكون مريض يالله دوب يفتح فمه ياكل شيء.. اخليه بعد يرجعه.. ما اقدر…
تسلمين عزيزتي ما قصرتي
وبالعكس اختي جمانه هاي وصفات طبيعيه ومب حاره على الطفل ..
الله يعطيج العافية ………..